ବିଶ୍ୱ ଚେସ୍ ଦିବସ
ପ୍ରତିବର୍ଷ ଜୁଲାଇ ୨୦ ତାରିଖକୁ ସାରା ବିଶ୍ୱରେ 'ବିଶ୍ୱ ଚେସ୍ ଦିବସ' ଭାବେ ବେଶ୍ ଉତ୍ସାହର ସହ ପାଳନ କରାଯାଏ । ଏହା ମାନସିକ ଦକ୍ଷତା, ଧୈର୍ଯ୍ୟ ଏବଂ ରଣନୀତିର ଏହି ଚମତ୍କାର ଖେଳ ପ୍ରତି ଲୋକଙ୍କୁ ଆକୃଷ୍ଟ କରିଥାଏ । ୧୯୨୪ ମସିହା ଜୁଲାଇ ୨୦ ତାରିଖରେ ଫ୍ରାନ୍ସର ପ୍ୟାରିସ୍ ସହରରେ ଆନ୍ତର୍ଜାତୀୟ ଚେସ୍ ମହାସଂଘ ବା ଫିଡେ ପ୍ରତିଷ୍ଠା ହୋଇଥିଲା ଏବଂ ଏହାର ସ୍ମୃତି ଚାରଣ କରି ପରବର୍ତ୍ତୀ ସମୟରେ ୧୯୬୬ ମସିହାରୁ ୟୁନେସ୍କୋର ସୁପାରିଶ କ୍ରମେ ଏହି ଦିନକୁ ଚେସ୍ ଦିବସ ଭାବେ ପାଳନ କରିବା ଆରମ୍ଭ କରାଗଲା । ଯାହାକୁ ପରବର୍ତ୍ତୀ ସମୟରେ ୨୦୧୯ ମସିହାରେ ମାନ୍ୟବର ମିଳିତ ଜାତିସଂଘ ଦ୍ୱାରା ମଧ୍ୟ ଆନୁଷ୍ଠାନିକ ଭାବେ ଗ୍ରହଣ କରାଯାଇଥିଲା । ଚେସ୍ ଖେଳର ଉତ୍ପତ୍ତି ବିଷୟରେ କହିବାକୁ ଗଲେ, ଏହାର ମୂଳ ଇତିହାସ ଭାରତ ସହିତ ଜଡ଼ିତ, ଯେଉଁଠାରେ ପ୍ରାୟ ପଞ୍ଚମ କିମ୍ବା ଷଷ୍ଠ ଶତାବ୍ଦୀରେ ଗୁପ୍ତ ସାମ୍ରାଜ୍ୟ ସମୟରେ ଏହା 'ଚତୁରଙ୍ଗ' ନାମରେ ଜଣାଶୁଣା ଥିଲା । ପରେ ଏହା ପାରସ୍ୟ ଦେଇ ୟୁରୋପରେ ପହଞ୍ଚିବା ପରେ ଆଧୁନିକ ଚେସ୍ର ରୂପ ନେଇଥିଲା ।
