ସ୍ୱାଦିଷ୍ଟ ଏବଂ ସ୍ୱାସ୍ଥ୍ୟକର

By: Ipsita

ମକା ସମସ୍ତଙ୍କର ଏକ ପ୍ରିୟ ଖାଦ୍ୟ । ବର୍ଷା ଦିନ ଆସିଲେ ଏହାକୁ ଖାଇବାର ଲାଳସା ଆହୁରି ବଢିଯାଏ । ବର୍ଷାଦିନିଆ ଖାଦ୍ୟ ତାଲିକାରେ ମକାର ନାଁ ଆଗ ଆସିଥାଏ । ତେବେ ମକା କେବଳ ଯେ ସ୍ୱାଦିଷ୍ଟ ହୋଇଥାଏ ତାହା ନୁହେଁ ଏଥିରେ ଔଷଧୀୟଗୁଣ ମଧ୍ୟ ଭରି ରହିଥାଏ । ଏଥିରେ ଅନେକ ପୋଷକ ତତ୍ତ୍ୱ ରହିଛି, ଯାହା ବିଭିନ୍ନ ରୋଗ ଦୂର କରିବାରେ ସହାୟକ ହୋଇଥାଏ ।
ହୃଦୟ ଓ ମାଂସପେଶୀ ପାଇଁ ଉପକାରୀ : ମକାରେ ମ୍ୟାଗନେସିୟମର ପରିମାଣ ଅଧିକା ରହିଥାଏ, ଯାହା ମାଂଶପେଶୀ ଶକ୍ତ କରିବା ସହିତ ରକ୍ତଚାପ ନିୟନ୍ତ୍ରଣ କରିଥାଏ । ଏହାସହିତ ମକା ଖାଇବା ଫଳରେ ହୃଦଘାତର ଆଶଙ୍କା ମଧ୍ୟ କମିଥାଏ ।
ରୋଗପ୍ରତିରୋଧକ ଶକ୍ତି ବଢାଇବା - ଆମର ରୋଗପ୍ରତିରୋଧକ ବଢାଇବାରେ ମକା ବିଶେଷ ଭାବରେ ସହାୟକ ହୋଇଥାଏ । ଏଥିରେ ଫେରୁଲିକ୍‌ ଏସିଡ ସହିତ ଅନ୍ୟ ଆଣ୍ଟି ଅକ୍ସିଡାଣ୍ଟ ଥିବାରୁ ଏହା ଶରୀରର ରୋଗନିରୋଧକ ଶକ୍ତି ବୃଦ୍ଧି କରିଥାଏ । ବିଭିନ୍ନ ସ୍ୱାସ୍ଥ୍ୟ ସମସ୍ୟାରୁ ମଧ୍ୟ ଏହା ସୁରକ୍ଷା ଦେଇଥାଏ ।

ଓଜନ ନିୟନ୍ତ୍ରଣ - ମକାରେ ଥିବା ଫାଇବର ଆମର ଓଜନକୁ ନିୟନ୍ତ୍ରଣ କରିବାରେ ସହାୟକ ହୋଇଥାଏ । ଏହା ଖାଦ୍ୟ ଲାଳସାକୁ କମାଇଥାଏ, ଯାହା ଫଳରେ ବ୍ୟକ୍ତିଙ୍କର ଓଜନ ନିୟନ୍ତ୍ରଣରେ ରୁହେ ।