ବଡ଼ ଧରଣର ଆତଙ୍କବାଦୀ ଆକ୍ରମଣ ଉଦ୍ୟମ ପଣ୍ଡ, ଆଇଏସ୍ ସହ ଜଡ଼ିତ ୮ ଆତଙ୍କବାଦୀ ଗିରଫ
ନୂଆଦିଲ୍ଲୀ : କର୍ଣ୍ଣାଟକର ବଲ୍ଲାରିରୁ ଆଇଏସ୍ ମୋଡ୍ୟୁଲ୍ ସହ ଜଡ଼ିତ ୮ ଆତଙ୍କବାଦୀ ଗିରଫ ହୋଇଛନ୍ତି। ଏଥିସହ ବିଭିନ୍ନ ସ୍ଥାନରେ ଆଇଇଡି ବିସ୍ଫୋରଣ ପଣ୍ଡ କରିବାର ଯୋଜନା ବି ପଣ୍ଡ ହୋଇଛି। ଏନ୍ଆଇଏ (ଜାତୀୟ ତଦନ୍ତକାରୀ ସଂସ୍ଥା) ଆଜି ସକାଳେ ମହାରାଷ୍ଟ୍ରର ମୁମ୍ବାଇ ଏବଂ ପୁନେ ଓ ଦିଲ୍ଲୀ ସମେତ ୪ ରାଜ୍ୟର ୧୯ ସ୍ଥାନରେ ଚଢ଼ଉ କରି ୮ ଆଇଏସ୍ ଆତଙ୍କବାଦୀଙ୍କୁ ଗିରଫ କରିଛି ଏବଂ ବଡ଼ ଧରଣର ଆକ୍ରମଣ ଯୋଜନା ପଣ୍ଡ କରିଦେଇଛି। ସେମାନଙ୍କ […]
ନୂଆଦିଲ୍ଲୀ : କର୍ଣ୍ଣାଟକର ବଲ୍ଲାରିରୁ ଆଇଏସ୍ ମୋଡ୍ୟୁଲ୍ ସହ ଜଡ଼ିତ ୮ ଆତଙ୍କବାଦୀ ଗିରଫ ହୋଇଛନ୍ତି। ଏଥିସହ ବିଭିନ୍ନ ସ୍ଥାନରେ ଆଇଇଡି ବିସ୍ଫୋରଣ ପଣ୍ଡ କରିବାର ଯୋଜନା ବି ପଣ୍ଡ ହୋଇଛି। ଏନ୍ଆଇଏ (ଜାତୀୟ ତଦନ୍ତକାରୀ ସଂସ୍ଥା) ଆଜି ସକାଳେ ମହାରାଷ୍ଟ୍ରର ମୁମ୍ବାଇ ଏବଂ ପୁନେ ଓ ଦିଲ୍ଲୀ ସମେତ ୪ ରାଜ୍ୟର ୧୯ ସ୍ଥାନରେ ଚଢ଼ଉ କରି ୮ ଆଇଏସ୍ ଆତଙ୍କବାଦୀଙ୍କୁ ଗିରଫ କରିଛି ଏବଂ ବଡ଼ ଧରଣର ଆକ୍ରମଣ ଯୋଜନା ପଣ୍ଡ କରିଦେଇଛି। ସେମାନଙ୍କ ନିକଟରୁ ସଲଫର, ପୋଟାସିୟମ ନାଇଟ୍ରେଟ୍ ଏବଂ ଗନପାଉଡର ସମେତ ଅନ୍ୟାନ୍ୟ ବିସ୍ଫୋରକ ସାମଗ୍ରୀ ଜବତ ହୋଇଛି। ବଲ୍ଲାରି ମୋଡ୍ୟୁଲର ନେତା ମିନାଜ ଅର୍ଥରତ ମହମ୍ମଦ ସୁଲେମାନ ସମେତ ଅନ୍ୟମାନେ ଏହି ଅପରେସନରେ ଗିରଫ ହୋଇଛନ୍ତି। ପରସ୍ପର ସହ ଯୋଗାଯୋଗ ପାଇଁ ଆଇଏମ୍ ଆପ୍ର ବ୍ୟବହାର କରିଥିବା ଆତଙ୍କବାଦୀ ଆଇଇଡି ସୃଷ୍ଟି ପାଇଁ ବିସ୍ଫୋରକ ବ୍ୟବହାର କରିବାକୁ ଯୋଜନା କରିଥିଲେ। ଉଲ୍ଲେଖଯୋଗ୍ୟ ଯେ ଗତ ସପ୍ତାହରେ ବଲ୍ଲାରି ମୋଡ୍ୟୁଲ ବିରୋଧରେ ଏନଆଇଏ ମାମଲା ରୁଜୁ ହୋଇଥିଲା।
