ଭାରତର ବିଭିନ୍ନ ସ୍ଥାନରେ ଅନେକ ପ୍ରକାରର ରୀତିନୀତି ଏବଂ ପରମ୍ପରା ଦେଖିବାକୁ ମିଳେ । କେତେକ ଅତ୍ୟନ୍ତ ଅଦ୍ଭୁତ, କେତେକ ଅତ୍ୟନ୍ତ କୌତୂହଳପ୍ରଦ ହୋଇଥାଏ । ଭାରତର ତିନୋଟି ଗାଁରେ ଏକ ଅଜବ ପରମ୍ପରା ଏବେ ଲୋକଲୋଚନକୁ ଆସିଛି, ଯେଉଁଠାରେ ବର ନୁହେଁ ବରଂ ବରର ଭଉଣୀ ଭାଉଜକୁ ବିବାହ କରି ଘରକୁ ଆଣେ । ଆପଣଙ୍କୁ ଏହା ଆଶ୍ଚର୍ଯ୍ୟ ଲାଗୁଥାଇପାରେ, କିନ୍ତୁ ଏଠାରେ ବର୍ଷ ବର୍ଷ ଧରି ଏହି ପରମ୍ପରାକୁ ଗାଁ ଲୋକମାନେ ମାନି ଆସୁଛନ୍ତି ।
କିଛି ଦିନ ତଳେ ଗୁଜୁରାଟର ଅମ୍ବାଲା ଗାଁର ନରେଶ ନାମକ ଜଣେ ବ୍ୟକ୍ତି ଫେରକୁୱା ଗାଁର ବଜାଲିଆ ହିଂମତା ରାଠୱାଙ୍କ ଝିଅ ଲୀଲାଙ୍କୁ ବିବାହ କରିଥିଲେ । ନରେଶଙ୍କ ଭଉଣୀ ଅମ୍ବାଲାରୁ ବରଯାତ୍ରୀ ନେଇ କନ୍ୟା ଘରକୁ ଯାଇଥିଲା । ସେଠାରେ କନ୍ୟା ସହ ସାତଫେରେ ନେଇଥିଲେ ନରେଶର ଭଉଣୀ । ପରେ ନୂଆ ଭାଉଜକୁ ଘରକୁ ଆଣିଥିଲେ । ଏହି ଖବର ସୋସିଆଲ ମିଡିଆରେ ଖୁବ ଭାଇରାଲ ହୋଇଛି । ବିବାହର ଏହି ଅଜବ ପରମ୍ପରାକୁ ଆଜି ବି ଆଦିବାସୀ ସମାଜର ଲୋକମାନେ ସମ୍ମାନ କରୁଛନ୍ତି । ଅମ୍ବାଲା, ସୁରଖେଡା ଏବଂ ସନାଡା ଗାଁରେ ଏହି ପରମ୍ପରା ଶତାବ୍ଦୀ ଚାଲିଆସୁଛି । ଏହି ତିନୋଟି ଗାଁର ଆରଧ୍ୟା ଦେବତା ହେଉଛନ୍ତି ଭରମାଦେବ ଏବଂ ଖୁନପାୱା । ଗାଁଲୋକଙ୍କ ବିଶ୍ୱାସ ଅନୁଯାୟୀ ଭରମାଦେବ କୁଆଁରା ଦେବତା । ତେଣୁ ଏହି ତିନୋଟି ଗାଁର କେହି ବି ଯୁବକ ବରଯାତ୍ରୀ ନେଇ ବିବାହ କରିବାକୁ ଗଲେ, ତାଙ୍କୁ ଭରମାଦେବଙ୍କ କ୍ରୋଧର ସମ୍ମୁìଖୀନ ହେବାକୁ ପଡ଼ିବ । ଏହି କ୍ରୋଧରୁ ରକ୍ଷା ପାଇବା ପାଇଁ ଗାଁର ଲୋକମାନେ ବୋହୂକୁ ଆଣିବା ପାଇଁ ଏକ ଶୋଭାଯାତ୍ରାରେ ବରର ଭଉଣୀକୁ ନେଇଯାଆନ୍ତି ।
ଏହାକୁ ନେଇ ଅମ୍ବାଲା ଗାଁରେ ରହୁଥିବା ଜଣେ ବ୍ୟକ୍ତି କହିଛନ୍ତି ଯେ ଏହି ପରମ୍ପରାକୁ ମାନି ନଥିବା ଲୋକଙ୍କର ଜୀବନହାନି ଘଟିଛି । କିଛି ସମୟ ପୂର୍ବେ ଗାଁର ତିନିଜଣ ଯୁବକ ଏହି ପରମ୍ପରାକୁ ଭାଙ୍ଗି ନିଜେ ଯାଇ ବିବାହ କରିଥିଲେ, କି;ୁ ତିନିଜଣ ଯୁବକଙ୍କର ମୃତୁ୍ୟ ହୋଇଥିଲା । ଏହି ଘଟଣା ପରେ ପୁଣିଥରେ ଗାଁଲୋକମାନେ ଏହି ପରମ୍ପରାକୁ ବିଶ୍ୱାସ ଏବଂ ପାଳନ କରିବା ଆରମ୍ଭ କରିଥିଲେ ।
