‘ଜି-୨୦’ ଟିମ୍ ସହ କଥା ହେଲେ ମୋଦୀ, ସଫଳତାର ସମସ୍ତ ଶ୍ରେୟ ଟିମ୍କୁ ଦେଲେ
ନୂଆଦିଲ୍ଲୀ: ସେପ୍ଟେମ୍ବର ୯ ତାରିଖରେ ଭାରତ ଅଧ୍ୟକ୍ଷତାରେ ଭାରତ ମଣ୍ଡପମରେ ଅନୁଷ୍ଠିତ ଜି-୨୦ ସମ୍ମିଳନୀରେ ସମ୍ପୃକ୍ତ କର୍ମଚାରୀମାନଙ୍କ ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କଥା ହୋଇଛନ୍ତି। ଜି-୨୦ କାର୍ଯ୍ୟସ୍ଥଳ ଭାରତ ମଣ୍ଡପମରେ ଅଂଶବିଶେଷ ପ୍ରାୟ ୩ ହଜାର ଭାରତୀୟଙ୍କୁ ଉଦ୍ବୋଧନ ଦେଇ ମୋଦୀ କହିଛନ୍ତି, ଜି-୨୦ ସଫଳତାର ସମସ୍ତ ଶ୍ରେୟ ଆପଣମାନଙ୍କ ପାଖକୁ ଯାଉଛି। ପ୍ରଧାନମନ୍ତ୍ରୀ କହିଛନ୍ତି, ମୁଁ ଆପଣମାନଙ୍କଠାରୁ ସାମାନ୍ୟ ବଡ଼ ଶ୍ରମିକ ହୋଇପାରେ, କିନ୍ତୁ ଆମେ ସମସ୍ତେ ଶ୍ରମିକ ଏବଂ ଆଜିର କାର୍ଯ୍ୟକ୍ରମ ହେଉଛି […]
ନୂଆଦିଲ୍ଲୀ: ସେପ୍ଟେମ୍ବର ୯ ତାରିଖରେ ଭାରତ ଅଧ୍ୟକ୍ଷତାରେ ଭାରତ ମଣ୍ଡପମରେ ଅନୁଷ୍ଠିତ ଜି-୨୦ ସମ୍ମିଳନୀରେ ସମ୍ପୃକ୍ତ କର୍ମଚାରୀମାନଙ୍କ ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କଥା ହୋଇଛନ୍ତି। ଜି-୨୦ କାର୍ଯ୍ୟସ୍ଥଳ ଭାରତ ମଣ୍ଡପମରେ ଅଂଶବିଶେଷ ପ୍ରାୟ ୩ ହଜାର ଭାରତୀୟଙ୍କୁ ଉଦ୍ବୋଧନ ଦେଇ ମୋଦୀ କହିଛନ୍ତି, ଜି-୨୦ ସଫଳତାର ସମସ୍ତ ଶ୍ରେୟ ଆପଣମାନଙ୍କ ପାଖକୁ ଯାଉଛି। ପ୍ରଧାନମନ୍ତ୍ରୀ କହିଛନ୍ତି, ମୁଁ ଆପଣମାନଙ୍କଠାରୁ ସାମାନ୍ୟ ବଡ଼ ଶ୍ରମିକ ହୋଇପାରେ, କିନ୍ତୁ ଆମେ ସମସ୍ତେ ଶ୍ରମିକ ଏବଂ ଆଜିର କାର୍ଯ୍ୟକ୍ରମ ହେଉଛି ଶ୍ରମିକ ଏକତା ଜିନ୍ଦାବାଦ କାର୍ଯ୍ୟକ୍ରମ। ଆପଣଙ୍କ ଅନୁଭୂତିକୁ ସାଇତି ରଖିବାପାଇଁ ମୁଁ ଅନୁରୋଧ କରୁଛି। ପରବର୍ତ୍ତୀ କାର୍ଯ୍ୟକ୍ରମ ପାଇଁ ଏହା ଏକ ନିର୍ଦ୍ଦେଶାବଳି ହୋଇ ରହିବ ବୋଲି ସେ କହିଛନ୍ତି। ମୋଦୀ ମଧ୍ୟ ଜି-୨୦ ଟିମ୍କୁ ସେମାନଙ୍କୁ ଅନୁଭୂତି ସାଇତି ରଖିବାପାଇଁ ଏକ ୱେବସାଇଟ୍ ଖୋଲିବାକୁ କହିଛନ୍ତି। ମୋଦୀ କହିଛନ୍ତି, ସମସ୍ତେ ନିଜ ନିଜ ଭାଷାରେ ଲେଖିପାରିବେ। ଚାଲେଞ୍ଜକୁ ଆପଣମାନେ କିଭଳି ସାମ୍ନା କରିଛନ୍ତି ତାହା ୧୦୦ ପୃଷ୍ଠାରେ ଲେଖିହେବ ଏବଂ ଏହାକୁ କପ୍ବୋର୍ଡରେ ରଖିବା ବଦଳରେ କ୍ଲାଉଡ୍ରେ ରଖିହେବ।
