ରୋଜଗାର ମେଳାରେ ୭୧ ହଜାର ନିଯୁକ୍ତି ପତ୍ର ବାଣ୍ଟିଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ : ଭିଡିଓ କନଫରେନ୍ସିଂ ମାଧ୍ୟମରେ ୭୧ ଯୁବକ ଯୁବତୀଙ୍କୁ ନିଯୁକ୍ତି ପତ୍ର ବାଣ୍ଟିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି I ଗୁରୁବାର ‘ରୋଜଗାର ମେଳା ୨୦୨୩’ ଉଦ୍‌ଘାଟନ କରି ପ୍ରଧାନମନ୍ତ୍ରୀ ବିଭିନ୍ନ ସରକାରୀ ଏବଂ ସଂଗଠନରେ ନବନିଯୁକ୍ତ ଲୋକଙ୍କୁ ନିଯୁକ୍ତି ପତ୍ର ବଣ୍ଟନ କରିଛନ୍ତି । ଏହି ଅବସରରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଭୁବନେଶ୍ୱର ରେ ୨୩୬ ଜଣଙ୍କୁ, କଟକ ରେ କେନ୍ଦ୍ରମନ୍ତ୍ରୀ ବିଶେଶ୍ୱର ଟୁଡୁ ୨୦୪ ଜଣ ନବନିଯୁକ୍ତଙ୍କୁ ନିଯୁକ୍ତି ପତ୍ର ବଣ୍ଟନ କରିଛନ୍ତି ।

ଏହି ଅବସରରେ ପ୍ରଧାନମନ୍ତ୍ରୀ କହିଥିଲେ ଯେ ୭୦ ହଜାରରୁ ଅଧିକ ଯୁବକଙ୍କୁ କେନ୍ଦ୍ର ସରକାରଙ୍କ ବିଭିନ୍ନ ବିଭାଗରେ ସରକାରୀ ଚାକିରି ମିଳିଛି। ଆପଣ ସମସ୍ତଙ୍କୁ ଅଭିନନ୍ଦନ। ଏନଡିଏ ଏବଂ ବିଜେପି ଶାସିତ ରାଜ୍ୟରେ ସରକାରୀ ଚାକିରି ଦେବାର ପ୍ରକ୍ରିୟା ଦ୍ରୁତ ଗତିରେ ଚାଲିଛି। ଗତକାଲି ମଧ୍ୟ ପ୍ରଦେଶରେ ୨୨,୦୦୦ରୁ ଅଧିକ ଶିକ୍ଷକଙ୍କୁ ନିଯୁକ୍ତି ପତ୍ର ପ୍ରଦାନ କରାଯାଇଛି।

#WATCH | More than 70,000 youths have got govt jobs in various departments of the central govt, congratulations to all of you. The process of giving govt jobs in NDA and BJP-ruled states is going on at a fast pace. Appointment letters were handed over to over 22,000 teachers in… pic.twitter.com/f3PJvNvgix

— ANI (@ANI) April 13, 2023

ପ୍ରଧାନମନ୍ତ୍ରୀ ଆହୁରି କହିଥିଲେ କି,ବିକଶିତ ଭାରତର ସ୍ୱପ୍ନକୁ ପୂରଣ କରିବା ପାଇଁ ଯୁବକଙ୍କ ପ୍ରତିଭା ଏବଂ ଶକ୍ତିକୁ ସଠିକ୍ ସୁଯୋଗ ଦେବା ପାଇଁ ଆମ ସରକାର ପ୍ରତିବଦ୍ଧ। ଆଜିର ନୂତନ ଭାରତ, ଯେଉଁ ନୀତି ଓ ରଣନୀତି ଦ୍ୱାରା ପରିଚାଳିତ ହେଉଛି, ତାହା ଦେଶ ପାଇଁ ନୂତନ ସମ୍ଭାବନା ଏବଂ ନୂତନ ସୁଯୋଗର ଦ୍ୱାର ଖୋଲିଛି । ରୋଜଗାରର ନୂତନ ଅବସର ସୃଷ୍ଟି କରିବା ପାଇଁ ଖେଳଣା ଶିଳ୍ପକୁ ବିସ୍ତାର କରାଯାଇଛି। ନୂଆ ଭାରତର ଯୁବକମାନେ ନୂତନ ଯୁଗର ପ୍ରଯୁକ୍ତିବିଦ୍ୟା ସହିତ ଯୋଡ଼ି ହେଉଛନ୍ତି ଏବଂ ଡ୍ରୋନ୍ ନିର୍ମାଣ ଓ ଡ୍ରୋନ୍ ପାଇଲଟ୍ ହେବାରେ ଲାଗିଛନ୍ତି। ବନ୍ଦର କ୍ଷେତ୍ର ବିକଶିତ ହେଉଛି। ସ୍ୱାସ୍ଥ୍ୟ କ୍ଷେତ୍ର ମଧ୍ୟ ରୋଜଗାରର ଏକ ବଡ଼ ଉଦାହରଣ ପାଲଟିଛି। ୨୦୧୪ ପର୍ଯ୍ୟନ୍ତ ଭାରତରେ ୭୪ ବିମାନବନ୍ଦର ଥିଲା, ବର୍ତ୍ତମାନ ୧୪୮ ବିମାନବନ୍ଦର ଅଛି। ବିମାନବନ୍ଦର ବୃଦ୍ଧି ସହିତ ରୋଜଗାରର ନୂତନ ଅବସର ଖୋଲିଥିବା ପ୍ରଧାନମନ୍ତ୍ରୀ ମୋଦି କହିଥିଲେ। । କୋଭିଡ ପରେ ସମଗ୍ର ବିଶ୍ୱକୁ ମାନ୍ଦାବସ୍ଥାର ଶିକାର ହେବାକୁ ପଡ଼ି ଥିଲେ ମଧ୍ୟ ଭାରତ ନିଜ ଦେଶ ଅର୍ଥନୀତିକୁ ସୁଦୃଢ କରିବାକୁ ଅଣ୍ଟାଭିଡିଛି I ଆଜି ସାରା ବିଶ୍ୱ ଭାରତକୁ ଏକ ଉଜ୍ଜ୍ୱଳ ସ୍ଥାନ ଭାବରେ ଦେଖୁଛି ।