ଭାରତ ଛୁଇଁଲା ୧୦୦ କୋଟି ଟିକାକରଣ ମାଇଲ ଖୁଣ୍ଟ: ଡାକ୍ତର ଓ ନର୍ସଙ୍କୁ କୃତଜ୍ଞତା ଜଣାଇଲେ ପ୍ରଧାନମନ୍ତ୍ରୀ

ଦିଲ୍ଲୀ: ଅକ୍‌ଟୋବର ୨୧: ଆଜି ଭାରତ ଟିକାକରଣରେ ଅନ୍ୟ ଦେଶକୁ ପଛରେ ପକାଇ ଇତିହାସ ରଚିଛି । ଏପର୍ଯ୍ୟନ୍ତ ଦେଶରେ ମୋଟ୍‌ ୧୦୦ କୋଟି ଲୋକ କରୋନା ଟିକା ନେଇଥିବା ସ୍ୱାସ୍ଥ୍ୟ ମନ୍ତ୍ରାଳୟ ତରଫରୁ ସୂଚନା ମିଳିଛି । ୯ ମାସ ପୂର୍ବରୁ ଭାରତରେ ଆରମ୍ଭ ହୋଇଥିଲା ଟିକାକରଣ ଅଭିଯାନ । ଆଜି ତାହା ୧୦୦କୋଟି ପହଞ୍ଚିଛି ।

ଆଜିର ଭାରତ ଏହି ବିରଳ ରେକର୍ଡ କରିଥିବାରୁ ସମଗ୍ର ଦେଶରେ ଏକ ସ୍ୱତନ୍ତ୍ର ଉତ୍ସବ ଆୟୋଜିତ ହେବ । ସେହି ଉତ୍ସବରେ ପ୍ରଧାନମନ୍ତ୍ରୀ ସ୍ୱାସ୍ଥ୍ୟକର୍ମୀଙ୍କ ସହିତ ଆଲୋଚନା କରିବା ସହ ତାଙ୍କୁ ଉତ୍ସାହିତ କରିବେ । ଲାଲ କିଲ୍ଲାଠାରେ ଦେଶର ସବୁଠାରୁ ବଡ଼ ପତାକା ଉତ୍ତୋଳନ ହେବ । ଟ୍ରେନ୍‌, ବିମାନ ଓ ଜାହଜରେ ଲାଉଡସ୍ପିକର ଜରିଆରେ ଏନେଇ ଘୋଷଣା କରାଯିବ । ସ୍ପାଇଡ୍‌ ଜେଟ୍‌ ପକ୍ଷରୁ ବିଶେଷ କାର୍ଯ୍ୟକ୍ରମ ରହିଛି । ଏହି ଅବସରରେ ସ୍ୱାସ୍ଥ୍ୟ ଓ ବିମାନମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ ଉପସ୍ଥିତ ରହିବେ । ଏହି ଖୁସିରେ ସଙ୍ଗୀତଜ୍ଞ ତଥା ଗୀତିକାର କୈଳାସ ଖେର ତାଙ୍କର ନୂଆ ଗୀତ ଓ ଅଡିଓ ଭିଜୁଆଲ୍‌ ଫିଲ୍ମ ଲଞ୍ଚ କରିବେ ।
ଏହି ଅବସରରେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟିଇଟରେ ଡାକ୍ତର ଓ ନର୍ସଙ୍କୁ କୃତଜ୍ଞତା ଜଣାଇଛନ୍ତି । ସେ କହିଛନ୍ତି- ୧୦୦ କୋଟି ଡୋଜ ଟିକାକରଣ ମାଇଲ ଖୁଣ୍ଟ ହାସଲ ଦିଗରେ ଅନବରତ କାର୍ଯ୍ୟ କରିଥିବା ଆମ ଡାକ୍ତର, ନର୍ସ ଏବଂ ଅନ୍ୟ ସମସ୍ତଙ୍କୁ କୃତଜ୍ଞତା ଦେଉଛି । ଏହା ଆମର ବିଜ୍ଞାନ, ଉଦ୍ୟୋଗ ଏବଂ ୧୩୦ କୋଟି ଭାରତୀୟଙ୍କ ସାମୂହିକ ଉଦ୍ୟମର ବିଜୟ ।
୧୦୦ କୋଟି ଡୋଜ ଟିକାକରଣର ମାଇଲ ଖୁଣ୍ଟ ଅତିକ୍ରମ କରିଥିବାରୁ ଭାରତକୁ ଅଭିନନ୍ଦନ । ଆମ ଡାକ୍ତର, ନର୍ସ ଏବଂ ଏହି ସଫଳତା ହାସଲ କରିବା ଦିଗରେ ଉଦ୍ୟମ କରିଥିବା ସମସ୍ତଙ୍କୁ କୃତଜ୍ଞତା ।

India scripts history.

We are witnessing the triumph of Indian science, enterprise and collective spirit of 130 crore Indians.

Congrats India on crossing 100 crore vaccinations. Gratitude to our doctors, nurses and all those who worked to achieve this feat. #VaccineCentury

— Narendra Modi (@narendramodi) October 21, 2021