ବଢୁଛି ବ୍ରହ୍ମାଣ୍ଡ

By: Ipsita

ଯେତେବେଳେ ବି ମଣିଷ ଆକାଶକୁ ଦେଖିଥାଏ ସେତେବେଳେ ଗୋଟିଏ ଭାବନା ତା ମୁଣ୍ଡକୁ ଆସିଥାଏ,ଏ ବ୍ରହ୍ମାଣ୍ଡ କେତେବଡ । ବ୍ରହ୍ମାଣ୍ଡର ଆକାରକୁ ନେଇ ଅନେକ ତଥ୍ୟ ବିଭିନ୍ନ ସମୟରେ ସାମନାକୁ ଆସିଥାଏ । ସେହିଭଳି ଏକ ତଥ୍ୟ ଦେଇଛି ନାସାର ହବଲ୍‌ ସ୍ପେସ୍‌ ଟେଲିସ୍କୋପ । ଏହି ଟେଲିସ୍କୋପ ପଠାଇଥିବା ଫଟୋରୁ ଅନୁସନ୍ଧାନ କରି ବୈଜ୍ଞାନିକମାନେ ଏକ ତଥ୍ୟ ବାହାର କରିଛନ୍ତି । ବୈଜ୍ଞାନିକଙ୍କ ଆକଳନ ଅନୁଯାୟୀ ଆସନ୍ତା ୧୦ ବିଲିଅନ ବର୍ଷ ମଧ୍ୟରେ ଆମର ବ୍ରହ୍ମାଣ୍ଡର ଆକାର ଦ୍ୱିଗୁଣ ବଢିବ । ୧୯୨୦ ମସିହାରେ ଏଡ୍‌ଓ୍ୱିନ୍‌ ହବଲ୍‌ଙ୍କ ତଥ୍ୟ ଅନୁସାରେ ବ୍ରହ୍ମାଣ୍ଡ ସ୍ଥିର ନୁହେଁ, ଏହା ବଢୁଛି । ତାଙ୍କର ଏହି ଆକଳନର ପାଖାପାଖି ୧୦୦ ବର୍ଷ ପରେ ପୁଣି ଥରେ ଏନେଇ ଆକଳନ କରାଯାଇଛି । ହବଲଙ୍କ ତଥ୍ୟ ଅନୁସାରେ ଆମ ଗ୍ରହାଣୁ ପୁଞ୍ଜ ବାହାରେ ଅନେକ ଗ୍ରହାଣୁ ପୁଞ୍ଜ ଏବଂ ଛାୟାପଥ ରହିଛି ଯାହା ଧୀରେଧୀରେ ଗତି କରୁଛି । ତେଣୁ ଯଦି ବୈଜ୍ଞାନିକଙ୍କର ଏହି ଆକଳନ ସତ ହୁଏ ତେବେ ଆଗକୁ ବ୍ରହ୍ମାଣ୍ଡର ଆକାରରେ ଏକ ବୃହତ୍ତ ପରିବର୍ତ୍ତନ ଆସିବ ।