ମା ହେବା ପରେ ଜଣେ ନାରୀର ଜୀବନ ସାର୍ଥକ ହୋଇଥାଏ । ମା ହେବା ପାଇଁ ଦୀର୍ଘ ୯ ମାସର ଗର୍ଭ ଯନ୍ତ୍ରଣା ତା ପାଇଁ ଏକ ଦୀର୍ଘ ଯାତ୍ରା ହୋଇଥାଏ । ଏହି ସମୟରେ ଶରୀରରେ ଆସୁଥିବା ପରିବର୍ତ୍ତନ କାରଣରୁ ସ୍ୱଭାବରେ ବି ପରିବର୍ତ୍ତନ ଆସିଥାଏ । ୯ମାସ ପରେ ଯେତେବେଳେ ଜଣେ ନାରୀ ସନ୍ତାନ ଜନ୍ମ ଦେଇଥାଏ ସେତେବେଳେ ସେ ସମସ୍ତ ଯନ୍ତ୍ରଣା ଭୁଲିଯାଏ । କିନ୍ତୁ ଆପଣ କେବେ ଶୁଣିଛନ୍ତି କି କୌଣସି ମହିଳା ଗୋଟିଏ ସନ୍ତାନକୁ ଦୁଇଥର ଜନ୍ମ ଦେବାର । ଏହା ଆପଣଙ୍କୁ ଅସମ୍ଭବ ବୋଲି ମନେ ହେବ । କିନ୍ତୁ ଆମେରିକାର ଜଣେ ମହିଳାଙ୍କ କ୍ଷେତ୍ରରେ ଏପରି କିଛି ଘଟିଛି । ନିଜ କନ୍ୟା ସନ୍ତାନକୁ ମହିଳା ଦୁଇଥର ଜନ୍ମ ଦେଇଛନ୍ତି ।
ଦି ସନ୍ େୱବସାଇଟ୍ ରିପୋର୍ଟ ଅନୁସାରେ ଜ୍ୟାକଲିନ୍ ସ୍କୁମର ନାମକ ଏହି ମହିଳା ଏକ ଟିକଟକ୍ ଭିଡିଓରେ କହିଛନ୍ତି କିପରି ତାଙ୍କୁ ତାଙ୍କ ପ୍ରଥମ ସନ୍ତାନକୁ ଦୁଇଥର ଜନ୍ମ ଦେବାକୁ ପଡିଛି । ଜ୍ୟାକଲିନ୍ କହିଛନ୍ତି ତାଙ୍କ କନ୍ୟାକୁ ଗର୍ଭରୁ ସ୍ପିନା ବାଇଫିଡା ନାମକ ଏକ ରୋଗ ହୋଇଥିଲା । ଏହା ଏକ ଶାରୀରିକ ବିକାର ଯାହା ଗର୍ଭରେ ଥିବା ଶିଶୁର ହାଡ ଠିକ୍ ଭାବେ ବିକଶିତ ହେବାରେ ବାଧା ସୃଷ୍ଟିି କରେ ।
ଯେତେବେଳେ ଡାକ୍ତର ଏ ବିଷୟରେ ଜାଣିଲେ ସେତେବେଳେ ସେମାନେ ଶିଶୁର ସର୍ଜରୀ କରିବାକୁ ନିଷ୍ପତ୍ତି ନେଲେ । ଏଥିପାଇଁ ସେ ଜ୍ୟାକଲିନଙ୍କ ଗର୍ଭରୁ ମାତ୍ର ୨୩ ସପ୍ତାହର ଶିଶୁକୁ ବାହାରକୁ ଆଣିଲେ ଓ ତାର ସ୍ପାଇନାଲ୍ ସର୍ଜରୀ କଲେ । ଏହାପରେ ପୁଣି ତାକୁ ମା ଗର୍ଭରେ ରଖିଦେଲେ । ଶିଶୁକୁ ପୁନର୍ବାର ୧୪ ସପ୍ତାହ ପର୍ଯ୍ୟନ୍ତ ଗର୍ଭରେ ରଖାଯାଇଛି । ଏବେ ଜ୍ୟାକଲିନ୍ ୩୦ସପ୍ତାହର ପ୍ରେଗନାଣ୍ଟ ଅଛନ୍ତି ଓ ତାଙ୍କୁ ସଂପୂର୍ଣ୍ଣ ବେଡ୍ ରେଷ୍ଟରେ ରହିବାକୁ କୁହାଯାଇଛି । ପ୍ରତି ସପ୍ତାହରେ ଜ୍ୟାକଲିନ୍ ଫ୍ଲìଇଡ୍ ସ୍ତର ଯାଞ୍ଚ ପାଇଁ ଡାକ୍ତରଙ୍କ ପାଖକୁ ଯାଇଥାନ୍ତି ।
