ଫେବୃଆରୀ ମାସକୁ ପ୍ରେମ ମାସ କୁହାଯାଏ I ପ୍ରତିବର୍ଷ ଫେବୃଆରୀ ୧୪ ରେ ଭାଲେଣ୍ଟାଇନ୍ ଡେ ପାଳନ କରାଯାଏ, କିନ୍ତୁ ଭାଲେଣ୍ଟାଇନ୍ ଡେ ପୂର୍ବରୁ ଗୋଟିଏ ସପ୍ତାହ ଧରି ପ୍ରତି ଦିନ ଗୁଡିକୁ ଗୋଟିଏ ଗୋଟିଏ ବିଶେଷ ଦିନ ଭାବରେ ପ୍ରେମୀ ଯୁଗଳ ପାଳନ କରିଥାନ୍ତି I ଏହାକୁ ଭାଲେଣ୍ଟାଇନ୍ସ ସପ୍ତାହ ଭାବେ ନାମିତ କରାଯାଇଛି I ବିଶ୍ୱର ପ୍ରତ୍ୟେକ ପ୍ରେମୀଯୁଗଳ ଏହି ଭାଲେଣ୍ଟାଇନ୍ ସପ୍ତାହକୁ ସ୍ୱତନ୍ତ୍ର ଭବରେ ପାଳନ କରିବାକୁ ପସନ୍ଦ କରିଥାନ୍ତି Iଭାଲେଣ୍ଟାଇନ୍ ସପ୍ତାହରେ ଫେବୃଆରୀ ୭ ରୁ ଆରମ୍ଭ ହୋଇ ଫେବୃଆରୀ ୧୪ ପର୍ଯ୍ୟନ୍ତ ଚାଲିଥାଏ I ଜାଣନ୍ତୁ, ଭାଲେଣ୍ଟାଇନ୍ ସପ୍ତାହରେ କେଉଁ ଦିନ ପାଳନ କରାଯାଏ I
ଫେବୃଆରୀ ୭ ରେ ଗୋଲାପ ଦିବସ
ଭାଲେଣ୍ଟାଇନ୍ ଡେ ସପ୍ତାହର ପ୍ରଥମ ଦିନ ହେଉଛି ଗୋଲାପ ଦିବସ , ଏହାକୁ ୭ ଫେବୃଆରୀରେ ପାଳନ କରାଯାଇଥାଏ I ଏହି ବିଶେଷ ଦିନରେ, ପ୍ରେମୀ ଯୁଗଳ ନାଲି ଗୋଲାପ ଦେଇ ପ୍ରେମ ର ପରିଭାଷା ପ୍ରକାଶ କରିଥାନ୍ତି I ବିବାହିତ ଦମ୍ପତିମାନେ ମଧ୍ୟ ଏହି ଦିନକୁ ନିଜ ଶୈଳୀରେ ପାଳନ କରିଥାନ୍ତି I ଲାଲ୍ ଗୋଲାପ ପ୍ରେମର ପ୍ରତୀକ, ତେଣୁ ଯିଏ ଯାହାକୁ ଭଲ ପାଆନ୍ତି ତାଙ୍କୁ ଗୋଲାପ ଫୁଲ ଦେଇ ଶୁଭେଚ୍ଛା ଜଣାଇଥାନ୍ତି I
ପ୍ରତ୍ୟକ୍ଙ୍କ ଜୀବନ ଗୋଲାପ ଭଳି କୁସୁମିତ ତଥା ସୁଗନ୍ଧିତ ହେବାକୁ ଗୋଲାପ ଦିବସ ରେ ବାର୍ତ୍ତା ଦିଆଯାଇଥାଏ I ଆମେ ଯେଉଁ ସମାଜରେ ବାସ କରୁଛୁ ସେଠାରେ ଆମେ ଅନେକ ସାଂସାରିକ ସମ୍ପର୍କରେ ଆସିଥାଉ I ତେଣୁ ଗୋଲାପ ଦିବସରେ କେବଳ ପ୍ରେମୀ ଯୁଗଳ ନୁହନ୍ତି ଏହା ପ୍ରତ୍ୟକ ବ୍ୟକ୍ତି ଅନ୍ୟ ଜଣଙ୍କ ସହିତ ନିଜର ଥିବା ସୁସମ୍ପର୍କ କୁ ଗୋଲାପ ଫୁଲ ମାଧ୍ୟମରେ ଦେଇ ନିଜର ସ୍ନେହ ପ୍ରକାଶ କରି ପାରିବ I ଆମ ସମ୍ପର୍କକୁ ସୁଦୃଢ କରିବା ପାଇଁ ଗୋଲାପ ଦିବସ ଆମକୁ ଏକ ସୁଯୋଗ ଦେଇଥାଏ I କିନ୍ତୁ ଗୋଲାପ ମଧ୍ୟ ଅନେକ ରଙ୍ଗରେ ରହିଛି ଯାହାକି ପ୍ରତ୍ୟକ ରଙ୍ଗ କିଛି ଖାସ ବାର୍ତ୍ତା ଦେଇଥାଏ :
