ଆଇନଜୀବୀଙ୍କ ସାର୍ଟିଫିକେଟ ଯାଞ୍ଚ ପାଇଁ ଗଠନ ହେଲା ୮ଜଣିଆ କମିଟି
ନୂଆଦିଲ୍ଲୀ : ଆଇନଜୀବୀମାନଙ୍କ ଡିଗ୍ରି ଓ ସାର୍ଟିଫିକେଟ ଯାଞ୍ଚ ହେବ। ସୁପ୍ରିମକୋର୍ଟ ଅବସରପ୍ରାପ୍ତ ବିଚାରପତି ଦୀପକ ଗୁପ୍ତାଙ୍କ ଅଧ୍ୟକ୍ଷତାରେ ଗଠିତ ଆଠ ଜଣିଆ କମିଟିଏହାର ତଦାରଖ କରିବେ। ଆଇନଜୀବୀ ଅଜୟ ଶଙ୍କର ଶ୍ରୀବାସ୍ତବଙ୍କ ପିଟିସନର ଶୁଣାଣି କରି ସୁପ୍ରିମକୋର୍ଟ ପ୍ରଧାନ ବିଚାରପତି ଡି.ୱାଇ ଚନ୍ଦ୍ରଚୂଡ଼, ବିଚାରପତି ପି.ଏସ୍ ନରସିଂହ ଓ ବିଚାରପତି ଜଷ୍ଟିସ୍ ଜେ.ବି ପର୍ଦିୱାଲାଙ୍କୁ ନେଇ ଗଠିତ ଖଣ୍ଡପୀଠ ଏହି ନିର୍ଦ୍ଦେଶ ଦେଇଛନ୍ତି। ଗଠିତ ଆଠ ଜଣିଆ କମିଟିରେ ଜଷ୍ଟିସ ଗୁପ୍ତାଙ୍କ ସହ ଆହ୍ଲାବାଦ ହାଇକୋର୍ଟର […]
ନୂଆଦିଲ୍ଲୀ : ଆଇନଜୀବୀମାନଙ୍କ ଡିଗ୍ରି ଓ ସାର୍ଟିଫିକେଟ ଯାଞ୍ଚ ହେବ। ସୁପ୍ରିମକୋର୍ଟ ଅବସରପ୍ରାପ୍ତ ବିଚାରପତି ଦୀପକ ଗୁପ୍ତାଙ୍କ ଅଧ୍ୟକ୍ଷତାରେ ଗଠିତ ଆଠ ଜଣିଆ କମିଟିଏହାର ତଦାରଖ କରିବେ। ଆଇନଜୀବୀ ଅଜୟ ଶଙ୍କର ଶ୍ରୀବାସ୍ତବଙ୍କ ପିଟିସନର ଶୁଣାଣି କରି ସୁପ୍ରିମକୋର୍ଟ ପ୍ରଧାନ ବିଚାରପତି ଡି.ୱାଇ ଚନ୍ଦ୍ରଚୂଡ଼, ବିଚାରପତି ପି.ଏସ୍ ନରସିଂହ ଓ ବିଚାରପତି ଜଷ୍ଟିସ୍ ଜେ.ବି ପର୍ଦିୱାଲାଙ୍କୁ ନେଇ ଗଠିତ ଖଣ୍ଡପୀଠ ଏହି ନିର୍ଦ୍ଦେଶ ଦେଇଛନ୍ତି। ଗଠିତ ଆଠ ଜଣିଆ କମିଟିରେ ଜଷ୍ଟିସ ଗୁପ୍ତାଙ୍କ ସହ ଆହ୍ଲାବାଦ ହାଇକୋର୍ଟର ଅବସରପ୍ରାପ୍ତ ବିଚାରପତି ଅରୁଣ ଟଣ୍ଡନ, ଦିଲ୍ଲୀ ହାଇକୋର୍ଟର ପୂର୍ବତନ ମୁଖ୍ୟ ବିଚାରପତି ରାଜେନ୍ଦ୍ର ମେନନ, ବରିଷ୍ଠ ଆଇନଜୀବୀ ରାକେଶ ଦ୍ବିବେଦୀ ଓ ମନିନ୍ଦର ସିଂହ ଏବଂ ବାର କାଉନସିଲ୍ ଅଫ ଇଣ୍ଡିଆ (ବିସିଆଇ) ଦ୍ବାରା ମନୋନୀତ ତିନି ଆଇନଜୀବୀ ଏଥିରେ ସାମିଲ ହେବେ। ୨୦୨୩ ଅଗଷ୍ଟ ୩୧ ସୁଦ୍ଧା କମିଟି ଷ୍ଟାଟସ୍ ରିପୋର୍ଟ ଦାଖଲ କରିବେ ବୋଲି ଶୁଣାଣି ବେଳେ କୁହାଯାଇଛି।
