ବିଶାଖାପାଟଣାରେ ୨୦୨୫ ଅନ୍ତର୍ଜାତୀୟ ଯୋଗ ଦିବସରେ ଯୋଗ ଦେଲେ ପ୍ରଧାନମନ୍ତ୍ରୀ ମୋଦୀ

ନୂଆଦିଲ୍ଲୀ : ଶନିବାର ଅନ୍ତର୍ଜାତୀୟ ଯୋଗ ଦିବସ ପାଳନ କରିବା ପାଇଁ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆନ୍ଧ୍ରପ୍ରଦେଶର ବିଶାଖାପାଟଣାରୁ ଏକ ଯୋଗ ଅଧିବେଶନରେ ଅଂଶଗ୍ରହଣ କରିଥିଲେ ଏବଂ ଜାତୀୟ କାର୍ଯ୍ୟକ୍ରମର ନେତୃତ୍ୱ ନେଇଥିଲେ। ପ୍ରତିବର୍ଷ ଜୁନ୍ ୨୧ ତାରିଖରେ ଅନ୍ତର୍ଜାତୀୟ ଯୋଗ ଦିବସ ପାଳନ କରାଯାଏ। ପ୍ରଧାନମନ୍ତ୍ରୀ ମୋଦୀ ଶୁକ୍ରବାର ସନ୍ଧ୍ୟାରେ ବିଶାଖାପାଟଣାରେ ପହଞ୍ଚିଥିଲେ । ତାଙ୍କୁ ଆନ୍ଧ୍ର ପ୍ରଦେଶ ମୁଖ୍ୟମନ୍ତ୍ରୀ ଏନ ଚନ୍ଦ୍ରବାବୁ ନାଇଡୁ ସ୍ୱାଗତ କରିଥିଲେ । ଏହି ଅବସରରେ ବିଶାଖାପାଟଣାରେ ଭାଷଣ ଦେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି, ‘ଏହି ବର୍ଷର ଅନ୍ତର୍ଜାତୀୟ ଯୋଗ ଦିବସର ବିଷୟବସ୍ତୁ ହେଉଛି ‘ଏକ ପୃଥିବୀ ପାଇଁ ଯୋଗ, ଏକ ସ୍ୱାସ୍ଥ୍ୟ ପାଇଁ’। ଏହି ବିଷୟବସ୍ତୁ ଏକ ଗଭୀର ସତ୍ୟକୁ ପ୍ରତିଫଳିତ କରେ: ପୃଥିବୀର ପ୍ରତ୍ୟେକ ପ୍ରାଣୀର ସ୍ୱାସ୍ଥ୍ୟ ପରସ୍ପର ସହିତ ଜଡିତ। ଯୋଗ ଆମକୁ ଏହି ପରସ୍ପର ସଂଯୁକ୍ତତା ପ୍ରତି ଜାଗ୍ରତ କରେ, ବିଶ୍ୱ ସହିତ ଏକତା ଆଡକୁ ଯାତ୍ରାରେ ନେଇଯାଏ, ଏବଂ ଆମକୁ ଶିଖାଏ ଯେ ଆମେ ପୃଥକ ବ୍ୟକ୍ତି ନୁହଁ ବରଂ ପ୍ରକୃତିର ଅଂଶ। ପ୍ରଧାନମନ୍ତ୍ରୀ କହିଛନନ୍ତି“ଏହି ଯୋଗ ଦିବସ ମାନବତା ପାଇଁ ଯୋଗ ୨.୦ ର ଆରମ୍ଭ ହେଉ… ଯେଉଁଠାରେ ଆଭ୍ୟନ୍ତରୀଣ ଶାନ୍ତି ବିଶ୍ୱ ନୀତି ପାଲଟିବ। ସେ କହିଥିଲେ, ‘ଯୋଗ ହେଉଛି ଏକ ବିରାମ ବଟନ୍ ଯାହା ମାନବଜାତିକୁ ଆବଶ୍ୟକ… ନିଶ୍ୱାସ ନେବା, ସନ୍ତୁଳନ ରଖିବା, ପୁଣି ଥରେ ସମ୍ପୂର୍ଣ୍ଣ ହେବା। ’