ବିଶ୍ୱ ତମ୍ବାଖୁ ବର୍ଜନ ଦିବସ

ପ୍ରତିବର୍ଷ ମେ ୩୧ ତାରିଖକୁ ସାରା ବିଶ୍ୱରେ 'ବିଶ୍ୱ ତମ୍ବାଖୁ ବର୍ଜନ ଦିବସ' ଭାବେ ପାଳନ କରାଯାଇଥାଏ । ଯାହାର ମୁଖ୍ୟ ଉଦ୍ଦେଶ୍ୟ ହେଉଛି ଜନସାଧାରଣଙ୍କୁ ତମ୍ବାଖୁ ସେବନର ଭୟାବହତା ଏବଂ ଏହା ଦ୍ୱାରା ହେଉଥିବା ମାରାତ୍ମକ ରୋଗ ଯେପରିକି କର୍କଟ, ହୃଦରୋଗ ଓ ଶ୍ୱାସକ୍ରିୟା ସମସ୍ୟା ବିଷୟରେ ସଚେତନ କରାଇବା । ତମ୍ବାଖୁ ଜନିତ ମୃତ୍ୟୁସଂଖ୍ୟା ବୃଦ୍ଧିକୁ ରୋକିବା ପାଇଁ ବିଶ୍ୱ ସ୍ୱାସ୍ଥ୍ୟ ସଂଗଠନ ଦ୍ୱାରା ୧୯୮୭ ମସିହାରେ ପ୍ରଥମ କରି ଏକ ପ୍ରସ୍ତାବ ପାରିତ ହୋଇଥିଲା । ପରବର୍ତ୍ତୀ ସମୟରେ ୧୯୮୮ ମସିହାରୁ ପ୍ରତିବର୍ଷ ମେ ୩୧ କୁ ଏହି ବିଶେଷ ଦିବସ ରୂପେ ଘୋଷଣା କରାଗଲା । ଆଜିର ସମୟରେ ଏହି ଦିବସର ଗୁରୁତ୍ୱ ବେଶ୍ ଅଧିକ, କାରଣ ଏହା କେବଳ ଧୂମପାନ କରୁଥିବା ବ୍ୟକ୍ତିଙ୍କୁ ନୁହେଁ, ବରଂ ପରୋକ୍ଷ ଧୂମପାନର ଶିକାର ହେଉଥିବା ନିରୀହ ଶିଶୁ ଓ ପରିବାର ବର୍ଗଙ୍କୁ ସୁରକ୍ଷା ଦେବା ସହ ଏକ ତମ୍ବାଖୁମୁକ୍ତ ସମାଜ ଗଠନ ପାଇଁ ପ୍ରେରଣା ଯୋଗାଇଥାଏ । ଏହି ଅବସରରେ ସାରା ବିଶ୍ୱ ସମେତ ଭାରତର ବିଭିନ୍ନ ସ୍ଥାନରେ ସରକାରୀ ଓ ବେସରକାରୀ ସ୍ତରରେ ବ୍ୟାପକ ସଚେତନତା ଶୋଭାଯାତ୍ରା, ସେମିନାର, ବିଦ୍ୟାଳୟ ଓ କଲେଜଗୁଡ଼ିକରେ ବକ୍ତୃତା ଓ ଚିତ୍ରାଙ୍କନ ପ୍ରତିଯୋଗିତା ଆୟୋଜନ କରାଯାଇଥାଏ । ଏହାସହ ସାମାଜିକ ଗଣମାଧ୍ୟମରେ ବିଭିନ୍ନ କ୍ୟାମ୍ପେନ ଜରିଆରେ ଲୋକଙ୍କୁ ତମ୍ବାଖୁ ବର୍ଜନ କରିବାକୁ ଶପଥ କରାଯାଇଥାଏ, ଯାହାଫଳରେ ଆଗାମୀ ପିଢ଼ିକୁ ଏହି ମାରାତ୍ମକ ନିଶା କବଳରୁ ରକ୍ଷା କରାଯାଇପାରିବ ।