ପ୍ରବଳ ବର୍ଷା ମଧ୍ୟରେ ମଣିପୁରରେ ପହଞ୍ଚିଲେ ମୋଦୀ
ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ମଣିପୁର ଗସ୍ତ କରିବେ। ୨୦୨୩ ମସିହାରେ ଘଟିଥିବା ଜାତିଗତ ହିଂସାରେ ୨୦୦ ରୁ ଅଧିକ ଲୋକଙ୍କ ମୃତ୍ୟୁ ହୋଇଥିବାବେଳେ ଏହା ତାଙ୍କର ପ୍ରଥମ ରାଜ୍ୟ ଗସ୍ତ। ପରିସ୍ଥିତି ସମୀକ୍ଷା ନକରିବା ପାଇଁ ବିରୋଧୀ ଦଳ ତାଙ୍କୁ ବହୁ ଦିନ ଧରି ସମାଲୋଚନା କରି ଆସୁଛନ୍ତି। ମୁଖ୍ୟ ସଚିବ ପୁନିତ କୁମାର ଗୋଏଲ କହିଛନ୍ତି ଯେ ମୋଦୀ ସେପ୍ଟେମ୍ବର ୧୩ ରେ ୮,୫୦୦ କୋଟି ଟଙ୍କାର ବିକାଶ ପ୍ରକଳ୍ପ ଆରମ୍ଭ […]
ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ମଣିପୁର ଗସ୍ତ କରିବେ। ୨୦୨୩ ମସିହାରେ ଘଟିଥିବା ଜାତିଗତ ହିଂସାରେ ୨୦୦ ରୁ ଅଧିକ ଲୋକଙ୍କ ମୃତ୍ୟୁ ହୋଇଥିବାବେଳେ ଏହା ତାଙ୍କର ପ୍ରଥମ ରାଜ୍ୟ ଗସ୍ତ। ପରିସ୍ଥିତି ସମୀକ୍ଷା ନକରିବା ପାଇଁ ବିରୋଧୀ ଦଳ ତାଙ୍କୁ ବହୁ ଦିନ ଧରି ସମାଲୋଚନା କରି ଆସୁଛନ୍ତି। ମୁଖ୍ୟ ସଚିବ ପୁନିତ କୁମାର ଗୋଏଲ କହିଛନ୍ତି ଯେ ମୋଦୀ ସେପ୍ଟେମ୍ବର ୧୩ ରେ ୮,୫୦୦ କୋଟି ଟଙ୍କାର ବିକାଶ ପ୍ରକଳ୍ପ ଆରମ୍ଭ କରିବାକୁ ଆସିବେ। ସେ ପ୍ରଥମେ ସର୍ବାଧିକ ପ୍ରଭାବିତ ଅଞ୍ଚଳ ଚୁରାଚାନ୍ଦପୁରରେ ଅବତରଣ କରିବେ, ଆଭ୍ୟନ୍ତରୀଣ ବିସ୍ଥାପିତମାନଙ୍କୁ ଭେଟିବେ ଏବଂ ୭,୩୦୦ କୋଟି ଟଙ୍କାରୁ ଅଧିକ ମୂଲ୍ୟର ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିବେ। ଗୁରୁବାର ସହରରେ ନୂତନ ସଂଘର୍ଷ ଦେଖାଦେଇଛି, ଦୁର୍ବୃର୍ତ୍ତମାନେ କାର୍ଯ୍ୟକ୍ରମ ପାଇଁ ପ୍ରସ୍ତୁତ ସାଜସଜ୍ଜା ଭଙ୍ଗାରୁଜା କରିଛନ୍ତି। ପରେ, ପ୍ରଧାନମନ୍ତ୍ରୀ ଇମ୍ଫାଲରେ ୧୨୦୦ କୋଟି ଟଙ୍କାରୁ ଅଧିକ ମୂଲ୍ୟର ପ୍ରକଳ୍ପ ଉଦଘାଟନ କରିବା ପୂର୍ବରୁ ଏକ ଜନସମାବେଶକୁ ସମ୍ବୋଧିତ କରିବେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମଣିପୁର ଗସ୍ତକୁ ‘ପିଟ୍ ଷ୍ଟପ୍’ ବୋଲି ଅଭିହିତ କରି କଂଗ୍ରେସ ଶନିବାର ଅଭିଯୋଗ କରିଛି ଯେ ଏହି ଯାତ୍ରା ‘ଟୋକେନିଜିମ୍’ ଏବଂ ରାଜ୍ୟବାସୀଙ୍କ ପ୍ରତି ‘ଗମ୍ଭୀର ଅପମାନ’।
