ମଦ ଦୁର୍ନୀତି ମାମଲାରେ ଛତିଶଗଡ଼ର ପୂର୍ବତନ ମନ୍ତ୍ରୀ କାୱାସି ଲଖମା ଗିରଫ
ରାୟପୁର: ମଦ ଦୁର୍ନୀତି ମାମଲାରେ ଛତିଶଗଡ଼ର ପୂର୍ବତନ ଅବକାରୀ ମନ୍ତ୍ରୀ କାୱାସି ଲଖମା ଗିରଫ ହୋଇଛନ୍ତି । ଅବକାରୀ ଦୁର୍ନୀତି ମାମଲା ସହ ଜଡ଼ିତ ଏକ ମନି ଲଣ୍ଡରିଂ ମାମଲାରେ ଇଡି (ପ୍ରବର୍ତ୍ତନ ନିର୍ଦ୍ଦେଶାଳୟ) ତାଙ୍କ ବିରୋଧରେ ତଦନ୍ତ ଚଳାଇଥିଲା। ଗତ କିଛି ଦିନ ତଳେ ଏହି ପୂର୍ବତନ ମନ୍ତ୍ରୀଙ୍କ ବିଭିନ୍ନ ଠିକଣାରେ ଇଡି ଚଢ଼ଉ କରିଥିଲା। ତାଙ୍କୁ ବାରମ୍ବାର ଜେରା ମଧ୍ୟ କରାଯାଇଛି। ବୁଧବାର ତାଙ୍କୁ ତୃତୀୟ ଥର ପାଇଁ ପଚରାଉଚରା ପାଇଁ ଇଡି କାର୍ଯ୍ୟାଳୟକୁ […]
ରାୟପୁର: ମଦ ଦୁର୍ନୀତି ମାମଲାରେ ଛତିଶଗଡ଼ର ପୂର୍ବତନ ଅବକାରୀ ମନ୍ତ୍ରୀ କାୱାସି ଲଖମା ଗିରଫ ହୋଇଛନ୍ତି । ଅବକାରୀ ଦୁର୍ନୀତି ମାମଲା ସହ ଜଡ଼ିତ ଏକ ମନି ଲଣ୍ଡରିଂ ମାମଲାରେ ଇଡି (ପ୍ରବର୍ତ୍ତନ ନିର୍ଦ୍ଦେଶାଳୟ) ତାଙ୍କ ବିରୋଧରେ ତଦନ୍ତ ଚଳାଇଥିଲା। ଗତ କିଛି ଦିନ ତଳେ ଏହି ପୂର୍ବତନ ମନ୍ତ୍ରୀଙ୍କ ବିଭିନ୍ନ ଠିକଣାରେ ଇଡି ଚଢ଼ଉ କରିଥିଲା। ତାଙ୍କୁ ବାରମ୍ବାର ଜେରା ମଧ୍ୟ କରାଯାଇଛି। ବୁଧବାର ତାଙ୍କୁ ତୃତୀୟ ଥର ପାଇଁ ପଚରାଉଚରା ପାଇଁ ଇଡି କାର୍ଯ୍ୟାଳୟକୁ ଡକାଯାଇଥିଲା ଏବଂ ଏହି ସମୟରେ ତାଙ୍କୁ ଗିରଫ କରାଯାଇଥିଲା। କାୱାସି ଲଖମା ଛତିଶଗଡ଼ର ପୂର୍ବତନ ଅବକାରୀ ମନ୍ତ୍ରୀ। ଇଡି ଏବେ ୨ହଜାର କୋଟି ରୁ ଅଧିକ ଟଙ୍କାର ଛତିଶଗଡ଼ ମଦ ଦୁର୍ନୀତିର ତଦନ୍ତ କରୁଛି । ଏହି ମାମଲାରେ ଅନେକ ଅଭିଯୁକ୍ତ ଜେଲରେ ଅଛନ୍ତି । ଦୁର୍ନୀତିରେ ସରକାର କୋଟି କୋଟି ଟଙ୍କାର ରାଜସ୍ୱ ହରାଇଛନ୍ତି । ଛତିଶଗଡ଼ରେ ମଦ ଦୁର୍ନୀତି ନେଇ ଇଡିକୁ ଗୁରୁତ୍ୱପୂର୍ଣ୍ଣ ସୂଚନା ମିଳିଥିଲା। କୁହାଯାଉଛି ଯେ ଏହି ପୁରା ଘଟଣା ୨୦୧୯ରୁ ଆରମ୍ଭ ହୋଇଥିଲା, ଯେଉଁଠାରେ ୨୦୨୨ ପର୍ଯ୍ୟନ୍ତ ଲାଇସେନ୍ସପ୍ରାପ୍ତ ମଦ ଦୋକାନରେ ନକଲି ହୋଲୋଗ୍ରାମ ଲଗାଇ ବିପୁଳ ପରିମାଣରେ ବେଆଇନ ମଦ ବିକ୍ରି ହେଉଥିଲା । ଯେଉଁଥିପାଇଁ ଛତିଶଗଡ଼ର ରାଜସ୍ୱ ବିଭାଗକୁ କୋଟି କୋଟି ଟଙ୍କାର କ୍ଷତି ସହିବାକୁ ପଡ଼ିଥିଲା।
