ଫ୍ରାନ୍ସରେ ଅଟକ ବିମାନ ମୁମ୍ବାଇ ଫେରିଲା, ୨୭୬ ଯାତ୍ରୀ ଫେରିଲେ
ମୁମ୍ବାଇ : ଭାରତୀୟ ଯାତ୍ରୀଙ୍କୁ ନେଇ ଏକ ରୋମାନିଆ ବିମାନ ୪ ଦିନ ତଳେ ସନ୍ଦିଗ୍ଧ ମାନବ ଚାଲାଣ ଅଭିଯୋଗରେ ଫ୍ରାନ୍ସରେ ଅଟକି ରହିବା ପରେ ମଙ୍ଗଳବାର ସକାଳେ ମୁମ୍ବାଇରେ ଅବତରଣ କରିଛି। ଫ୍ରାନ୍ସ କର୍ତ୍ତୃପକ୍ଷ ରବିବାର ଅନୁମତି ଦେବା ପରେ ବିମାନଟି ମୁମ୍ବାଇ ଫେରିଥିଲା। ଏଥିରେ ୩୦୩ ଜଣ ଯାତ୍ରୀ ଥିଲେ, କିନ୍ତୁ ସେମାନଙ୍କ ମଧ୍ୟରୁ ୨୭ ଜଣ ଫ୍ରାନ୍ସରେ ରହିଛନ୍ତି। ଅନ୍ୟ ୨୭୬ ଜଣ ମୁମ୍ବାଇ ଫେରିଛନ୍ତି। ରୋମାନିଆ କମ୍ପାନି ଲିଜେଣ୍ଡ ଏୟାରଲାଇନ୍ସ ଦ୍ୱାରା […]
ମୁମ୍ବାଇ : ଭାରତୀୟ ଯାତ୍ରୀଙ୍କୁ ନେଇ ଏକ ରୋମାନିଆ ବିମାନ ୪ ଦିନ ତଳେ ସନ୍ଦିଗ୍ଧ ମାନବ ଚାଲାଣ ଅଭିଯୋଗରେ ଫ୍ରାନ୍ସରେ ଅଟକି ରହିବା ପରେ ମଙ୍ଗଳବାର ସକାଳେ ମୁମ୍ବାଇରେ ଅବତରଣ କରିଛି। ଫ୍ରାନ୍ସ କର୍ତ୍ତୃପକ୍ଷ ରବିବାର ଅନୁମତି ଦେବା ପରେ ବିମାନଟି ମୁମ୍ବାଇ ଫେରିଥିଲା। ଏଥିରେ ୩୦୩ ଜଣ ଯାତ୍ରୀ ଥିଲେ, କିନ୍ତୁ ସେମାନଙ୍କ ମଧ୍ୟରୁ ୨୭ ଜଣ ଫ୍ରାନ୍ସରେ ରହିଛନ୍ତି। ଅନ୍ୟ ୨୭୬ ଜଣ ମୁମ୍ବାଇ ଫେରିଛନ୍ତି। ରୋମାନିଆ କମ୍ପାନି ଲିଜେଣ୍ଡ ଏୟାରଲାଇନ୍ସ ଦ୍ୱାରା ପରିଚାଳିତ ଏହି ବିମାନ ସୋମବାର (ସ୍ଥାନୀୟ ସମୟ) ଅପରାହ୍ଣ ୨ଟା ୩୦ ମିନିଟ୍ ପରେ ଉଡ଼ାଣ କରି ମଙ୍ଗଳବାର ଭୋର ପ୍ରାୟ ୪ଟାରେ ମୁମ୍ବାଇରେ ପହଞ୍ଚିଛି। ସୋମବାର ସକାଳେ ବିମାନଟି ଉଡ଼ାଣ କରିବାର ଥିଲା, କିନ୍ତୁ କିଛି ଯାତ୍ରୀ ଭାରତ ଫେରିବାକୁ ଚାହୁ ନ ଥିବାରୁ ଉଡ଼ାଣରେ ବିଳମ୍ବ ହୋଇଥିଲା ଦୁଇ ନାବାଳକଙ୍କ ସମେତ ୨୭ ଜଣ ଯାତ୍ରୀ ଆଶ୍ରୟ ପାଇଁ ଆବେଦନ କରିଥିବାରୁ ସେମାନେ ଫ୍ରାନ୍ସରେ ଅଛନ୍ତି।
