ମା’ ସବୁବେଳେ ଅସୁସ୍ଥ ରହୁଛି, ତା’ର ଯତ୍ନ ନେବ : କେଜ୍ରିୱାଲ

ନୂଆଦିଲ୍ଲୀ : ମଦନୀତି ଦୁର୍ନୀତି ମାମଲାରେ ଏବେ ଜେଲ୍ରୁ ଅନ୍ତରୀଣ ଜାମିନରେ ବାହାରକୁ ଆସିଥିବା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ୨ ତାରିଖରେ ଜେଲ୍ କର୍ତ୍ତୃପକ୍ଷଙ୍କ ନିକଟରେ ହାଜର ହେବେ। ସୁପ୍ରିମ୍ କୋର୍ଟଙ୍କ ରାୟ ଅନୁଯାୟୀ ୧ ଜୁନ୍ରେ ନିର୍ବାଚନ ଶେଷ ହେବାପରେ ୨ ଜୁନ୍ରେ ତିହାର ଜେଲ୍ ପ୍ରଶାସନ ନିକଟରେ ଆତ୍ମସମର୍ପଣ କରିବାକୁ ପଡ଼ିବ। ଏହାପୂର୍ବରୁ ଶୁକ୍ରବାର ମୁଖ୍ୟମନ୍ତ୍ରୀ କେଜ୍ରିୱାଲ ଜନସାଧାରଣଙ୍କୁ ଉଦବୋଧନ ଦେଇ କହିଛନ୍ତି ଦେଶକୁ ଏକଛତ୍ରବାଦରୁ ରକ୍ଷା କରିବା ପାଇଁ ମୁଁ ଜେଲ ଯାଉଛି । ଏଥିପାଇଁ ମୁଁ ଗର୍ବିତ। କେଜ୍ରିୱାଲ କହିଛନ୍ତି, ମୁଁ ନିଶ୍ଚିତ ଭାବରେ ଆପଣଙ୍କ ମଧ୍ୟରେ ରହିବି ନାହିଁ, କିନ୍ତୁ ମୁଁ ତୁମର କୌଣସି କାମ ବନ୍ଦ କରିବାକୁ ଦେବି ନାହିଁ । ମୁଁ ତୁମର ପରିବାର ଭଳି ଯତ୍ନ ନେଲି । ଏବେ ତୁମେ ମୋର ବୃଦ୍ଧ ଏବଂ ଅସୁସ୍ଥ ପିତାମାତାଙ୍କ ଯତ୍ନ ନେବ । କେଜ୍ରିଓ୍ଵାଲ କହିଛନ୍ତି, ମୁଁ ଭିତରେ ରୁହେ କିମ୍ବା ବାହାରେ ରୁହେ ଦିଲ୍ଲୀର କାମ ବନ୍ଦ ହେବା ଉଚିତ ନୁହେଁ। ମୁଁ ତୁମର କାମ ବନ୍ଦ ହେବାକୁ ଦେବି ନାହିଁ । ମୋହଲ୍ଲା କ୍ଲିନିକ, ହସ୍ପିଟାଲ, ୨୪ ଘଣ୍ଟିଆ ବିଜୁଳି, ପାଠପଢ଼ା ଇତ୍ୟାଦି ବିନା ବାଧାରେ ଚାଲିବ। ଜେଲରୁ ଫେରିବା ପରେ ମୁଁ ପ୍ରତ୍ୟେକ ମହିଳାଙ୍କୁ ୧୦୦୦ ଟଙ୍କା ଦେବା ଆରମ୍ଭ କରିବି ବୋଲି । କେଜ୍ରିଓ୍ଵାଲ କହିଛନ୍ତି ଆଜି ମୁଁ ତୁମକୁ ମୋ ପରିବାର ପାଇଁ କିଛି ମାଗୁଛି । ମୋ ପିତାମାତା ବହୁତ ବୟସ୍କ ଅଟନ୍ତି । ମୋ ମା’ ବହୁତ ଅସୁସ୍ଥ ଅଛନ୍ତି । ଜେଲରେ ସେମାନଙ୍କୁ ନେଇ ମୁଁ ବହୁତ ଚିନ୍ତିତ। ତାଙ୍କର ଯତ୍ନ ନେବାକୁ ସେ ଅନୁରୋଧ କରିଛନ୍ତି ।