ରାହୁଲ ଗାନ୍ଧୀଙ୍କ ବିରୋଧରେ ରୁଜୁହେଲା କପି ରାଇଟ ଉଲ୍ଲଙ୍ଘନ ମାମଲା

ନୂଆଦିଲ୍ଲୀ : କଂଗ୍ରେସ ନେତା ରାହୁଲ ଗାନ୍ଧୀ, ସୁପ୍ରିୟା ଶ୍ରୀନେତ ଏବଂ ଜୟରାମ ରମେଶଙ୍କ ବିରୋଧରେ ଏକ ମ୍ୟୁଜିକ୍ କମ୍ପାନୀ କପିରାଇଟ୍ ଉଲ୍ଲଂଘନ ଅଭିଯୋଗ ଆଣିଛି । ବିନା ଅନୁମତିରେ ‘ଭାରତ ଯୋଡା ଯତ୍ର’ର ଭିଡିଓରେ’ କେଜିଏଫ୍ ଅଧ୍ୟାୟ ୨’ର ସାଉଣ୍ଡଟ୍ରାକ୍ ବ୍ୟବହାର କରିଥିବା ଅଭିଯୋଗ ହୋଇଛି। ‘କେଜିଏଫ୍ ୨’ ହିନ୍ଦୀ ସଂସ୍କରଣର ଅଧିକାର ଥିବା ଏମଆରଟି ମ୍ୟୁଜିକ୍ କମ୍ପାନୀ କଂଗ୍ରେସ ନେତାଙ୍କ ବିରୋଧରେ ଏହି ଅଭିଯୋଗ ଦାଖଲ କରିଛି। ବେଙ୍ଗାଲାରୁ ସ୍ଥିତ କମ୍ପାନୀ ନିଜର ବୟାନରେ କହିଛି, ସେ ହିନ୍ଦୀରେ ‘କେଜିଏଫ୍‌ ଚାପ୍ଟର ୨’ ସାଉଣ୍ଡଟ୍ରାକ୍‌ର ଅଧିକାର ହାସଲ କରିବା ପାଇଁ ଏକ ବଡ ପରିମାଣରେ ପୁଞ୍ଜି ନିବେଶ କରିଥିଲା। କଂଗ୍ରେସ ନିଜର ରାଜନୈତିକ ଏଜେଣ୍ଡାକୁ ଆଗକୁ ବଢାଇବା ପାଇଁ ଆମର ଅନୁମତି/ଲାଇସେନ୍ସ ବିନା ନିଜର କ୍ୟାମ୍ପେନ ଭିଡିଓରେ ଏହି ସାଉଣ୍ଡଟ୍ରାକ୍ ବ୍ୟବହାର କରିଛି।

ଏମଆରଟି ମ୍ୟୁଜିକ୍ ର ସହଭାଗୀ ଏମ ନବୀନ କୁମାର ଏକ ସରକାରୀ ବିବୃତ୍ତିରେ କହିଛନ୍ତି ଯେ ଭାରତୀୟ ନାଗରିକଙ୍କ ପାଇଁ କଂଗ୍ରେସ ଏକ ଉଦାହରଣ ସୃଷ୍ଟି କରିବା ଉଚିତ, କିନ୍ତୁ ସେ ନିଜେ ଆଇନ ଉଲ୍ଲଂଘନ କରୁଛି। କମ୍ପାନୀ କେଜିଏଫ୍-୨ର ହିନ୍ଦୀରେ ଗୀତ ରାଇଟ୍ ପାଇବା ପାଇଁ ବହୁତ ଟଙ୍କା ଲଗାଇଛି । ହେଲେ କଂଗ୍ରେସ ବିନା ଅନୁମତିରେ ଫିଲ୍ମରୁ ଗୀତ ନେଇ ଭାରତ ଯୋଡ଼ ଯାତ୍ରାରେ କରାଯାଇଥିବା ଭିଡିଓରେ ଯୋଡ଼ିଛି। ଏହି ଭିଡିଓ ରାହୁଲ ଗାନ୍ଧୀଙ୍କୁ ନେଇ କରାଯାଇଛି। କଂଗ୍ରେସର ଏହି କାର୍ଯ୍ୟ ଜନସାଧାରଣଙ୍କୁ ଭୁଲ ବାର୍ତ୍ତା ପଠାଉଛି ଏବଂ କପିରାଇଟ୍ ସୁରକ୍ଷା ପାଇଁ ଆମର ପ୍ରୟାସର ସମ୍ପୂର୍ଣ୍ଣ ବିପରୀତ ଅଟେ। ଏହି ଉଲ୍ଲଂଘନକୁ ଆମେ ଚ୍ୟାଲେଞ୍ଜ କରିବୁ। ଏମଆରଟି ମ୍ୟୁଜିକ୍‌ର ପ୍ରତିନିଧିତ୍ୱ କରୁଥିବା ଆଡଭୋକେଟ୍ ନରସିଂହନ୍ ସାମପଥ କହିଛନ୍ତି ଯେ କଂଗ୍ରେସ ନେତା ରାହୁଲ ଗାନ୍ଧୀ, ସୁପ୍ରିୟା ଶ୍ରୀନେତ୍ ଏବଂ ଜୟରାମ ରମେଶଙ୍କ ବି​‌ରୋଧରେ କପିରାଇଟ୍ ଉଲ୍ଲଂଘନ କରିଥିବା ଅଭିଯୋଗ ହୋଇଛି।

ସୂଚନାନୁସାରେ ‘କେଜିଏଫ୍-୨’ ଚଳଚ୍ଚିତ୍ରର ହିନ୍ଦୀ ସଂସ୍କରଣ ସହ ଜଡିତ ଗୀତର ହିନ୍ଦୀ ସଂସ୍କରଣକୁ ବେଆଇନ ଭାବେ ଡାଉନଲୋଡ୍, ସିଙ୍କ୍ରୋନାଇଜ୍ ଏବଂ ପ୍ରସାରଣ କରି କଂଗ୍ରେସ ଉପରେ ଏକ ଭିଡିଓ ପ୍ରସ୍ତୁତ କରି ‘ଭାରତ ଯୋଡା ଯତ୍ର’ର ଲୋଗୋ ସହିତ’ ଏହାକୁ କଂଗ୍ରେସ ନିଜ ସୋସିଆଲ୍ ମିଡିଆ ଅଫିସିଆଲ୍ ସାଇଟରେ ସେୟାର କରିବାର ଅଭିଯୋଗ ଅଛି I