ତୈଳ ଖନନ ଜାହାଜ ବୁଡ଼ି ୪ ଜଣଙ୍କ ମୃତ୍ୟୁ
କାଇରୋ: ସୁଏଜ୍ ଉପସାଗରରେ ଏକ ତୈଳ-ଖନନ ଜାହାଜ ବୁଡ଼ି ଯିବାରୁ ୪ ଜଣ କ୍ରୁମ୍ୟାନ୍ଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ୪ ଜଣ ନିଖୋଜ ଅଛନ୍ତି। ପେଟ୍ରୋଲିୟମ ମନ୍ତ୍ରଣାଳୟ ଏକ ବିବୃତିରେ କହିଛି ଯେ ମଙ୍ଗଳବାର ସନ୍ଧ୍ୟାରେ ସୁଏଜ୍ ଉପସାଗରର ଆଫ୍ରିକୀୟ ପାର୍ଶ୍ୱରେ ଥିବା ରାସ ଘାରେବ ସହର, ଲୋହିତ ସାଗରର ଉତ୍ତର-ପଶ୍ଚିମ ଶାଖା ତଥା ଏକ ଗୁରୁତ୍ୱପୂର୍ଣ୍ଣ ଜାହାଜ ଚଳାଚଳ ମାର୍ଗରେ ଏହି ଡ୍ରିଲିଂ ଜାହାଜ ଓଲଟି ପଡ଼ିଥିଲା। ଲୋହିତ ସାଗର ପ୍ରଦେଶର ଗଭର୍ଣ୍ଣର ଅମର […]
କାଇରୋ: ସୁଏଜ୍ ଉପସାଗରରେ ଏକ ତୈଳ-ଖନନ ଜାହାଜ ବୁଡ଼ି ଯିବାରୁ ୪ ଜଣ କ୍ରୁମ୍ୟାନ୍ଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ୪ ଜଣ ନିଖୋଜ ଅଛନ୍ତି। ପେଟ୍ରୋଲିୟମ ମନ୍ତ୍ରଣାଳୟ ଏକ ବିବୃତିରେ କହିଛି ଯେ ମଙ୍ଗଳବାର ସନ୍ଧ୍ୟାରେ ସୁଏଜ୍ ଉପସାଗରର ଆଫ୍ରିକୀୟ ପାର୍ଶ୍ୱରେ ଥିବା ରାସ ଘାରେବ ସହର, ଲୋହିତ ସାଗରର ଉତ୍ତର-ପଶ୍ଚିମ ଶାଖା ତଥା ଏକ ଗୁରୁତ୍ୱପୂର୍ଣ୍ଣ ଜାହାଜ ଚଳାଚଳ ମାର୍ଗରେ ଏହି ଡ୍ରିଲିଂ ଜାହାଜ ଓଲଟି ପଡ଼ିଥିଲା। ଲୋହିତ ସାଗର ପ୍ରଦେଶର ଗଭର୍ଣ୍ଣର ଅମର ହାନାଫି କହିଛନ୍ତି ଯେ ଡ୍ରିଲିଂ ଜାହାଜ ବୁଡ଼ିଯିବା ସମୟରେ ଏଥିରେ ୩୦ ଜଣ କର୍ମଚାରୀ ଥିଲେ। ଉଦ୍ଧାରକାରୀ ଦଳ ୪ଜଣଙ୍କ ମୃତଦେହ ଉଦ୍ଧାର କରିବା ସହ ୨୨ ଜଣଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଛନ୍ତି। ଇଜିପ୍ଟ ନୌସେନାର ଜାହାଜମାନେ ସର୍ଚ୍ଚ ଆଣ୍ଡ୍ ରେସ୍କ୍ୟୁ ପ୍ରୟାସରେ ସାମିଲ ହୋଇଛନ୍ତି, ଯେଉଁମାନେ ଏବେ ବି ନିଖୋଜ ୪ ଜଣ କ୍ରୁମ୍ୟାନ୍ଙ୍କୁ ଖୋଜାଖୋଜି କରୁଛନ୍ତି। କେଉଁ କାରଣରୁ ଜାହାଜଟି ବୁଡ଼ିଗଲା ତାହା ସ୍ପଷ୍ଟ ହୋଇ ନ ଥିବା ବେଳେ କର୍ତ୍ତୃପକ୍ଷ ତଦନ୍ତ ଜାରି ରଖିଥିବା କହିଛନ୍ତି। ସୁଏଜ୍ କେନାଲଠାରୁ ପ୍ରାୟ ୩୦୦ କିଲୋମିଟର ଦକ୍ଷିଣରେ ଥିବା ଇଜିପ୍ଟର ପ୍ରମୁଖ ତୈଳ ଉତ୍ପାଦନ ସ୍ଥଳ ଗାବେଲ୍ ଏଲ୍-ଜେଇଟ୍ ନାମକ ଅଞ୍ଚଳରେ ଏହି ଦୁର୍ଘଟଣା ଘଟିଛି ବୋଲି ମନ୍ତ୍ରଣାଳୟ ଏକ ବିବୃତିରେ କହିଛି।
