ଇସ୍ରାଏଲରେ ବାଲିଷ୍ଟିକ କ୍ଷେପଣାସ୍ତ୍ର ମାଡ଼ କଲା ଇରାନ, ଜେରୁଜେଲମରେ ବିସ୍ଫୋରଣ
ତେଲ ଅଭିଭ : ଆମେରିକା ଇରାନର ତିନୋଟି ପ୍ରମୁଖ ପରମାଣୁ ପ୍ରତିଷ୍ଠାନକୁ ଟାର୍ଗେଟ କରି ସଠିକ୍ ଆକ୍ରମଣ କରିବାର ଗୋଟିଏ ଦିନ ପରେ ସୋମବାର ଇରାନ ଇସ୍ରାଏଲ ଉପରେ ପୁଣି ବାଲିଷ୍ଟିକ୍ କ୍ଷେପଣାସ୍ତ୍ର ମାଡ଼ କରିଛି। ଜେରୁଜଲେମରେ ପ୍ରଚଣ୍ଡ ବିସ୍ଫୋରଣ ଶବ୍ଦ ଶୁଣିବାକୁ ମିଳିଛି। ଉତ୍ତର ଇସ୍ରାଏଲରେ ସାଇରନ ବାଜିଛି। ଟାଇମ୍ସ ଅଫ୍ ଇସ୍ରାଏଲ ଅନୁଯାୟୀ , ଇରାନ ପ୍ରାୟ ୧୫ ବାଲିଷ୍ଟିକ୍ କ୍ଷେପଣାସ୍ତ୍ର ନିକ୍ଷେପ କରିଥିଲା, ଯାହା ମଧ୍ୟରୁ କିଛି ସିଧାସଳଖ ଇସ୍ରାଏଲୀ ଅଞ୍ଚଳ ଉପରେ […]
ତେଲ ଅଭିଭ : ଆମେରିକା ଇରାନର ତିନୋଟି ପ୍ରମୁଖ ପରମାଣୁ ପ୍ରତିଷ୍ଠାନକୁ ଟାର୍ଗେଟ କରି ସଠିକ୍ ଆକ୍ରମଣ କରିବାର ଗୋଟିଏ ଦିନ ପରେ ସୋମବାର ଇରାନ ଇସ୍ରାଏଲ ଉପରେ ପୁଣି ବାଲିଷ୍ଟିକ୍ କ୍ଷେପଣାସ୍ତ୍ର ମାଡ଼ କରିଛି। ଜେରୁଜଲେମରେ ପ୍ରଚଣ୍ଡ ବିସ୍ଫୋରଣ ଶବ୍ଦ ଶୁଣିବାକୁ ମିଳିଛି। ଉତ୍ତର ଇସ୍ରାଏଲରେ ସାଇରନ ବାଜିଛି। ଟାଇମ୍ସ ଅଫ୍ ଇସ୍ରାଏଲ ଅନୁଯାୟୀ , ଇରାନ ପ୍ରାୟ ୧୫ ବାଲିଷ୍ଟିକ୍ କ୍ଷେପଣାସ୍ତ୍ର ନିକ୍ଷେପ କରିଥିଲା, ଯାହା ମଧ୍ୟରୁ କିଛି ସିଧାସଳଖ ଇସ୍ରାଏଲୀ ଅଞ୍ଚଳ ଉପରେ ପ୍ରଭାବ ପକାଇଥିଲା। ଆମେରିକା ଇରାନ ବିରୁଦ୍ଧରେ ଇସ୍ରାଏଲର ସାମରିକ ଅଭିଯାନରେ ଯୋଗ ଦେବା ଏବଂ ଇସଲାମିକ ଗଣରାଜ୍ୟର ତିନୋଟି ପରମାଣୁ ସ୍ଥାନ ଫୋର୍ଡୋ, ନାଟାଞ୍ଜ ଏବଂ ଇସଫାହା ଉପରେ ବୋମା ପକାଇବା ପାଇଁ ସଠିକ ବିମାନ ଆକ୍ରମଣ କରିବା ପରେ ମଧ୍ୟପ୍ରାଚ୍ୟରେ ଉତ୍ତେଜନା ବୃଦ୍ଧି ପାଇଛି। ସୋମବାର ଦିନ ଇସ୍ରାଏଲୀ ସେନା ସାଧାରଣ ଲୋକଙ୍କୁ ସୁରକ୍ଷିତ ସ୍ଥାନରେ ରହିବାକୁ ନିର୍ଦ୍ଦେଶ ଦେଇଛି। କାରଣ ଇରାନରୁ ଅନେକ ବାଲିଷ୍ଟିକ୍ କ୍ଷେପଣାସ୍ତ୍ର ନିକ୍ଷେପ ପରେ ସାରା ଦେଶରେ ସାଇରନ ବାଜିଥିଲା । ଇରାନରୁ ଇସ୍ରାଏଲ ରାଜ୍ୟ ଆଡ଼କୁ ନିକ୍ଷେପ କରାଯାଇଥିବା କ୍ଷେପଣାସ୍ତ୍ର ଚିହ୍ନଟ ହେବା ପରେ ଇସ୍ରାଏଲର ବିଭିନ୍ନ ଅଞ୍ଚଳରେ ସାଇରନ ବାଜିଥିଲା ବୋଲି ଆଇଡିଏଫ୍ ଏକ ବିବୃତ୍ତିରେ କହିଛି ।
