ଆଣ୍ଟି ରାବିଜ୍‌ ଟୀକା ସତ୍ତ୍ୱେ କେରଳରେ ନାବାଳିକାଙ୍କ ମୃତ୍ୟୁ

ଥିରୁବନନ୍ତପୁରମ୍‌: କେରଳର ଜଣେ ସାତ ବର୍ଷୀୟ ବାଳିକା ଆଣ୍ଟି-ରାବିଜ୍ ଟୀକାକରଣ ଗ୍ରହଣ କରିବା ସତ୍ତ୍ୱେ ରାବିଜ୍ ସଂକ୍ରମଣରେ ମୃତ୍ୟୁବରଣ କରିଛି। କୋଲାମ ଜିଲ୍ଲାର ପଠାଣପୁରମର ମୂଳ ବାସିନ୍ଦା ନିଆ ଫୈସଲଙ୍କ ତିରୁବନନ୍ତପୁରମର ସରକାରୀ ମେଡିକାଲ କଲେଜର ବିଶେଷଜ୍ଞ ଆନାସ୍ଥେସିଆ ଚିକିତ୍ସା ଶାଖାରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି। ଗତ ମାସ ମଧ୍ୟରେ ରାଜ୍ୟରେ ରାବିଜ୍ ଯୋଗୁଁ ତୃତୀୟ ଶିଶୁର ମୃତ୍ୟୁ ଘଟିଛି।
ହସ୍ପିଟାଲର ଡାକ୍ତରମାନେ କହିଛନ୍ତି ଯେ ନିଆଙ୍କ କ୍ଷତ ଗଭୀର ଥିଲା ଏବଂ ଯେଉଁଠାରେ ସ୍ନାୟୁ ଘନ ଥିଲା। ଏହି ପିଲାଟିକୁ ଏପରି ଏକ ସ୍ଥାନରେ କୁକୁର କାମୁଡ଼ିଥିଲା ଯେଉଁଠାରେ ବଡ଼ ସ୍ନାୟୁ ଅଛି। ତେଣୁ ଯଦି ଏହା ସ୍ନାୟୁରେ ପ୍ରବେଶ କରେ, ତେବେ ଟୀକା ପ୍ରଭାବ ଦେଖାଇବା ପୂର୍ବରୁ ଏହା ମସ୍ତିଷ୍କକୁ ପ୍ରଭାବିତ କରିବ। ରାବିଜ୍ ଏକ ଭାଇରସ ଯାହା ସ୍ନାୟୁ ମାଧ୍ୟମରେ ମସ୍ତିଷ୍କ ଏବଂ ମେରୁଦଣ୍ଡରେ ପ୍ରବେଶ କରେ। ଯଦି ପିଲାମାନଙ୍କ ସ୍ନାୟୁର ଘନତା ଅଧିକ ଥିବା ସ୍ଥାନ ଯେପରିକି ବେକ, ମୁହଁ କିମ୍ବା ହାତକୁ କୁକୁର କାମୁଡି ଥାଏ, ଭାଇରସ୍‌ ସିଧାସଳଖ ସ୍ନାୟୁରେ ପହଞ୍ଚିବାର ସମ୍ଭାବନା ଅଧିକ ବୋଲି ଡାକ୍ତରମାନେ କହିଛନ୍ତି।
ନିଆ ଏପ୍ରିଲ ୮ ତାରିଖରେ ଘର ବାହାରେ ଖେଳୁଥିବା ସମୟରେ ଏକ ବୁଲା କୁକୁର ତାଙ୍କୁ ଆକ୍ରମଣ କରିଥିଲା। ତାଙ୍କୁ ତୁରନ୍ତ ସ୍ଥାନୀୟ ଡାକ୍ତରଖାନାକୁ ନିଆଯାଇଥିଲା, ଯେଉଁଠାରେ ତାଙ୍କୁ ପରବର୍ତ୍ତୀ କିଛି ସପ୍ତାହ ମଧ୍ୟରେ ତିନି ଡୋଜ୍ ଆଣ୍ଟି-ରାବିଜ୍ ଟୀକା ଦିଆଯାଇଥିଲା। କିନ୍ତୁ, ପରେ ତାଙ୍କୁ ଜ୍ୱର ହୋଇଥିଲା ଏବଂ ରେବିଜ୍ ହୋଇଥିବା ନିଶ୍ଚିତ ହୋଇଥିଲା। ପରବର୍ତ୍ତୀ ସମୟରେ ତାଙ୍କୁ ଅଧିକ ଚିକିତ୍ସା ପାଇଁ ତିରୁବନନ୍ତପୁରମର ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା।