ଅନୁସନ୍ଧାନରୁ ଜଣାପଡିଛି ଯେ ଏକ ସଂସ୍ଥାର ସଫଳତା ପାଇଁ ସୃଜନଶୀଳତା ଏବଂ ନବୀନତା କେବଳ ଜରୁରୀ ନୁହେଁ, ବରଂ ସଂସ୍ଥାର ମୁଖ୍ୟ ଏବଂ ତାଙ୍କ ଟିମ୍ର ଅଭିବୃଦ୍ଧି ପାଇଁ ଏହି ଦୁଇଟି ପ୍ରମୁଖ କାରକ ଭାବରେ ବିବେଚନା କରାଯାଏ । ଜଣେ ପରିଚାଳକ ଭାବରେ ଆପଣଙ୍କର ଦାୟିତ୍ୱ ଯେ ସର୍ବଦା ଟିମକୁ ସାଧାରଣଠାରୁ କିଛି ଅଲଗା ଭାବିବା ଏବଂ କିଛି ନୂତନ ଚେଷ୍ଟା କରିବାକୁ ଉତ୍ସାହିତ କରିବା । ତେଣୁ ମ୍ୟାନେଜରମାନେ କିଛି ରଣନୀତି ଆପଣାଇ ଟିମ୍ର ଚିନ୍ତାଧାରାକୁ ପରିବର୍ତ୍ତନ କରିପାରିବେ ।
-ଯଦି ଆପଣଙ୍କୁ ଅନୁଭବ ହେଉଛି ଯେ ଆପଣଙ୍କ ଟିମ୍ ସୃଜନଶୀଳ ଭାବରେ ଦୁର୍ବଳ । ତେବେ ଏହାର କାରଣ ଜାଣିବାକୁ ଚେଷ୍ଟା କରନ୍ତୁ । ଦୈନନନ୍ଦିନ ପ୍ରକ୍ରିୟା ସେମାନଙ୍କ ଚିନ୍ତାଧାରାକୁ ସୀମିତ କରିଥାଏ । ତେଣୁ ବେଳେବେଳେ ଅନ୍ୟ ଦିନଠାରୁ କିଛି ଅଲଗା କରିବାକୁ ପ୍ରୟାସ କରନ୍ତୁ । ଏହାଦ୍ୱାରା କ୍ରିଏଟିଭନେସ୍ ବଢ଼ିବା ସହ ମସ୍ତିଷ୍କ ସତେଜ ହେବାକୁ ଲାଗେ ।
– ଦଳକୁ କର୍ମକ୍ଷେତ୍ରରେ ମାନସିକ ସ୍ତରରେ ସୁରକ୍ଷିତ ପରିବେଶ ଯୋଗାଇବାକୁ ଚେଷ୍ଟା କର;ୁ । ଆପଣ ଏକତ୍ର ବସିବାବେଳେ ସୁସ୍ଥ ବିତର୍କ, ଗଠନମୂଳକ ବାର୍ତ୍ତାଳାପକୁ ଉତ୍ସାହିତ କର;ୁ । ନିଜେ ସବୁ କିଛି କରିବା ପରିବର୍ତ୍ତେ ଅନ୍ୟଙ୍କୁ ଦାୟିତ୍ୱ ଦେବା ବିଷୟରେ ଚିନ୍ତା କରନ୍ତୁ ।
-ଯଦି ଦଳର ଜଣେ ସଦସ୍ୟକୁ ଅନୁଭବ ହୋଇଥାଏ ଯେ ସେ ଅନ୍ୟ ପରି ସୃଜନଶୀଳ ନୁହେଁ, ତେବେ ଏପରି ଧାରଣାକୁ ‘ଷ୍ଟିକି ଫ୍ଲୋର୍’ କୁହାଯାଏ । ଏହି ଧାରଣା ସଫଳତାର ପଥରେ ବାଧା ସୃଷ୍ଟି କରେ । ତେଣୁ ଟିମ୍ ଲିର୍ଡର୍ ଇମୋଶମନାଲ୍ ଇଣ୍ଟେଲିଜେନ୍ସର ବ୍ୟବହାର କରି ସନ୍ଧାନ କରନ୍ତୁ ଯେ କେଉଁ ସଦସ୍ୟ କାରଣରୁ ଟିମ୍ କାମ ଆଗକୁ ବଢ଼ିପାରୁନାହିଁ ।
– ଆନ୍ତରିକତାର ସହ କାର୍ଯ୍ୟ କରି ନିଜ ଉଦ୍ୟମ ଦ୍ୱାରା ସଫଳ ହୋଇଛନ୍ତି ଏବଂ ବିଫଳତାକୁ ଗ୍ରହଣ କରନ୍ତି ଆଗକୁ ବଢିଥିବା ବ୍ୟକ୍ତିଙ୍କର ଉଦାହରଣ ଦେଇ ସମସ୍ତ ଟିମ୍ ସଦସ୍ୟଙ୍କୁ ଉତ୍ସାହିତ କରିବା ଉଚିତ ।
