କୁହୁଡ଼ି ପାଇଁ ଦିଲ୍ଲୀ ବିମାନବନ୍ଦରରେ ୩୦ ବିମାନ ବିଳମ୍ବ, ୧୨ଟି ବିମାନର ଗତିପଥ ପରିବର୍ତ୍ତନ
ନୂଆଦିଲ୍ଲୀ: ଲଗାତାର ତୃତୀୟ ଦିନ ପାଇଁ ଜାତୀୟ ରାଜଧାନୀ ଦିଲ୍ଲୀରେ ଘନ କୁହୁଡ଼ି ଲାଗି ରହିଥିବାରୁ ୩୦ଟି ବିମାନ ବିଳମ୍ବ ଅଛି। ଦିଲ୍ଲୀ ବିମାନବନ୍ଦର ଯାତ୍ରୀମାନଙ୍କୁ ବିମାନ ବିଳମ୍ବ ନେଇ ସତର୍କ କରାଯାଇଛି। ଦିଲ୍ଲୀ ଏୟାରପୋର୍ଟ ଫ୍ଲାଇଟ୍ ଇନ୍ଫର୍ମେସନ୍ ଡିସପ୍ଲେ ସିଷ୍ଟମ୍ ତଥ୍ୟ ଅନୁଯାୟୀ, ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରରେ ପ୍ରାୟ ୩୦ଟି ବିମାନ ଆସିବା ଓ ଯିବାରେ ବିଳମ୍ବ ହେଉଥିବା ବେଳେ ଜୟପୁରକୁ ୧୧ଟି ଏବଂ ଲକ୍ଷ୍ନୌକୁ ଗୋଟିଏ ବିମାନ ଡାଇଭର୍ଟ କରାଯାଇଛି। ଦିଲ୍ଲୀ ବିମାନବନ୍ଦର […]
ନୂଆଦିଲ୍ଲୀ: ଲଗାତାର ତୃତୀୟ ଦିନ ପାଇଁ ଜାତୀୟ ରାଜଧାନୀ ଦିଲ୍ଲୀରେ ଘନ କୁହୁଡ଼ି ଲାଗି ରହିଥିବାରୁ ୩୦ଟି ବିମାନ ବିଳମ୍ବ ଅଛି। ଦିଲ୍ଲୀ ବିମାନବନ୍ଦର ଯାତ୍ରୀମାନଙ୍କୁ ବିମାନ ବିଳମ୍ବ ନେଇ ସତର୍କ କରାଯାଇଛି। ଦିଲ୍ଲୀ ଏୟାରପୋର୍ଟ ଫ୍ଲାଇଟ୍ ଇନ୍ଫର୍ମେସନ୍ ଡିସପ୍ଲେ ସିଷ୍ଟମ୍ ତଥ୍ୟ ଅନୁଯାୟୀ, ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରରେ ପ୍ରାୟ ୩୦ଟି ବିମାନ ଆସିବା ଓ ଯିବାରେ ବିଳମ୍ବ ହେଉଥିବା ବେଳେ ଜୟପୁରକୁ ୧୧ଟି ଏବଂ ଲକ୍ଷ୍ନୌକୁ ଗୋଟିଏ ବିମାନ ଡାଇଭର୍ଟ କରାଯାଇଛି। ଦିଲ୍ଲୀ ବିମାନବନ୍ଦର ପକ୍ଷରୁ ଯାତ୍ରୀଙ୍କ ପାଇଁ ଏକ ନିର୍ଦ୍ଦେଶାବଳି ଜାରି କରି କୁହାଯାଇଛି ଯେ ବିମାନବନ୍ଦରରେ ଅବତରଣ ଓ ଉଡ଼ାଣ ଜାରି ରହିଥିବା ବେଳେ ସିଏଟି-୩ ସୁବିଧା ନ ଥିବା ବିମାନଗୁଡ଼ିକ ପ୍ରଭାବିତ ହୋଇପାରେ। ସିଏଟି-୩ ଯନ୍ତ୍ର ହେଉଛି ଏକ ଆଣ୍ଟି-ଫଗ୍ ଲ୍ୟାଣ୍ଡିଂ ସିଷ୍ଟମ୍ ଯାହା ଖରାପ ଦୃଶ୍ୟମାନ ହେଉଥିବା ସମୟରେ ବ୍ୟବହାର କରାଯାଏ। ବିମାନର ଅପଡେଟ୍ ସୂଚନା ପାଇଁ ସଂପୃକ୍ତ ଏୟାର୍ଲାଇନ୍ସ ସହ ଯୋଗାଯୋଗ କରିବାକୁ ଯାତ୍ରୀମାନଙ୍କୁ ଅନୁରୋଧ କରାଯାଇଛି। ଏହା ପୂର୍ବରୁ ସୋମବାର ଦିଲ୍ଲୀ ବିମାନବନ୍ଦରରୁ ୮ଟି ବିମାନକୁ ଡାଇଭର୍ଟ କରାଯାଇଥିଲା।
