ୟୁପିଏସ୍ସି ବିରୋଧରେ ପୂଜା ଖେଦକରଙ୍କ ଆବେଦନ ହାଇକୋର୍ଟରେ ଖାରଜ
ନୂଆଦିଲ୍ଲୀ: ବିବାଦୀୟ ଆଇଏଏସ୍ ପୂଜା ଖେଦକରଙ୍କ କେନ୍ଦ୍ର ଲୋକ ସେବା ଆୟୋଗ (ୟୁପିଏସ୍ସି) ସଦସ୍ୟତା ରଦ୍ଦ କରାଯାଇଛି। ଏହା ବିରୋଧରେ ପୂଜା ଖେଦକର ଦିଲ୍ଲୀ ହାଇକୋର୍ଟର ଦ୍ବାରସ୍ଥ ହୋଇଥିଲେ, କିନ୍ତୁ ହାଇକୋର୍ଟ ଆବେଦନକୁ ବିଚାର ପାଇଁ ଅଗ୍ରାହ୍ୟ କରିଦେଇଛନ୍ତି। ପୂଜାଙ୍କ ପକ୍ଷରୁ ବରିଷ୍ଠ ଆଇନଜୀବୀ ଇନ୍ଦିରା ଜୟସିଂହ କୋର୍ଟଙ୍କୁ ଜଣାଇଥିଲେ ଯେ ତାଙ୍କ ମହକିଲଙ୍କ ସଦସ୍ୟତା ରଦ୍ଦ ସୂଚନା ତାଙ୍କୁ ବିଧିବଦ୍ଧ ଭାବେ ହସ୍ତଗତ ହୋଇନାହିଁ। କେବଳ ବିଭିନ୍ନ ଗଣମାଧ୍ୟମରେ ପ୍ରକାଶିତ ଖବର ହିଁ ତାଙ୍କ ନିକଟରେ […]
ନୂଆଦିଲ୍ଲୀ: ବିବାଦୀୟ ଆଇଏଏସ୍ ପୂଜା ଖେଦକରଙ୍କ କେନ୍ଦ୍ର ଲୋକ ସେବା ଆୟୋଗ (ୟୁପିଏସ୍ସି) ସଦସ୍ୟତା ରଦ୍ଦ କରାଯାଇଛି। ଏହା ବିରୋଧରେ ପୂଜା ଖେଦକର ଦିଲ୍ଲୀ ହାଇକୋର୍ଟର ଦ୍ବାରସ୍ଥ ହୋଇଥିଲେ, କିନ୍ତୁ ହାଇକୋର୍ଟ ଆବେଦନକୁ ବିଚାର ପାଇଁ ଅଗ୍ରାହ୍ୟ କରିଦେଇଛନ୍ତି। ପୂଜାଙ୍କ ପକ୍ଷରୁ ବରିଷ୍ଠ ଆଇନଜୀବୀ ଇନ୍ଦିରା ଜୟସିଂହ କୋର୍ଟଙ୍କୁ ଜଣାଇଥିଲେ ଯେ ତାଙ୍କ ମହକିଲଙ୍କ ସଦସ୍ୟତା ରଦ୍ଦ ସୂଚନା ତାଙ୍କୁ ବିଧିବଦ୍ଧ ଭାବେ ହସ୍ତଗତ ହୋଇନାହିଁ। କେବଳ ବିଭିନ୍ନ ଗଣମାଧ୍ୟମରେ ପ୍ରକାଶିତ ଖବର ହିଁ ତାଙ୍କ ନିକଟରେ ରହିଛି। ଏଣୁ ତାଙ୍କୁ ଲିଖିତ ନିର୍ଦ୍ଦେଶ ଦିଆଯାଉ ଯଦ୍ବାରା ସେ ଯୋଗ୍ୟ ଟ୍ରିବୁନାଲ୍ଙ୍କ ଦ୍ବାରସ୍ଥ ହେବେ। ଏହି ସମୟରେ ୟୁପିଏସ୍ସି ପକ୍ଷରୁ କୋର୍ଟଙ୍କୁ ଜବାବ ଦିଆଯାଇଛି ଯେ ଆସନ୍ତା ଦୁଇଦିନ ମଧ୍ୟରେ ପୂଜାଙ୍କୁ ଏହି ନୋଟିସ୍ ପ୍ରଦାନ କରାଯିବ। ଉଭୟ ପକ୍ଷକୁ ଶୁଣିବା ପରେ ହାଇକୋର୍ଟ ଆବେଦନକୁ ବିଚାର ନିମନ୍ତେ ଅଗ୍ରାହ୍ୟ କରିଦେଇଛନ୍ତି। ପୂଜା ‘ୟୁପିଏସ୍ସି ସଦସ୍ୟତା ରଦ୍ଦ’ ପ୍ରସଙ୍ଗରେ କେନ୍ଦ୍ର ପ୍ରାଶାସନିକ ଟ୍ରିବୁନାଲ୍ର ଆଶ୍ରୟ ନେଇପାରିବେ ବୋଲି ହାଇକୋର୍ଟ କହିଛନ୍ତି।
