ନିଆରା ବିବାହ ନିବେଦନ

ସମଗ୍ର ବିଶ୍ୱରେ ଲୋକମାନେ ଆଣ୍ଠୁରେ ବସି ନିଜନିଜର ଭାବି ପନିୀଙ୍କୁ ବିବାହ ପାଇଁ ପ୍ରପୋଜ କରନ୍ତି । ହେଲେ ଚୀନରେ ଏଭଳି ଏକ ଜନଜାତି ପ୍ରଜାତି ବାସ କରୁଛନ୍ତି ଯେଉଁମାନେ ଆଣ୍ଠୁରେ ବସି ନୁହେଁ ହାତକୁ କାମୁଡି ପ୍ରେମ ନିବେଦନ କରିଥାଆନ୍ତି । ହୈନାନ ପ୍ରାନ୍ତରେ ଥିବା ମିୟାଓ ଜନଜାତିର ପୁଅଝିଅମାନେ ଜଣେ ଅନ୍ୟଜଣଙ୍କର ହାତକୁ ଦାନ୍ତରେ କାମୁଡି ପ୍ରେମ ନିବେଦନ କରନ୍ତି । ଯାହାର କାମୁଡିବାର ସଙ୍କେତ ଯେତେ ଅଧିକ ସିଏ ଅନ୍ୟ ଜଣଙ୍କୁ ସେତେ ଅଧିକ ଭଲ ପାଇଥାଆନ୍ତି ବୋଲି ବିବେଚନା କରାଯାଇଥାଏ । ଏହି ପ୍ରଥାର ନାଁୟାଓ ଶୋ ଡିଂ କିଂ ବୋଲି ନାମ ଦିଆଯାଇଥାଏ, ଯାହାର ଅର୍ଥ ହାତକୁ କାଟି ନିଜ ପ୍ରେମ ଉପରେ ମୋହର ମାରିବା । ଏହି ପ୍ରଥାଟି ବର୍ତ୍ତମାନ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଯଦି କାମୁଡିବା ସମୟରେ ରକ୍ତ ବାହାରେ ତେବେ ଏହାକୁ ହଁ ବୋଲି ଧରାଯାଇଥାଏ । ହେଲେ ଯଦି କାମୁଡା ହାଲୁକା ହୋଇଥାଏ ତେବେ ଏହାକୁ ନାଁ ବୋଲି ବିବେଚନା କରାଯାଇଥାଏ । ଏହାପରେ ସେଠାରେ ଏକ ଡେଟିଂ ଚିକେନ ନାମକ ଏକ ପ୍ରଥା ପାଳନ ହୋଇଥାଏ । ଯେଉଁଥିରେ ଝିଅର ପରିବାର ପୁଅ ଘର ପାଇଁ ଚିକେନ ରାନ୍ଧି ଥାଆନ୍ତି । ଯାହାକୁ ନିର୍ବନ୍ଧ ବୋଲି ଧରାଯାଇଥାଏ । ତେବେ ସୋସିଆଲ ମିଡିଆରେ କିଛି ଲୋକ ଏଭଳି ପ୍ରଥାକୁ ସମାଲୋଚନା କରୁଥିବା ଦେଖିବାକୁ ମିଳୁଛି ।