ଇଣ୍ଡିଆ ଗେଟ୍ ସଡକର ନାମ ହେଲା କର୍ତ୍ତବ୍ୟପଥ,ଆସନ୍ତା କାଲି ପ୍ରଧାନମନ୍ତ୍ରୀ କରିବେ ଉଦଘାଟନ

ନୂଆଦିଲ୍ଲୀ : ପ୍ରାୟ ୨୦ ମାସ ପରେ ବଦଳିଲା ଇଣ୍ଡିଆ ଗେଟ୍ ସଡକର ନାମ I ଏହି ସଡକପଥ ର ନାମ ବର୍ତମାନ ରାଜପଥ ପରିବର୍ତ୍ତେ କର୍ତ୍ତବ୍ୟପଥ ରଖାଯିବ I ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୁରୁବାର ସନ୍ଧ୍ୟାରେ ନୂତନ ରାଜପଥ ଏବଂ ସେଣ୍ଟ୍ରାଲ ଭିଷ୍ଟା ଲନର ଶୁଭାରମ୍ଭ କରିବାକୁ ଯାଉଛନ୍ତି। ଏବେ ନେତାଜୀଙ୍କ ପ୍ରତୀମାଠୁ ନେଇ ରାଷ୍ଟ୍ରପତି ଭବନ ପର୍ଯ୍ୟନ୍ତ ଯାଉଥିବା ମାର୍ଗ ଏବଂ ପୂରା ଅଞ୍ଚଳ କର୍ତ୍ତବ୍ୟପଥ ନାମରେ ପରିଚିତ ହେବ। ଏହା ପୂର୍ବରୁ ପ୍ରଧାନମନ୍ତ୍ରୀ ବାସଭବନ ମାର୍ଗର ନାମ ରେସ୍ କୋର୍ସ ରୋଡରୁ ପରିବର୍ତ୍ତନ କରାଯାଇ କଲ୍ୟାଣ ମାର୍ଗ କରାଯାଇଥିଲା। ଏହା ପରଦିନ ଅର୍ଥାତ ୯ ତାରିଖ ଦିନ ସାଧାରଣ ଜନତା ଏଥିରେ ଯାତାୟାତ କରିପାରିବେ I ଏହା ବ୍ୟତୀତ ରାଜପଥଙ୍କୁ ଡ୍ୟୁଟି ପଥ ଭାବରେ ନାମିତ କରିବା ପାଇଁ ନୂଆଦିଲ୍ଲୀ ମ୍ୟୁନିସିପାଲିଟି କାଉନସିଲ (ଏନଡିଏମସି) ର ଅନୁମତି ମିଳିଛି।

କେନ୍ଦ୍ର ମନ୍ତ୍ରୀ ମୀନାକ୍ଷୀ ଲେଖି ରାଜପଥର ନାମ ବଦଳାଇବା ଉପରେ ଆଲୋଚନା କରିଥିଲେ। ସେ କହିଥିଲେ, ଆମକୁ ସ୍ଵାଧୀନତା ମିଳିବା ପରେ ବି ଆମେ ଔପନିବେଶବାଦକୁ ଆଗକୁ ବଢାଇ ଚାଲିଛନ୍ତି। ରାଜପଥ ଦର୍ଶାଉଛି ଯେ, ଆପଣ କେବଳ ରାଜା ପାଇଁ ଆସିଛନ୍ତି। ପ୍ରଧାନମନ୍ତ୍ରୀ କହିଥିଲେ, ଦେଶ ସ୍ଵାଧୀନତାର ଅମୃତ ମହୋତ୍ସବ ପ ପାଳନ କରୁଛି। ଏବେ ଆମକୁ ସାମ୍ରାଜ୍ୟବାଦୀ ନୀତି, ପ୍ରତୀକକୁ ସମାପ୍ତ କରିବାକୁ ପଡିବ। ଏଥିପାଇଁ ରାଜପଥ ନାମ ବଦଳାଯାଇ କର୍ତ୍ତବ୍ୟପଥ କରାଯାଇଛି। ଉଲ୍ଲେଖନୀୟ ଅଗଷ୍ଟ ୧୫ ରେ ପ୍ରଧାନମନ୍ତ୍ରୀ ଦେଇଥିବା ନିଜ ଭାଷଣରେ ଔପନିବେଶବାଦ ମାନସିକତାକୁ ଦର୍ଶାଉଥିବା ଚିହ୍ନକୁ ସମାପ୍ତ କରିବା ଉପରେ ଜୋର ଦେଇଥିଲେ।

ମିନାକ୍ଷୀ ଲେଖି କହିଛନ୍ତି ବର୍ତ୍ତମାନ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ପ୍ରତିମୂର୍ତ୍ତି ଠାରୁ ଆରମ୍ଭ କରି ରାଷ୍ଟ୍ରପତି ଭବନ ପର୍ଯ୍ୟନ୍ତ ସମଗ୍ର ଅଞ୍ଚଳକୁ ‘କର୍ତ୍ତବ୍ୟପଥ’ ​​କୁହାଯିବ।