ମହାକାଶରୁ ହାମ୍ ରେଡିଓରେ କଥାହେବେ ଶୁଭାଂଶୁ
ନୂଆଦିଲ୍ଲୀ: ଭାରତୀୟ ମହାକାଶଚାରୀ ଗ୍ରୁପ୍ କ୍ୟାପଟେନ୍ ଶୁଭାଂଶୁ ଶୁକ୍ଳା ଅନ୍ତର୍ଜାତୀୟ ମହାକାଶ କେନ୍ଦ୍ରରୁ କର୍ଣ୍ଣାଟକର ୟୁଆର୍ ରାଓ ସାଟେଲାଇଟ୍ ସେଣ୍ଟର (ୟୁଆର୍ଏସ୍ସି) ସହ ଲାଇଭ୍ ହାମ୍ ରେଡିଓ ଦ୍ବାରା ଯୋଗାଯୋଗ ସ୍ଥାପନ କରି ଇତିହାସ ରଚିବାକୁ ଯାଉଛନ୍ତି। ଜୁଲାଇ ୪ ତାରିଖ ଶୁକ୍ରବାର ଅପରାହ୍ଣ ୩ଟା ୪୭ ମିନିଟ୍ରେ ଏହି କାର୍ଯ୍ୟକ୍ରମ ହେବ। ଏହାକୁ ଇସ୍ରୋ ଦ୍ୱାରା ସଂଯୋଜନା କରାଯାଉଛି ଏବଂ ଏହା ସମଗ୍ର ଭାରତରେ ସ୍କୁଲ ଛାତ୍ରଛାତ୍ରୀଙ୍କୁ ମଧ୍ୟ ଯୋଡ଼ିବ, ଯାହା ପରବର୍ତ୍ତୀ ପିଢ଼ିର ମହାକାଶପ୍ରେମୀମାନଙ୍କୁ […]
ନୂଆଦିଲ୍ଲୀ: ଭାରତୀୟ ମହାକାଶଚାରୀ ଗ୍ରୁପ୍ କ୍ୟାପଟେନ୍ ଶୁଭାଂଶୁ ଶୁକ୍ଳା ଅନ୍ତର୍ଜାତୀୟ ମହାକାଶ କେନ୍ଦ୍ରରୁ କର୍ଣ୍ଣାଟକର ୟୁଆର୍ ରାଓ ସାଟେଲାଇଟ୍ ସେଣ୍ଟର (ୟୁଆର୍ଏସ୍ସି) ସହ ଲାଇଭ୍ ହାମ୍ ରେଡିଓ ଦ୍ବାରା ଯୋଗାଯୋଗ ସ୍ଥାପନ କରି ଇତିହାସ ରଚିବାକୁ ଯାଉଛନ୍ତି। ଜୁଲାଇ ୪ ତାରିଖ ଶୁକ୍ରବାର ଅପରାହ୍ଣ ୩ଟା ୪୭ ମିନିଟ୍ରେ ଏହି କାର୍ଯ୍ୟକ୍ରମ ହେବ। ଏହାକୁ ଇସ୍ରୋ ଦ୍ୱାରା ସଂଯୋଜନା କରାଯାଉଛି ଏବଂ ଏହା ସମଗ୍ର ଭାରତରେ ସ୍କୁଲ ଛାତ୍ରଛାତ୍ରୀଙ୍କୁ ମଧ୍ୟ ଯୋଡ଼ିବ, ଯାହା ପରବର୍ତ୍ତୀ ପିଢ଼ିର ମହାକାଶପ୍ରେମୀମାନଙ୍କୁ ପ୍ରେରଣା ଦେବ। ପ୍ରଥମ ଭାରତୀୟ ଭାବେ ଆଇଏସ୍ଏସ୍ରେ ପହଞ୍ଚିଥିବା ଓ ରାକେଶ ଶର୍ମାଙ୍କ ପରେ ମହାକାଶରେ ଦ୍ୱିତୀୟ ଭାରତୀୟ ଭାବେ ପ୍ରବେଶ କରିଥିବା ଶୁକ୍ଳା ଏବେ ଅନ୍ତର୍ଜାତୀୟ ଆକ୍ସ-୪ କ୍ରୁର ଏକ ଅଂଶ ଭାବରେ ୧୪ ଦିନିଆ ଅଭିଯାନରେ ଅଛନ୍ତି। ଏହି ହାମ୍ ରେଡିଓ ଅଧିବେଶନରେ ଛାତ୍ରଛାତ୍ରୀ ଓ ଇଞ୍ଜିନିୟରମାନେ ମହାକାଶଚାରୀଙ୍କ ସହ ସିଧାସଳଖ କଥାବାର୍ତ୍ତା କରିପାରିବେ, ମାଇକ୍ରୋଗ୍ରାଭିଟିରେ ଜୀବନ ଓ ଗବେଷଣା ବିଷୟରେ ପ୍ରଶ୍ନ ପଚାରିପାରିବେ ଏବଂ ରିୟଲ ଟାଇମ୍ ଅନ୍ତର୍ଜାତୀୟ ମହାକାଶ ଯୋଗାଯୋଗର ସାକ୍ଷୀ ହୋଇପାରିବେ।
