ପ୍ରସିଦ୍ଧ ମାଲୟାଲମ ଗାୟକ ପି ଜୟଚନ୍ଦ୍ରନଙ୍କ ପରଲୋକ
ତ୍ରିଶୂର: ପ୍ରଖ୍ୟାତ ଗାୟକ ପି ଜୟଚନ୍ଦ୍ରନଙ୍କର ଗୁରୁବାର ସନ୍ଧ୍ୟାରେ ୮୦ ବର୍ଷ ବୟସରେ ପରଲୋକ ଘଟିଛି । ଛଅ ଦଶନ୍ଧିର କ୍ୟାରିୟରରେ ଜୟଚନ୍ଦ୍ରନ ମାଲୟାଲମ ସମେତ ବିଭିନ୍ନ ଭାଷାରେ ୧୬ ହଜାରରୁ ଅଧିକ ଗୀତ ଗାଇଥିଲେ। ତ୍ରିଶୂରର ଏକ ଘରୋଇ ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି। ଜୟଚନ୍ଦ୍ରନ ଭାରତୀୟ ସଙ୍ଗୀତରେ ଏକ ଉଲ୍ଲେଖନୀୟ ଐତିହ୍ୟ ଛାଡ଼ି ଯାଇଛନ୍ତି । ନିଜର ଭାବପ୍ରବଣ ସ୍ୱର ପାଇଁ ବିଖ୍ୟାତ ଜୟଚନ୍ଦ୍ରନ ମାଲୟାଲମ, ତାମିଲ, ତେଲୁଗୁ, […]
ତ୍ରିଶୂର: ପ୍ରଖ୍ୟାତ ଗାୟକ ପି ଜୟଚନ୍ଦ୍ରନଙ୍କର ଗୁରୁବାର ସନ୍ଧ୍ୟାରେ ୮୦ ବର୍ଷ ବୟସରେ ପରଲୋକ ଘଟିଛି । ଛଅ ଦଶନ୍ଧିର କ୍ୟାରିୟରରେ ଜୟଚନ୍ଦ୍ରନ ମାଲୟାଲମ ସମେତ ବିଭିନ୍ନ ଭାଷାରେ ୧୬ ହଜାରରୁ ଅଧିକ ଗୀତ ଗାଇଥିଲେ। ତ୍ରିଶୂରର ଏକ ଘରୋଇ ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି। ଜୟଚନ୍ଦ୍ରନ ଭାରତୀୟ ସଙ୍ଗୀତରେ ଏକ ଉଲ୍ଲେଖନୀୟ ଐତିହ୍ୟ ଛାଡ଼ି ଯାଇଛନ୍ତି । ନିଜର ଭାବପ୍ରବଣ ସ୍ୱର ପାଇଁ ବିଖ୍ୟାତ ଜୟଚନ୍ଦ୍ରନ ମାଲୟାଲମ, ତାମିଲ, ତେଲୁଗୁ, କନ୍ନଡ ଏବଂ ହିନ୍ଦୀ ଭାଷାର ଗୀତରେ କଣ୍ଠଦାନ କରି ବିପୁଳ ଲୋକପ୍ରିୟତା ହାସଲ କରିଥିଲେ। ସଂଗୀତ ମାଧ୍ୟମରେ ଗଭୀର ଭାବନା ଜାଗ୍ରତ କରିବାର ଦକ୍ଷତା ତାଙ୍କୁ ସଙ୍ଗୀତ ପ୍ରେମୀଙ୍କ ହୃଦୟରେ ଏକ ସ୍ୱତନ୍ତ୍ର ସ୍ଥାନ ଦେଇଥିଲା ଏବଂ ଶ୍ରେଷ୍ଠ ପ୍ରଚ୍ଛଦପଟ୍ଟ ଗାୟକ ପାଇଁ ସେ ଜାତୀୟ ଚଳଚ୍ଚିତ୍ର ପୁରସ୍କାର ପାଇଥିଲେ। ଏହା ସହିତ ପାଞ୍ଚଟି କେରଳ ରାଜ୍ୟ ଚଳଚ୍ଚିତ୍ର ପୁରସ୍କାର, ଚାରିଟି ତାମିଲନାଡ଼ୁ ରାଜ୍ୟ ଚଳଚ୍ଚିତ୍ର ପୁରସ୍କାର, କେରଳ ସରକାରଙ୍କ ଜେସି ଡାନିଏଲ ପୁରସ୍କାର ଏବଂ ତାମିଲନାଡୁ ସରକାରଙ୍କ କଲାଇମାମଣି ପୁରସ୍କାର ସମେତ ଅନେକ ସମ୍ମାନ ହାସଲ କରିଥିଲେ।
