୨୦୨୭ରେ ପରବର୍ତ୍ତୀ କୁମ୍ଭମେଳା ନାସିକରେ ହେବ, ଏବେଠୁ ପ୍ରସ୍ତୁତି ଆରମ୍ଭ
ନାସିକ: ଉତ୍ତରପ୍ରଦେଶର ପ୍ରୟାଗରାଜରେ ଫେବ୍ରୁଆରି ୨୬ରେ ମହାକୁମ୍ଭମେଳା ଶେଷ ହେବା ପରେ ଲୋକମାନେ ଏବେ ଆଗାମୀ କୁମ୍ଭମେଳାକୁ ଅପେକ୍ଷା କରିଛନ୍ତି। ସରକାରୀ ରେକର୍ଡ ଅନୁଯାୟୀ ମହାକୁମ୍ଭ ଶେଷ ଦିନ ସୁଦ୍ଧା ୬୬ କୋଟିରୁ ଅଧିକ ଶ୍ରଦ୍ଧାଳୁଙ୍କ ସମାଗମ ହୋଇଥିଲା। ତେବେ ୨୦୨୭ରେ ନାସିକରେ ପରବର୍ତ୍ତୀ କୁମ୍ଭମେଳା ହେବ। ବୃହସ୍ପତି ସିଂହ ରାଶିରେ ଥିବା ବେଳେ ମହାରାଷ୍ଟ୍ର ନାସିକରେ କୁମ୍ଭମେଳା ହୁଏ। ୨୦୨୭ରେ ଏହି ଯୋଗ ଆସୁଛି। ତେଣୁ କର୍ତ୍ତୃପକ୍ଷ ଆଗାମୀ କୁମ୍ଭମେଳା ପାଇଁ ପ୍ରସ୍ତୁତି ଆରମ୍ଭ କରିଛନ୍ତି, […]
ନାସିକ: ଉତ୍ତରପ୍ରଦେଶର ପ୍ରୟାଗରାଜରେ ଫେବ୍ରୁଆରି ୨୬ରେ ମହାକୁମ୍ଭମେଳା ଶେଷ ହେବା ପରେ ଲୋକମାନେ ଏବେ ଆଗାମୀ କୁମ୍ଭମେଳାକୁ ଅପେକ୍ଷା କରିଛନ୍ତି। ସରକାରୀ ରେକର୍ଡ ଅନୁଯାୟୀ ମହାକୁମ୍ଭ ଶେଷ ଦିନ ସୁଦ୍ଧା ୬୬ କୋଟିରୁ ଅଧିକ ଶ୍ରଦ୍ଧାଳୁଙ୍କ ସମାଗମ ହୋଇଥିଲା। ତେବେ ୨୦୨୭ରେ ନାସିକରେ ପରବର୍ତ୍ତୀ କୁମ୍ଭମେଳା ହେବ। ବୃହସ୍ପତି ସିଂହ ରାଶିରେ ଥିବା ବେଳେ ମହାରାଷ୍ଟ୍ର ନାସିକରେ କୁମ୍ଭମେଳା ହୁଏ। ୨୦୨୭ରେ ଏହି ଯୋଗ ଆସୁଛି। ତେଣୁ କର୍ତ୍ତୃପକ୍ଷ ଆଗାମୀ କୁମ୍ଭମେଳା ପାଇଁ ପ୍ରସ୍ତୁତି ଆରମ୍ଭ କରିଛନ୍ତି, ଯାହା ୨୦୨୭ ଜୁଲାଇ ୧୭ରୁ ଅଗଷ୍ଟ ୧୭ ମଧ୍ୟରେ ଅନୁଷ୍ଠିତ ହେବ। ଏହି ଆଧ୍ୟାତ୍ମିକ ପର୍ବ ମୁଖ୍ୟତଃ ତ୍ର୍ୟମ୍ବକେଶ୍ୱରରେ ଅନୁଷ୍ଠିତ ହେବ ଯାହା ନାସିକଠାରୁ ୩୮ କିଲୋମିଟର ଦୂର ଗୋଦାବରୀ ନଦୀ କୂଳରେ ଅବସ୍ଥିତ। ମହାରାଷ୍ଟ୍ର ଏକ ବୃହତ୍ତମ ଧାର୍ମିକ କାର୍ଯ୍ୟକ୍ରମକୁ ସ୍ୱାଗତ କରିବା ପାଇଁ ସାଂଗଠନିକ କାର୍ଯ୍ୟକଳାପ ଆରମ୍ଭ କରିସାରିଛି। କୁମ୍ଭ ସ୍ଥଳରେ ସ୍ୱତନ୍ତ୍ର ପରିବହନ ବସ୍ ରହିବ ଯାହା ତୀର୍ଥଯାତ୍ରୀଙ୍କୁ ସେବା ପ୍ରଦାନ କରିବ। ଏହି କୁମ୍ଭମେଳା ପାଇଁ ସମ୍ଭାବ୍ୟ ୭,୫୦୦ କୋଟି ଟଙ୍କାର ପାଣ୍ଠି ଆବଶ୍ୟକ। ୨୫୦ ଏକର ଜମି ଅଧିଗ୍ରହଣ ସହ ୯ଟି ପୋଲ ଓ ୨ଟି ନର୍ଦ୍ଦମା ବିଶୋଧନ ସୁବିଧା ‘ସାଧୁଗ୍ରାମ’ ବିକାଶର ଏକ ଅଂଶ ହେବ। ରାଜ୍ୟ ସରକାରଙ୍କ ଅନୁମୋଦନ ମିଳିବା ପରେ ୨୦୨୫ ଏପ୍ରିଲରେ କାର୍ଯ୍ୟ ଆରମ୍ଭ ହେବ।
