ଭର୍ସାଟାଇଲ କ୍ୟାରିୟର

ସୁପରଷ୍ଟାର ବିଜୟଙ୍କ ତିନି ଦଶନ୍ଧିର କ୍ୟାରିୟରରେ ସେ ନିଜକୁ ପ୍ରତି ପର୍ଯ୍ୟାୟରେ ପରିବର୍ତ୍ତନ କରି ଏକ ନୂତନ ବିଜୟ ଭାବେ ଉଭା ହୋଇଛନ୍ତି । ସେ ଏପର୍ଯ୍ୟନ୍ତ ପ୍ରାୟ ୬୯ଟି ଚଳଚ୍ଚିତ୍ରରେ ମୁଖ୍ୟ ଭୂମିକାରେ ଅଭିନୟ କରି ସାରିଛନ୍ତି । ୯୦ ଦଶକରେ ଜଣେ 'ରୋମାଣ୍ଟିକ ହିରୋ', ୨୦୦୦ ଦଶକରେ 'ଆକ୍ସନ ଷ୍ଟାର' ଏବଂ ୨୦୧୦ ପରଠାରୁ 'ସୋସିଆଲ ଜଷ୍ଟିସ' ଷ୍ଟାର ଭାବେ ସେ ନିଜର ଏକ ସ୍ୱତନ୍ତ୍ର ଛାପ ପ୍ରସ୍ତୁତ କରିଛନ୍ତି । ତାଙ୍କର ବକ୍ସ ଅଫିସ ସଫଳତା ପ୍ରତି ଦଶନ୍ଧିରେ ପ୍ରାୟ ୧୦ ଗୁଣ ବୃଦ୍ଧି ପାଇଛି । ଯେଉଁଠି ୨୦୦୪ରେ 'ଘିଲ୍ଲି' ୫୦ କୋଟି ଟଙ୍କା ଆୟ କରି ରେକର୍ଡ କରିଥିଲା, ସେଠାରେ ୨୦୧୨ରେ 'ଥୁପାକ୍କି' ୧୨୧ କୋଟି ଏବଂ ୨୦୨୩ରେ 'ଲିଓ'  ୬୦୦ କୋଟିରୁ ଅଧିକ ଟଙ୍କା ଆୟ କରିଛି । ଚଳଚ୍ଚିତ୍ର ସମୀକ୍ଷକ ଆଦିତ୍ୟ ଶ୍ରୀକୃଷ୍ଣଙ୍କ ମତରେ, ସେ ହୁଏତ କମଲ ହାସନ କିମ୍ବା ରଜନୀକାନ୍ତଙ୍କ ଭଳି ବଡ଼ ଅଭିନେତା ନୁହଁନ୍ତି, କିନ୍ତୁ ବକ୍ସ ଅଫିସରେ ଦର୍ଶକ ଏବଂ ପ୍ରଶଂସକଙ୍କୁ ଆକର୍ଷିତ କରିବା ମାମଲାରେ ସେ କାହାଠାରୁ କମ୍ ନୁହଁନ୍ତି । କେବଳ ତାମିଲନାଡୁ ନୁହେଁ ବରଂ ପୁରା ଭାରତରେ ତାଙ୍କର ଫ୍ୟାନମାନେ ରହିଛନ୍ତି ଯେଉଁମାନେ ତାଙ୍କୁ ଜଣେ ଅଭିନେତା ଭାବେ ଖୁବ ଭଲ ପାଇବା ଦେଇଥାଆନ୍ତି । ତାଙ୍କର ପ୍ରତିଟି ଚରିତ୍ର ଓ ଫିଲ୍ମକୁ ଦର୍ଶକ ସବୁବେଳେ ଖୁବ ଅଧିକ ଭଲପାଇବା ଦେଉଥିବାର ଦେଖିବାକୁ ମିଳୁଛି । ତେଣୁ ଯେତେବେଳେ ସେ ଫିଲ୍ମରୁ ସନ୍ୟାସ ଘୋଷଣା କରିଥିଲେ ସେତେବେଳେ ତାଙ୍କ ଫ୍ୟାନଙ୍କୁ ଏହା ଖୁବ ବ୍ୟଥିତ କରିଥିଲା ।