ପୂର୍ବତନ ୟୁପି ମନ୍ତ୍ରୀ ସ୍ବାମୀ ପ୍ରସାଦ ଓ ତାଙ୍କ ଝିଅ ସଂଘମିତ୍ରାଙ୍କୁ ପଳାତକ ଘୋଷଣା କଲେ ଏମ୍ପି-ଏମ୍ଏଲ୍ଏ କୋର୍ଟ
ନୂଆଦିଲ୍ଳୀ: ଦୀପକ କୁମାର ସ୍ବର୍ଣ୍ଣକାର ମାମଲାରେ ଏମ୍ପି-ଏମ୍ଏଲ୍ଏ କୋର୍ଟ ଉତ୍ତରପ୍ରଦେଶର ପୂର୍ବତନ ମନ୍ତ୍ରୀ ତଥା ରାଷ୍ଟ୍ରୀୟ ଶୋଷିତ ସମାଜ ପାର୍ଟିର ସଭାପତି ସ୍ବାମୀ ପ୍ରସାଦ ମୌର୍ଯ୍ୟ ଏବଂ ତାଙ୍କ ଝିଅ ତଥା ପୂର୍ବତନ ବିଜେପି ସାଂସଦ ସଂଘମିତ୍ରାଙ୍କୁ ପଳାତକ ଘୋଷଣା କରିଛି। ଲକ୍ଷ୍ନୌର ଏମ୍ପି-ଏମ୍ଏଲ୍ଏ କୋର୍ଟଙ୍କ କ୍ରମାଗତ ତିନିଟି ସମନ ଏଡ଼ାଇଥିବା ସ୍ବାମୀ ପ୍ରସାଦ ଓ ସଂଘମିତ୍ରା କୋର୍ଟରେ ହାଜର ହୋଇ ନଥିଲେ। ଶେଷରେ ଚଳିତ ବର୍ଷ ଏପ୍ରିଲ୍ ୪ରେ ଉଭୟଙ୍କ ବିରୋଧରେ ଜାମିନ ବିହୀନ ଗିରଫ […]
ନୂଆଦିଲ୍ଳୀ: ଦୀପକ କୁମାର ସ୍ବର୍ଣ୍ଣକାର ମାମଲାରେ ଏମ୍ପି-ଏମ୍ଏଲ୍ଏ କୋର୍ଟ ଉତ୍ତରପ୍ରଦେଶର ପୂର୍ବତନ ମନ୍ତ୍ରୀ ତଥା ରାଷ୍ଟ୍ରୀୟ ଶୋଷିତ ସମାଜ ପାର୍ଟିର ସଭାପତି ସ୍ବାମୀ ପ୍ରସାଦ ମୌର୍ଯ୍ୟ ଏବଂ ତାଙ୍କ ଝିଅ ତଥା ପୂର୍ବତନ ବିଜେପି ସାଂସଦ ସଂଘମିତ୍ରାଙ୍କୁ ପଳାତକ ଘୋଷଣା କରିଛି। ଲକ୍ଷ୍ନୌର ଏମ୍ପି-ଏମ୍ଏଲ୍ଏ କୋର୍ଟଙ୍କ କ୍ରମାଗତ ତିନିଟି ସମନ ଏଡ଼ାଇଥିବା ସ୍ବାମୀ ପ୍ରସାଦ ଓ ସଂଘମିତ୍ରା କୋର୍ଟରେ ହାଜର ହୋଇ ନଥିଲେ। ଶେଷରେ ଚଳିତ ବର୍ଷ ଏପ୍ରିଲ୍ ୪ରେ ଉଭୟଙ୍କ ବିରୋଧରେ ଜାମିନ ବିହୀନ ଗିରଫ ପରୱାନା ଜାରି କରାଯାଇଥିଲା। ଭାରତୀୟ ପିଙ୍ଗଳ କୋଡ୍ (ଆଇପିସି)ର ଧାରା ୮୨ ଅନୁସାରେ କୋର୍ଟ ଉଭୟଙ୍କୁ ପଳାତକ ଘୋଷଣା କରିଛି। ମାମଲାର ବିବରଣୀ ଅନୁସାରେ, ୨୦୧୬ରୁ ସ୍ବାମୀ ପ୍ରସାଦ ମୌର୍ଯ୍ୟଙ୍କ କନ୍ୟା ସଂଘମିତ୍ରାଙ୍କ ସହ ସାମ୍ବାଦିକ ଦୀପକ କୁମାର ସ୍ବର୍ଣ୍ଣକାରଙ୍କ ପ୍ରେମ ସମ୍ପର୍କ ରହିଆସିଥିଲା। ୨୦୧୯ରେ ଉଭୟେ ବିଧିବଦ୍ଧ ଭାବେ ବିବାହ କରିଥିଲେ। ୨୦୨୧ରେ ସଂଘମିତ୍ରା ଓ ସ୍ବାମୀ ପ୍ରସାଦଙ୍କ ବିରୋଧରେ ଦୀପକ କୁମାର କୋର୍ଟରେ ମାମଲା ରୁଜୁ କରିଥିଲେ। ଏଥିରେ ଅଭିଯୋଗ କରିଥିଲେ ଯେ ସଂଘମିତ୍ରାଙ୍କ ପୂର୍ବ ବୈବାହିକ ଜୀବନ ସମ୍ପର୍କରେ ତାଙ୍କୁ ଗୋପନ ରଖାଯାଇଥିଲା। ସଂଘମିତ୍ରା ତାଙ୍କର ପୂର୍ବପତିଙ୍କୁ ୨୦୨୧ରେ ଛାଡ଼ପତ୍ର ଦେଇଥିଲେ। ଏହି ଘଟଣାକୁ ନେଇ ସଂଘମିତ୍ରା ଓ ସ୍ବାମୀ ପ୍ରସାଦ ତାଙ୍କୁ ହତ୍ୟା କରିବା ଉଦ୍ଦେଶ୍ୟରେ ଦୁଇଦୁଇଥର ମରଣାନ୍ତକ ଆକ୍ରମଣ କରିଥିଲେ।
