ପହଲଗାମ ପରେ ଆଉ ଏକ କଠୋର ପଦକ୍ଷେପ: ପାକିସ୍ତାନରୁ ଆମଦାନୀ ଉପରେ ରୋକ ଲଗାଇଲା ଭାରତ
ନୂଆଦିଲ୍ଲୀ: ପହଲଗାମ ଆତଙ୍କବାଦୀ ଆକ୍ରମଣର ପ୍ରତିଶୋଧ ନେବା ପାଇଁ ଆଉ ଏକ କଠୋର ପଦକ୍ଷେପ ଭାରତ ଗ୍ରହଣ କରିଛି। ଭାରତ ପାକିସ୍ତାନରୁ ପ୍ରତ୍ୟକ୍ଷ କିମ୍ବା ପରୋକ୍ଷ ସାମଗ୍ରୀ ଆମଦାନୀ ଉପରେ ରୋକ୍ ଲଗାଇଛି ବୋଲି ବାଣିଜ୍ୟ ମନ୍ତ୍ରଣାଳୟ ପକ୍ଷରୁ କୁହାଯାଇଛି। ପାକିସ୍ତାନରୁ ପ୍ରତ୍ୟକ୍ଷ ଆମଦାନୀ ବହୁତ କମ ହୋଇଥିଲେ ମଧ୍ୟ, କିଛି ସାମଗ୍ରୀ ପରୋକ୍ଷ ମାଧ୍ୟମରେ କିମ୍ବା ତୃତୀୟ ଦେଶ ମାଧ୍ୟମରେ ଦେଶରେ ପ୍ରବେଶ କରୁଥିଲା। ବାଣିଜ୍ୟ ମନ୍ତ୍ରଣାଳୟର ବିଜ୍ଞପ୍ତି ଅନୁଯାୟୀ, ବୈଦେଶିକ ବାଣିଜ୍ୟ ନୀତିରେ ଏକ […]
ନୂଆଦିଲ୍ଲୀ: ପହଲଗାମ ଆତଙ୍କବାଦୀ ଆକ୍ରମଣର ପ୍ରତିଶୋଧ ନେବା ପାଇଁ ଆଉ ଏକ କଠୋର ପଦକ୍ଷେପ ଭାରତ ଗ୍ରହଣ କରିଛି। ଭାରତ ପାକିସ୍ତାନରୁ ପ୍ରତ୍ୟକ୍ଷ କିମ୍ବା ପରୋକ୍ଷ ସାମଗ୍ରୀ ଆମଦାନୀ ଉପରେ ରୋକ୍ ଲଗାଇଛି ବୋଲି ବାଣିଜ୍ୟ ମନ୍ତ୍ରଣାଳୟ ପକ୍ଷରୁ କୁହାଯାଇଛି। ପାକିସ୍ତାନରୁ ପ୍ରତ୍ୟକ୍ଷ ଆମଦାନୀ ବହୁତ କମ ହୋଇଥିଲେ ମଧ୍ୟ, କିଛି ସାମଗ୍ରୀ ପରୋକ୍ଷ ମାଧ୍ୟମରେ କିମ୍ବା ତୃତୀୟ ଦେଶ ମାଧ୍ୟମରେ ଦେଶରେ ପ୍ରବେଶ କରୁଥିଲା। ବାଣିଜ୍ୟ ମନ୍ତ୍ରଣାଳୟର ବିଜ୍ଞପ୍ତି ଅନୁଯାୟୀ, ବୈଦେଶିକ ବାଣିଜ୍ୟ ନୀତିରେ ଏକ ନୂତନ ଯୋଡା ହୋଇଥିବା ବ୍ୟବସ୍ଥାରେ “ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ପାକିସ୍ତାନରୁ ଉତ୍ପନ୍ନ କିମ୍ବା ରପ୍ତାନି ହେଉଥିବା ସମସ୍ତ ସାମଗ୍ରୀର ପ୍ରତ୍ୟକ୍ଷ କିମ୍ବା ପରୋକ୍ଷ ଆମଦାନୀ କିମ୍ବା ପରିବହନ” ଉପରେ ନିଷେଧାଦେଶ ଜାରି କରାଯାଇଛି। ଜାତୀୟ ସୁରକ୍ଷା ଏବଂ ସାର୍ବଜନୀନ ନୀତିର ସ୍ୱାର୍ଥକୁ ଦୃଷ୍ଟିରେ ରଖି ଏହି ବ୍ୟବସ୍ଥା ଲାଗୁ କରାଯାଇଥିବା ବିଜ୍ଞପ୍ତିରେ କୁହାଯାଇଛି। ଜାହାଜ ଚଳାଚଳ ନିର୍ଦ୍ଦେଶାଳୟର ଅନ୍ୟ ଏକ ନିର୍ଦ୍ଦେଶରେ କୁହାଯାଇଛି ଯେ ପାକିସ୍ତାନର ପତାକା ବହନ କରୁଥିବା କୌଣସି ଜାହାଜକୁ ଭାରତୀୟ ବନ୍ଦରକୁ ଯିବାକୁ ଅନୁମତି ଦିଆଯିବ ନାହିଁ।
