‘ମସ୍ତିଷ୍କ-ଖିଆ ଆମିବା’ରେ ୧୯ ମୃତ
ତିରୁଅନନ୍ତପୁରମ୍: ବିରଳ ଜଳବାହିତ ‘ମସ୍ତିଷ୍କ-ଖିଆ ଆମିବା’ ଦ୍ୱାରା ସଂକ୍ରମଣ ବୃଦ୍ଧି ପାଇବା ପରେ କେରଳ ସତର୍କ ରହିଛି। ରାଜ୍ୟରେ ଏପର୍ଯ୍ୟନ୍ତ ୧୯ ଜଣଙ୍କର ଏହି ରୋଗରେ ମୃତ୍ୟୁ ଘଟିଛି। ଗତବର୍ଷ କେରଳରେ ୩୬ଟି ପ୍ରାଇମେରୀ ଆମିବିକ୍ ମେନିଙ୍ଗୋଏନସେଫାଲାଇଟିସ୍ ସଂକ୍ରମଣ ହୋଇଥିଲା, ଯାହା ନାଏଗ୍ଲେରିଆ ଫାଉଲେରି ଆମିବା ଦ୍ୱାରା ହୋଇଥାଏ। ଏହାକୁ ମସ୍ତିଷ୍କ-ଖିଆ ଆମିବା କୁହାଯାଏ କାରଣ ଏହା ମସ୍ତିଷ୍କକୁ ସଂକ୍ରମିତ କରି ମସ୍ତିଷ୍କର ଟିସୁକୁ ନଷ୍ଟ କରିପାରେ। ଅଧିକାରୀମାନେ ଚଳିତ ବର୍ଷ ଏହି ରୋଗରେ ୧୯ ଜଣଙ୍କର […]
ତିରୁଅନନ୍ତପୁରମ୍: ବିରଳ ଜଳବାହିତ ‘ମସ୍ତିଷ୍କ-ଖିଆ ଆମିବା’ ଦ୍ୱାରା ସଂକ୍ରମଣ ବୃଦ୍ଧି ପାଇବା ପରେ କେରଳ ସତର୍କ ରହିଛି। ରାଜ୍ୟରେ ଏପର୍ଯ୍ୟନ୍ତ ୧୯ ଜଣଙ୍କର ଏହି ରୋଗରେ ମୃତ୍ୟୁ ଘଟିଛି। ଗତବର୍ଷ କେରଳରେ ୩୬ଟି ପ୍ରାଇମେରୀ ଆମିବିକ୍ ମେନିଙ୍ଗୋଏନସେଫାଲାଇଟିସ୍ ସଂକ୍ରମଣ ହୋଇଥିଲା, ଯାହା ନାଏଗ୍ଲେରିଆ ଫାଉଲେରି ଆମିବା ଦ୍ୱାରା ହୋଇଥାଏ। ଏହାକୁ ମସ୍ତିଷ୍କ-ଖିଆ ଆମିବା କୁହାଯାଏ କାରଣ ଏହା ମସ୍ତିଷ୍କକୁ ସଂକ୍ରମିତ କରି ମସ୍ତିଷ୍କର ଟିସୁକୁ ନଷ୍ଟ କରିପାରେ। ଅଧିକାରୀମାନେ ଚଳିତ ବର୍ଷ ଏହି ରୋଗରେ ୧୯ ଜଣଙ୍କର ମୃତ୍ୟୁ ଓ ୭୨ଟି ସଂକ୍ରମଣ ରିପୋର୍ଟ କରିଛନ୍ତି, ଯେଉଁଥିରେ କେବଳ ସେପ୍ଟେମ୍ବରରେ ୯ ଜଣଙ୍କର ମୃତ୍ୟୁ ସହ ୨୪ଟି ମାମଲା ରହିଛି। କେରଳର ସ୍ୱାସ୍ଥ୍ୟମନ୍ତ୍ରୀ ବୀଣା ଜର୍ଜ କହିଛନ୍ତି ଯେ ଗତବର୍ଷ ୩୬ଟି ମାମଲାରୁ ନଅ ଜଣଙ୍କର ମୃତ୍ୟୁ ଘଟିଥିଲା।