ଲାଲ ଗୋଲାପ : ପ୍ରେମ ର ସଂକେତ ହୋଇଥାଏ I ନାଲି ଗୋଲାପ ଦେବାର ଅର୍ଥ ହେଉଛି ନିଜ ପ୍ରେମକୁ ପ୍ରକାଶ କରିବା, ଯଦି ତୁମେ କାହାକୁ ବହୁତ ଭଲ ପାଅ ତେବେ ତୁମେ ସେମାନଙ୍କୁ ନାଲି ଗୋଲାପ ଦେଇ ପାରିବ I ପ୍ରେମର ଭାବନାକୁ ପ୍ରକାଶ କରିବା ପାଇଁ ଲାଲ୍ ଗୋଲାପକୁ ଉପଯୁକ୍ତ ମାଧ୍ୟମ ଭାବରେ ବିବେଚନା କରାଯାଏ I
ଧଳା ଗୋଲାପ : ଶାନ୍ତିର ବାର୍ତ୍ତା ଦେଇଥାଏ I ଯଦି ଆପଣଙ୍କର କାହା ସହିତ ମନମାଳିନ୍ୟ ହୋଇଛି ଏବଂ ଯଦି ଆପଣ ସେହି ଜିନିଷକୁ ଶାନ୍ତିପୂର୍ଣ୍ଣ ଭାବରେ ଶେଷ କରିବାକୁ ଚାହୁଁଛନ୍ତି, ତେବେ ଧଳା ଗୋଲାପ ଦେଇପାରିବେ I
ପିଙ୍କ ଗୋଲାପ – ପିଙ୍କ କିମ୍ବା ଗୋଲାପୀ ରଙ୍ଗର ଗୋଲାପ ଦେବା ଅର୍ଥ ଆପଣ କାହାକୁ ଧନ୍ୟବାଦ ଦେବାକୁ ଚାହୁଁଛନ୍ତି | ଯଦି କେହି ଆପଣଙ୍କ ପାଇଁ କିଛି କରିଥିବେ, ତେବେ ଆପଣ ତାଙ୍କୁ ଧନ୍ୟବାଦ ଦେବା ପାଇଁ ଗୋଲାପୀ ଗୋଲାପ ଦେଇପାରିବେ I
କମଳା ଗୋଲାପ – କମଳା ଗୋଲାପ ଦେବାର ଅର୍ଥ ହେଉଛି ତୁମେ ତୁମର ଭାବନାକୁ ପ୍ରକାଶ କରିବାକୁ ଚାହୁଁଛ, କମଳା ଗୋଲାପର ଅର୍ଥ ମଧ୍ୟ ଉତ୍ସାହ ଏବଂ ଆକାଂକ୍ଷା I ଏହି ରଙ୍ଗ ପ୍ରେମରେ ପରସ୍ପର ବିଷୟରେ ଥିବା ଉତ୍ସାହକୁ ସୁଚାଇଥାଏ I
ହଳଦିଆ ଗୋଲାପ – ହଳଦିଆ ଗୋଲାପ ଦେବାର ଅର୍ଥ ହେଉଛି ବନ୍ଧୁତା I ହଳଦିଆ ରଙ୍ଗ ମଧ୍ୟ ସୁଖର ପ୍ରତୀକ ଅଟେ I ତେଣୁ ଗୋଲାପ ଦିବସରେ ଆପଣ ନିଜ ବନ୍ଧୁଙ୍କୁ ହଳଦିଆ ଗୋଲାପ ଦେଇପାରିବେ I
ପିଚ ଗୋଲାପ – ପିଚ ରଙ୍ଗର ଗୋଲାପ ଆପଣଙ୍କ ଆନ୍ତରିକତା ଏବଂ କୃତଜ୍ଞତାର ଭାବନାକୁ ଦର୍ଶାଏ I ଯଦି ଆପଣ ପିଚ ରଙ୍ଗର ଗୋଲାପ ଦିଅନ୍ତି, ତେବେ ଏହା “ଧନ୍ୟବାଦ” ବା ଧନ୍ୟବାଦ କହିବାର ପ୍ରତୀକ ଭାବରେ ବିବେଚନା କରାଯାଏ I
