ସାଧାରଣତନ୍ତ୍ର ଦିବସରେ ମୁଖ୍ୟଅତିଥି ହେବେ ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନ
ନୂଆଦିଲ୍ଲୀ: ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନ ଆସନ୍ତା ସାଧାରଣତନ୍ତ୍ର ଦିବସରେ ମୁଖ୍ୟଅତିଥି ହେବେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମାକ୍ରନଙ୍କୁ ସ୍ବାଗତ କରିବାପାଇଁ ଜୟପୁରରୁ ନୂଆଦିଲ୍ଲୀ ପର୍ଯ୍ୟନ୍ତ ରେଡ୍ କାର୍ପେଟ୍ ବ୍ୟବସ୍ଥା କରିବେ । ଏହା ପୂର୍ବରୁ ଭାରତ ସରକାର ଆମେରିକା ରାଷ୍ଟ୍ରପତି ଜୋ ବାଇଡେନଙ୍କୁ ମୁଖ୍ୟଅତିଥି ଭାବେ ନିମନ୍ତ୍ରଣ କରିଥିଲେ ମଧ୍ୟ ସେ ଜାନୁଆରିରେ ଭାରତ ଗସ୍ତ ନେଇ ତାଙ୍କର ଅସମର୍ଥତା ପ୍ରକାଶ କରିଥିଲେ। ଉଲ୍ଲେଖଯୋଗ୍ୟ ଯେ ଗତବର୍ଷ ଜୁଲାଇରେ ପ୍ୟାରିସରେ ଆୟୋଜିତ ବାସ୍ତିଲ ଦିବସ […]
ନୂଆଦିଲ୍ଲୀ: ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନ ଆସନ୍ତା ସାଧାରଣତନ୍ତ୍ର ଦିବସରେ ମୁଖ୍ୟଅତିଥି ହେବେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମାକ୍ରନଙ୍କୁ ସ୍ବାଗତ କରିବାପାଇଁ ଜୟପୁରରୁ ନୂଆଦିଲ୍ଲୀ ପର୍ଯ୍ୟନ୍ତ ରେଡ୍ କାର୍ପେଟ୍ ବ୍ୟବସ୍ଥା କରିବେ । ଏହା ପୂର୍ବରୁ ଭାରତ ସରକାର ଆମେରିକା ରାଷ୍ଟ୍ରପତି ଜୋ ବାଇଡେନଙ୍କୁ ମୁଖ୍ୟଅତିଥି ଭାବେ ନିମନ୍ତ୍ରଣ କରିଥିଲେ ମଧ୍ୟ ସେ ଜାନୁଆରିରେ ଭାରତ ଗସ୍ତ ନେଇ ତାଙ୍କର ଅସମର୍ଥତା ପ୍ରକାଶ କରିଥିଲେ। ଉଲ୍ଲେଖଯୋଗ୍ୟ ଯେ ଗତବର୍ଷ ଜୁଲାଇରେ ପ୍ୟାରିସରେ ଆୟୋଜିତ ବାସ୍ତିଲ ଦିବସ (ଫ୍ରାନ୍ସ ଜାତୀୟ ଦିବସ) ପରେଡ୍ରେ ପ୍ରଧାନମନ୍ତ୍ରୀ ମୋଦୀ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ଫ୍ରାନ୍ସ ରାଷ୍ଟ୍ରପତି ଜାନୁଆରି ୨୫ରେ ଜୟପୁରରେ ଅବତରଣ କରିବେ ଏବଂ ଆମେର ଦୁର୍ଗରୁ ତାଙ୍କର ବ୍ୟସ୍ତବହୁଳ ଦିନ ଆରମ୍ଭ କରିବେ। ଏହାପରେ ସେ ଜନ୍ତରମନ୍ତର ଯିବେ ଯେଉଁଠାରେ ସେ ପ୍ରଧାନମନ୍ତ୍ରୀ ମୋଦୀଙ୍କୁ ଭେଟିବେ। ଫ୍ରାନ୍ସ ପାଇଁ ଏହାର ଐତିହାସିକ ମହତ୍ତ୍ୱ ଥିବାରୁ ଦୁଇ ନେତା ଏହି ଅଞ୍ଚଳରେ ବୁଲିବେ। ଏହା ବିଶ୍ୱର ସର୍ବବୃହତ୍ ପର୍ଯ୍ୟବେକ୍ଷଣାଗାର ଏବଂ ବିଶ୍ୱ ଐତିହ୍ୟ ସ୍ଥଳ ମଧ୍ୟ। ଏଠାରେ ବିଶ୍ୱର ସବୁଠାରୁ ବଡ ପଥର ସୂର୍ଯ୍ୟଘଡ଼ି ରହିଛି।
