ନିର୍ବାଚନ ସମୟରେ ମାଗଣା ସଂସ୍କୃତିକୁ ସମାଲୋଚନା କଲେ ସୁପ୍ରିମ୍ କୋର୍ଟ

ନୂଆଦିଲ୍ଲୀ: ନିର୍ବାଚନ ପୂର୍ବରୁ ମାଗଣା ରେସନ ଓ ଟଙ୍କା ମିଳୁଥିବାରୁ ଲୋକମାନେ କାମ କରିବାକୁ ରାଜି ନୁହଁନ୍ତି ବୋଲି ବୁଧବାର ସୁପ୍ରିମ୍ କୋର୍ଟ କହିଛନ୍ତି। ସହରାଞ୍ଚଳରେ ବାସହୀନ ଲୋକଙ୍କ ଆଶ୍ରୟ ଅଧିକାର ସଂକ୍ରାନ୍ତ ଏକ ମାମଲାର ଶୁଣାଣି କରି ଜଷ୍ଟିସ୍ ବିଆର୍ ଗଭାଇ ଏବଂ ଅଗଷ୍ଟିନ ଜର୍ଜ ମସିହଙ୍କୁ ନେଇ ଗଠିତ ଖଣ୍ଡପୀଠ ଏହି ମନ୍ତବ୍ୟ ଦେଇଛନ୍ତି। “ଦୁର୍ଭାଗ୍ୟବଶତଃ, ଏହି ମାଗଣା କାରଣରୁ ଲୋକମାନେ କାମ କରିବାକୁ ଇଚ୍ଛୁକ ନୁହଁନ୍ତି । ସେମାନଙ୍କୁ ମାଗଣାରେ ରାସନ ମିଳୁଛି। ସେମାନେ କୌଣସି କାମ ନକରି ଟଙ୍କା ପାଉଛନ୍ତି ବୋଲି ଜଷ୍ଟିସ୍ ଗବାଇ କହିଛନ୍ତି। ଖଣ୍ଡପୀଠ କହିଛନ୍ତି, ଆମେ ସେମାନଙ୍କ ପ୍ରତି ଆପଣଙ୍କ ଚିନ୍ତାକୁ ପ୍ରଶଂସା କରୁଛୁ କିନ୍ତୁ ସେମାନଙ୍କୁ ସମାଜର ମୁଖ୍ୟ ସ୍ରୋତରେ ସାମିଲ କରିବା ଏବଂ ଦେଶର ବିକାଶରେ ଯୋଗଦାନ କରିବାକୁ ଅନୁମତି ଦେବା ଉଚିତ। ଆଟର୍ଣ୍ଣି ଜେନେରାଲ ଆର ଭେଙ୍କଟରମଣି ଖଣ୍ଡପୀଠଙ୍କୁ କହିଥିଲେ ଯେ କେନ୍ଦ୍ର ସରକାର ସହରାଞ୍ଚଳ ଦାରିଦ୍ର୍ୟ ଦୂରୀକରଣ ମିଶନକୁ ଚୂଡ଼ାନ୍ତ ରୂପ ଦେବା ପ୍ରକ୍ରିୟାରେ ଅଛନ୍ତି, ଯାହା ସହରାଞ୍ଚଳ ବାସହୀନଙ୍କ ପାଇଁ ଆଶ୍ରୟ ବ୍ୟବସ୍ଥା ସମେତ ବିଭିନ୍ନ ସମସ୍ୟାର ସମାଧାନ କରିବ। ସହରାଞ୍ଚଳ ଦାରିଦ୍ର୍ୟ ଦୂରୀକରଣ ଅଭିଯାନ କେତେ ସମୟ ମଧ୍ୟରେ କାର୍ଯ୍ୟକାରୀ ହେବ ତାହା କେନ୍ଦ୍ର ଠାରୁ ଯାଞ୍ଚ କରିବାକୁ ଖଣ୍ଡପୀଠ ଆଟର୍ଣ୍ଣି ଜେନେରାଲଙ୍କୁ କହିଛନ୍ତି। ସର୍ବୋଚ୍ଚ ନ୍ୟାୟାଳୟ ଏହି ମାମଲାର ଶୁଣାଣି ୬ ସପ୍ତାହ ପରେ ଧାର୍ଯ୍ୟ କରିଛନ୍ତିସହରାଞ୍ଚଳ ଦାରିଦ୍ର୍ୟ ଦୂରୀକରଣ ଅଭିଯାନ କେତେ ସମୟ ମଧ୍ୟରେ କାର୍ଯ୍ୟକାରୀ ହେବ ତାହା କେନ୍ଦ୍ର ଠାରୁ ଯାଞ୍ଚ କରିବାକୁ ଖଣ୍ଡପୀଠ ଆଟର୍ଣ୍ଣି ଜେନେରାଲଙ୍କୁ କହିଛନ୍ତି।