ପୱନ ସିଂହ ବିଜେପିରୁ ବହିଷ୍କୃତ
ନୂଆଦିଲ୍ଲୀ: ବିଜେପି ଆଜି ଭୋଜପୁରୀ ଅଭିନେତା ଏବଂ ଗୀତିକାର ପୱନ ସିଂହଙ୍କୁ ଦଳରୁ ବହିଷ୍କାର କରିଛି। ପୱନ ସିଂହ ଏନଡିଏ ପ୍ରାର୍ଥୀଙ୍କ ବିରୋଧରେ ସ୍ବାଧୀନ ଭାବେ ଲୋକସଭା ନିର୍ବାଚନ ଲଢ଼ୁଥିବାରୁ ଦଳ ତାଙ୍କୁ ବହିଷ୍କାର କରିଛି। ପୂର୍ବରୁ ପଶ୍ଚିମବଙ୍ଗର ଆସାନସୋଲରେ ବିଜେପି ଟିକେଟକୁ ପ୍ରତ୍ୟାଖ୍ୟାନ କରିଥିବା ସିଂହ ବିହାରର କାରାକଟ ଲୋକସଭା ଆସନରୁ ନିର୍ବାଚନ ଲଢ଼ୁଛନ୍ତି। ତେବେ ରାଷ୍ଟ୍ରୀୟ ଲୋକ ମୋର୍ଚ୍ଚାର ନେତୃତ୍ବ ନେଉଥିବା ଏବଂ ପୂର୍ବତନ କେନ୍ଦ୍ର ମନ୍ତ୍ରୀ ଉପେନ୍ଦ୍ର କୁଶୱାହା ଏହି ଦକ୍ଷିଣ ବିହାର […]
ନୂଆଦିଲ୍ଲୀ: ବିଜେପି ଆଜି ଭୋଜପୁରୀ ଅଭିନେତା ଏବଂ ଗୀତିକାର ପୱନ ସିଂହଙ୍କୁ ଦଳରୁ ବହିଷ୍କାର କରିଛି। ପୱନ ସିଂହ ଏନଡିଏ ପ୍ରାର୍ଥୀଙ୍କ ବିରୋଧରେ ସ୍ବାଧୀନ ଭାବେ ଲୋକସଭା ନିର୍ବାଚନ ଲଢ଼ୁଥିବାରୁ ଦଳ ତାଙ୍କୁ ବହିଷ୍କାର କରିଛି। ପୂର୍ବରୁ ପଶ୍ଚିମବଙ୍ଗର ଆସାନସୋଲରେ ବିଜେପି ଟିକେଟକୁ ପ୍ରତ୍ୟାଖ୍ୟାନ କରିଥିବା ସିଂହ ବିହାରର କାରାକଟ ଲୋକସଭା ଆସନରୁ ନିର୍ବାଚନ ଲଢ଼ୁଛନ୍ତି। ତେବେ ରାଷ୍ଟ୍ରୀୟ ଲୋକ ମୋର୍ଚ୍ଚାର ନେତୃତ୍ବ ନେଉଥିବା ଏବଂ ପୂର୍ବତନ କେନ୍ଦ୍ର ମନ୍ତ୍ରୀ ଉପେନ୍ଦ୍ର କୁଶୱାହା ଏହି ଦକ୍ଷିଣ ବିହାର ନିର୍ବାଚନମଣ୍ଡଳୀରୁ ଏନଡିଏ ପ୍ରାର୍ଥୀ ଭାବେ ନିର୍ବାଚନ ଲଢ଼ୁଛନ୍ତି। ବିଜେପିର ବିହାର ବିଭାଗ ପକ୍ଷରୁ ସିଂହଙ୍କୁ ଏକ ଚିଠି ଲେଖି କୁହାଯାଇଛି ଯେ ଏନଡିଏ ପ୍ରାର୍ଥୀଙ୍କ ବିରୋଧରେ ନିର୍ବାଚନ ଲଢ଼ି ଆପଣ ଦଳ ବିରୋଧରେ ଯାଇଛନ୍ତି ଏବଂ ଦଳର ଶୃଙ୍ଖଳା ଭଙ୍ଗ କରିଛନ୍ତି। ତେଣୁ ବିହାର ବିଜେପି ସଭାପତି ସମ୍ରାଟ ଚୌଧୁରୀ ଆପଣଙ୍କୁ ନିଲମ୍ବନ କରିବାପାଇଁ ନିଷ୍ପତ୍ତି ନେଇଛନ୍ତି। ଅନ୍ୟପକ୍ଷେ ପୱନ ସିଂହଙ୍କ ମା’ ପ୍ରତିମା ସିଂହ ମଧ୍ୟ ଏହି ସମାନ ଆସନରୁ ଜଣେ ସ୍ବାଧୀନ ପ୍ରାର୍ଥୀ ଭାବେ ପ୍ରାର୍ଥିପତ୍ର ଦାଖଲ କରିଛନ୍ତି।
