ତିନି ଦିନରେ ୧୬୦ କିମି ଦୌଡ଼ି କାର୍ଗିଲ ବିଜୟ ଦିବସ ପାଳିଲେ ମହିଳା ସେନାଧିକାରୀ
ମୁମ୍ବାଇ: ଜଣେ ପୂର୍ବତନ ମହିଳା ସେନାଧିକାରୀ ଲେଫ୍ଟନାଣ୍ଟ କର୍ଣ୍ଣେଲ୍ ବର୍ଷା ରାୟ ଶ୍ରୀନଗର ଠାରୁ ଦ୍ରାସ ପର୍ଯ୍ୟନ୍ତ ୬ହଜାର ଫୁଟରୁ ଅଧିକ ଉଚ୍ଚତାରେ ୧୬୦ କିମି ଦୌଡ଼ି କାର୍ଗିଲ୍ ବିଜୟର ୨୫ ବର୍ଷ ପୂର୍ତ୍ତି ପାଳନ କରିଛନ୍ତି। ଏହି ଦୌଡ଼ ଶେଷ ହେବା ପରେ ରାୟ ଗଣମାଧ୍ୟମକୁ କହିଛନ୍ତି, ତାଙ୍କର ଏହି ଦୌଡ଼ ଦେଶ ପାଇଁ ବଳିଦାନ ଦେଇଥିବା ବୀର ଯବାନଙ୍କ ଉଦ୍ଦେଶ୍ୟରେ ଅଟେ। ଲେଫ୍ଟନାଣ୍ଟ କର୍ଣ୍ଣେଲ୍ ବର୍ଷା ରାୟ କଶ୍ମୀରରେ ସେନାଧିକାରୀ ଭାବେ କାର୍ଯ୍ୟ କରୁଥିଲେ। […]
ମୁମ୍ବାଇ: ଜଣେ ପୂର୍ବତନ ମହିଳା ସେନାଧିକାରୀ ଲେଫ୍ଟନାଣ୍ଟ କର୍ଣ୍ଣେଲ୍ ବର୍ଷା ରାୟ ଶ୍ରୀନଗର ଠାରୁ ଦ୍ରାସ ପର୍ଯ୍ୟନ୍ତ ୬ହଜାର ଫୁଟରୁ ଅଧିକ ଉଚ୍ଚତାରେ ୧୬୦ କିମି ଦୌଡ଼ି କାର୍ଗିଲ୍ ବିଜୟର ୨୫ ବର୍ଷ ପୂର୍ତ୍ତି ପାଳନ କରିଛନ୍ତି। ଏହି ଦୌଡ଼ ଶେଷ ହେବା ପରେ ରାୟ ଗଣମାଧ୍ୟମକୁ କହିଛନ୍ତି, ତାଙ୍କର ଏହି ଦୌଡ଼ ଦେଶ ପାଇଁ ବଳିଦାନ ଦେଇଥିବା ବୀର ଯବାନଙ୍କ ଉଦ୍ଦେଶ୍ୟରେ ଅଟେ। ଲେଫ୍ଟନାଣ୍ଟ କର୍ଣ୍ଣେଲ୍ ବର୍ଷା ରାୟ କଶ୍ମୀରରେ ସେନାଧିକାରୀ ଭାବେ କାର୍ଯ୍ୟ କରୁଥିଲେ। ସେ ନିଜର ଦୌଡ଼ ଜୁଲାଇ ୧୯ ତାରିଖରେ ଶ୍ରୀନଗର ଠାରୁ ଆରମ୍ଭ କରିଥିଲେ ଓ ଜୁଲାଇ ୨୨ ତାରିଖରେ ଏହା ଶେଷ ହୋଇଥିଲା। ତାଙ୍କର ଏହି ଦୀର୍ଘ ପଥର ଦୌଡ଼ରେ ଚିନାର୍ ୱାରିୟର୍ସ ମାରାଥନ ଟିମ୍ର ସଦସ୍ୟମାନେ ଯୋଗ ଦେଇଥିଲେ। ଅନ୍ତିମ ଦିବସରେ ଦ୍ରାସ୍ ସେକ୍ଟରରେ ଥିବା କାର୍ଗିଲ୍ ଯୁଦ୍ଧ ସ୍ମାରକୀରେ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ। ଲେଫ୍ଟନାଣ୍ଟ କର୍ଣ୍ଣେଲ୍ ବର୍ଷା ରାୟ ଦୈନିକ ୪୦ କିମି ଦୌଡ଼ୁଥିଲେ। ଦ୍ବିତୀୟ ଦିବସରେ ସେ ଉସାନ୍ରୁ ୯ହଜାର ଫୁଟ ଉଚ୍ଚତାରେ ଥିବା ସୋନ୍ମାର୍ଗରେ ପହଞ୍ଚିଥିଲେ ଏବଂ ତୃତୀୟ ଦିବସରେ ୧୧୬୪୯ ଫୁଟ ଉଚ୍ଚ ଜୋଜିଲା ପାସ୍ରେ ପହଞ୍ଚିଥିଲେ। ଶ୍ରୀନଗର-ଲେହ ଜାତୀୟ ରାଜପଥ ଦେଇ ଲଦାଖର ମାତାୟେନ୍ ଓ ଚତୁର୍ଥ ଦିବସରେ ଦ୍ରାସ ପହଞ୍ଚିଥିଲେ।
