ଖୁବ ଉପକାରୀ ଘିକୁଆଁରୀ

ଘିକୁଆଁରୀ ରସ ଶରୀର ପାଇଁ ଏକ ପ୍ରାକୃତିକ ଉପହାର ସଦୃଶ। ଏଥିରେ ଭରପୂର ମାତ୍ରାରେ ଭିଟାମିନ୍, ମିନେରାଲ୍ସ ଏବଂ ଆଣ୍ଟି-ଅକ୍ସିଡାଣ୍ଟ ରହିଥାଏ ଯାହା ଆମକୁ ବିଭିନ୍ନ ଉପାୟରେ ସହାୟକ ହୋଇଥାଏ । ଏହାକୁ ଆମେ ବିଭିନ୍ନ ଉପାୟରେ ପ୍ରତିଦିନ ବ୍ୟବହାର କରିପାରିବା । ଶରୀରକୁ ସୁସ୍ଥ ରଖିବା ସହିତ ଏହା ଆମର ସୌନ୍ଦର୍ଯ୍ୟ ପାଇଁ ମଧ୍ୟ ଲାଭଦାୟକ ହୋଇଥାଏ ।

୧. ହଜମ ପ୍ରକ୍ରିୟାରେ ସହାୟକ :

ଘିକୁଆଁରୀ ରସ ପିଇବା ଦ୍ୱାରା ପେଟ ସମ୍ବନ୍ଧୀୟ ସମସ୍ୟାରୁ ମୁକ୍ତି ମିଳିଥାଏ। ଏଥିରେ ଥିବା ଏଞ୍ଜାଇମ୍‌ ଗୁଡ଼ିକ ଶର୍କରା ଏବଂ ଚର୍ବିକୁ ବିଘଟନ କରିବାରେ ସାହାଯ୍ୟ କରନ୍ତି, ଯାହା ଫଳରେ ହଜମ ପ୍ରକ୍ରିୟା ସହଜ ହୁଏ। ଯଦି ଆପଣଙ୍କର କୋଷ୍ଠକାଠିନ୍ୟ ସମସ୍ୟା ଅଛି, ତେବେ ଏହା ପେଟ ସଫା କରିବାରେ ସାହାଯ୍ୟ କରେ।

୨. ସୌନ୍ଦର୍ଯ୍ୟ ବୃଦ୍ଧି :

ଏହାକୁ ସୌନ୍ଦର୍ଯ୍ୟ ପାଇଁ ଅମୃତ ବୋଲି ବିବେଚନା କରାଯାଏ। ଘିକୁଆଁରୀ ରସ ଚର୍ମକୁ ଭିତରୁ ହାଇଡ୍ରେଟ୍ ରଖେ, ଯାହା ଫଳରେ ବ୍ରଣ, ଦାଗ  ଓ ରିଙ୍କଲ୍ସ ଆଦି କମିଥାଏ। ଏହା କେଶର ମୂଳକୁ ମଧ୍ୟ ଶକ୍ତ କରେ, ଯାହା ଦ୍ୱାରା କେଶ ଝଡ଼ିବା କମିଥାଏ ଏବଂ କେଶରେ ଚମକ ଦେଖାଯାଏ।

୩.  ଡିଟକ୍ସିଫାଏ  କରିଥାଏ :

ଆମ ଶରୀରରେ ଜମି ରହିଥିବା ବିଷାକ୍ତ ପଦାର୍ଥ ବା ଟକ୍ସିନ୍‌କୁ ବାହାର କରିବାରେ ଏହା ଖୁବ୍ ପ୍ରଭାବଶାଳୀ। ଏହା ଯକୃତର କାର୍ଯ୍ୟଦକ୍ଷତା ବଢ଼ାଇଥାଏ। ଯେତେବେଳେ ଶରୀର ଭିତରୁ ସଫା ରହେ, ସେତେବେଳେ ଆପଣ ଅଧିକ ଫୂର୍ତ୍ତି ଅନୁଭବ କରନ୍ତି।

୪. ରୋଗ ପ୍ରତିରୋଧକ ଶକ୍ତି ବୃଦ୍ଧି :

ଘିକୁଆଁରୀ ରସରେ ଭିଟାମିନ୍ ସି ଏବଂ ଇ ରହିଥାଏ, ଯାହା ଶରୀରର ରୋଗ ପ୍ରତିରୋଧକ ଶକ୍ତିକୁ ବଢ଼ାଇବାରେ ସାହାଯ୍ୟ କରେ। ଏହା ଶରୀରକୁ ବିଭିନ୍ନ ପ୍ରକାରର ସଂକ୍ରମଣ ଏବଂ ରୋଗ ସହ ଲଢ଼ିବା ପାଇଁ ପ୍ରସ୍ତୁତ କରେ। ଏହାକୁ ନିୟମିତ ପିଇବା ଦ୍ୱାରା ବାରମ୍ବାର ଥଣ୍ଡା କିମ୍ବା ଜ୍ୱର ହେବା ଆଶଙ୍କା କମିଥାଏ।

୫. ଓଜନ ହ୍ରାସ କରିବାରେ ସହାୟକ :

ଯଦି ଆପଣ ଓଜନ କମାଇବାକୁ ଚାହୁଁଛନ୍ତି, ତେବେ ଘିକୁଆଁରୀ ରସ ଏକ ଉତ୍ତମ ବିକଳ୍ପ। ଏହା ଶରୀରର ମେଟାବୋଲିଜିମ୍ ହାରକୁ ବଢ଼ାଇଥାଏ, ଯାହା ଫଳରେ ଚର୍ବି ଶୀଘ୍ର ହ୍ରାସ ପାଇଥାଏ। ଏହାସହ ଅନାବଶ୍ୟକ ଭୋକକୁ ନିୟନ୍ତ୍ରଣ କରିବାରେ ସାହାଯ୍ୟ କରେ। ଯାହାଫଳରେ ଓଜନ ନିୟନ୍ତ୍ରଣରେ ରହିଥାଏ ।