ରୋବୋଟିକ ଶୌଚାଳୟ
ବୟସ୍କ ଏବଂ ଦିବ୍ୟାଙ୍ଗ ବ୍ୟକ୍ତିମାନଙ୍କ ଆବଶ୍ୟକତାକୁ ଆଖିରେ ରଖି ଚୀନର ଏକ କମ୍ପାନୀ ଏପରି ଏକ ଅଭିନବ ରୋବୋଟିକ୍ ଶୌଚାଳୟ ପ୍ରସ୍ତୁତ କରିଛି, ଯାହା ବ୍ୟବହାରକାରୀଙ୍କ ଆଦେଶ ପାଇବା ମାତ୍ରେ ନିଜେ ଚାଲି ଚାଲି ବେଡ୍ ପର୍ଯ୍ୟନ୍ତ ପହଞ୍ଚିପାରିବ । ଚୀନର ସାଂଘାଇଠାରେ ଆୟୋଜିତ ଏକ ପ୍ରଦର୍ଶନୀରେ ଉନ୍ମୋଚିତ ହୋଇଥିବା ଏହି ସ୍ମାର୍ଟ ଟଏଲେଟ୍କୁ ୟୁଜର ନିଜର ସ୍ୱର (ଭଏସ୍ କମାଣ୍ଡ) କିମ୍ବା ରିମୋଟ୍ କଣ୍ଟ୍ରୋଲ୍ ସାହାଯ୍ୟରେ ନିଜ ପାଖକୁ ଡକାଇ ପାରିବେ । ଏହା ସମ୍ପୂର୍ଣ୍ଣ ଭାବେ ସୁରକ୍ଷିତ ଭାବେ କାମ କରିବା ପାଇଁ ଏଥିରେ ଲାଇଡାର୍, ଲେଜର ଏବଂ ଅଲ୍ଟ୍ରାସୋନିକ ସେନ୍ସର ଭଳି ଅତ୍ୟାଧୁନିକ ପ୍ରଯୁକ୍ତିବିଦ୍ୟା ଖଞ୍ଜାଯାଇଛି । ଯାହାଦ୍ୱାରା ଏହା ଘର ଭିତରେ ଥିବା କାନ୍ଥ, ଆସବାବପତ୍ର ଏବଂ ସିଡ଼ିକୁ ସହଜରେ ଚିହ୍ନି ନିଜର ଗତିପଥ ବଦଳାଇ ଦେଇଥାଏ । ଏହି ରୋବୋଟିକ୍ ଟଏଲେଟ୍ର ଅନ୍ୟ ଏକ ବିଶେଷତ୍ୱ ହେଉଛି ଯେ, ବ୍ୟବହାର ସରିବା ପରେ ଏହା ନିଜେ ନିଜର ଚାର୍ଜିଂ ଷ୍ଟେସନକୁ ଫେରିଯାଏ । ଏଥିରେ ଥିବା ଅଟୋମେଟିକ୍ ୱେଷ୍ଟ ମ୍ୟାନେଜମେଣ୍ଟ ସିଷ୍ଟମ୍, ଗରମ ପାଣିରେ ସଫା କରିବା ଏବଂ ଡ୍ରାଇଙ୍ଗ୍ ସର୍ଭିସ୍ ସହିତ ଦୁର୍ଗନ୍ଧ ରୋକିବା ପାଇଁ ସ୍ୱତନ୍ତ୍ର ଫିଲ୍ଟର ବ୍ୟବସ୍ଥା ଯୋଗୁଁ ଏହା ନିଜର ସଫେଇ ମଧ୍ୟ ନିଜେହିଁ କରିଥାଏ । ବଜାରରେ ଏହି ଅତ୍ୟାଧୁନିକ ତଥା ସ୍ୱୟଂଚାଳିତ ରୋବୋଟିକ୍ ଟଏଲେଟ୍ର ମୂଲ୍ୟ ପ୍ରାୟ ୪,୦୦୦ ଡଲାର ଅର୍ଥାତ୍ ଭାରତୀୟ ମୁଦ୍ରାରେ ପାଖାପାଖି ୩.୭ ଲକ୍ଷ ଟଙ୍କା ବୋଲି ଜଣାପଡ଼ିଛି ।
