ଜଗନ୍ନାଥ ବଲ୍ଲଭ
ସାମଗ୍ରୀ:
ଅଟା : ୧ କପ୍, ଗୁଆ ଘିଅ , ଚିନି , ପାଣି , ଗୁଜୁରାତି , ଲବଙ୍ଗ , ଜାଇଫଳ, ଗୋଲମରିଚ ଗୁଣ୍ଡ ଏବଂ ଖାଇବା କର୍ପୂର ।
ପ୍ରସ୍ତୁତି:
ଏହାକୁ ପ୍ରସ୍ତୁତ କରିବା ପାଇଁ ପ୍ରଥମେ ଏକ ଭାରି କଡ଼େଇରେ ଧୀମା ଆଞ୍ଚରେ ଘିଅ ଗରମ କରି ସେଥିରେ ଅଟା ମିଶାନ୍ତୁ ଏବଂ କଞ୍ଚା ବାସ୍ନା ଚାଲିଯିବା ସହ ଏହା ସୁନେଲୀ ବାଦାମୀ ରଙ୍ଗ ହେବା ଯାଏଁ ୭ ରୁ ୧୦ ମିନିଟ୍ ପର୍ଯ୍ୟନ୍ତ କ୍ରମାଗତ ଭାବେ ଗୋଳାଇ ଭାଜି ନେଇ ପାଖରେ ରଖନ୍ତୁ। ଏହାପରେ ଅନ୍ୟ ଏକ ପାତ୍ରରେ ଚିନି ଓ ପାଣି ମିଶାଇ ମଧ୍ୟମ ଆଞ୍ଚରେ ଫୁଟାନ୍ତୁ ଏବଂ ଚିନି ମିଳେଇଗଲେ ସେଥିରେ ଛେଚା ଗୁଜୁରାତି, ଲବଙ୍ଗ ଓ ଜାଇଫଳ ପକାଇ ଏକ ତାର ବିଶିଷ୍ଟ ପାଗ ହେବା ପର୍ଯ୍ୟନ୍ତ ସିରାକୁ ଫୁଟାନ୍ତୁ। ଏବେ ଆଞ୍ଚକୁ ଧୀମା କରି ସେହି ଚିନି ସିରାରେ ଭଜା ଅଟାକୁ ତୁରନ୍ତ ଢାଳି ଦିଅନ୍ତୁ ଏବଂ ମିଶ୍ରଣଟି ବହଳିଆ ହୋଇ କଡ଼େଇର କଡ଼ ଛାଡ଼ିବା ପର୍ଯ୍ୟନ୍ତ ୨-୩ ମିନିଟ୍ ଯାଏଁ କ୍ରମାଗତ ଭାବେ ଗୋଳାନ୍ତୁ। ଶେଷରେ ଏହି ଗରମ ମିଶ୍ରଣକୁ ଘିଅ ଲଗାଯାଇଥିବା ଏକ ଥାଳିରେ ଢାଳି ସମାନ ଭାବେ ବିଛାଇ ଦିଅନ୍ତୁ। ଏହାକୁ ୫ ରୁ ୭ ମିନିଟ୍ ପର୍ଯ୍ୟନ୍ତ ସେଟ୍ ହେବାକୁ ଛାଡ଼ି ସାମାନ୍ୟ ଉଷୁମ ଥିବା ସମୟରେ ହିଁ ଚାରିକୋଣିଆ କିମ୍ବା ଠିକିରି ଆକାରରେ କାଟି ସମ୍ପୂର୍ଣ୍ଣ ଥଣ୍ଡା ହେବା ପରେ ବାହାର କରନ୍ତୁ।
