ସୀମା ଜଗିବ ରୋବଟ

By: Ipsita

ଚୀନ ସବୁବେଳେ ନିଜର ଟେକ୍ନୋଲୋଜି ପାଇଁ ଚର୍ଚ୍ଚାରେ ରହିଥାଏ । ନିକଟରେ ସେହିଭଳି ଏକ ଘଟଣା ପାଇଁ ଚର୍ଚ୍ଚାରେ ରହିଛି ଚୀନ । ନିଜର ସୀମାକୁ ହାଇଟେକ କରିବା ପାଇଁ ଚୀନ ନିଜ ସୀମାରେ ରୋବଟ ଆର୍ମି ନିୟୋଜିତ କରିବାକୁ ଯୋଜନା କରୁଛି । ଏଥିପାଇଁ ଚୀନର ସରକାର ଓ ରୋବୋଟିକ୍ସ କମ୍ପାନୀ ମଧ୍ୟରେ ୩୧୨ କୋଟିର ଚୁକ୍ତି ସ୍ୱାକ୍ଷର ହୋଇଛି । ପ୍ରଥମ ଫେଜରେ ଚୀନ ମଣିଷ ଭଳି ଦେଖାଯାଉଥିବା ରୋବଟଙ୍କର ସେନା ନିୟୋଜିତ କରିବ । ଏହି ରୋବଟମାନେ ସୀମାରେ ପାଟ୍ରୋଲିଂ କରିବା ସହିତ ନଜର ରଖିବେ । ସେହିଭଳି ସୀମାରେ ଯାଆସ କରୁଥିବା ଯାତ୍ରୀଙ୍କୁ ମଧ୍ୟ ଏମାନେ ଗାଇଡ କରିବେ । ଭିଡକୁ ନିୟନ୍ତ୍ରଣ କରିବା ସହିତ ବିଭିନ୍ନ ସାମଗ୍ରୀକୁ ଅପଟ ସେପଟ କରିବା କାର୍ଯ୍ୟ ମଧ୍ୟ କରିବେ । ଏହି କାର୍ଯ୍ୟ ପାଇଁ ଓ୍ୱାକର ଏସ ୨ ମଡେଲର ରୋବଟର ବ୍ୟବହାର କରାଯାଉଛି । ଏହା ଦୁନିଆର ଏଭଳି ଏକ ରୋବଟ ଯାହା ବ୍ୟାଟେରୀ ସରିବା ପରେ ନିଜେ ନିଜର ବ୍ୟାଟେରୀ ବଦଳାଇ ପାରିବ । ଚୀନ ଏହି ପ୍ରକ୍ଳପ ଅଧୀନରେ ୫୦୦ ରୋବଟଙ୍କୁ ନିୟୋଜିତ କରିବାକୁ ଯୋଜନା କରୁଛି । ସେହିଭଳି ଆଗକୁ ୨୦୨୭ ସୁଦ୍ଧା ୧୦ ହଜାରରୁ ଅଧିକ ରୋବଟ ତିଆରି କରିବାକୁ ସେନା ଲକ୍ଷ ରଖିଛି ।