ଗୁଡି ପାଡୱା
ଗୁଡ଼ି ପାଡ଼ୱା ହେଉଛି ମହାରାଷ୍ଟ୍ର ଏବଂ କୋଙ୍କଣ ଅଞ୍ଚଳର ଏକ ପ୍ରମୁଖ ପର୍ବ, ଯାହା ଚୈତ୍ର ମାସର ଶୁକ୍ଳ ପ୍ରତିପଦା ତିଥିରେ ହିନ୍ଦୁ ନବବର୍ଷ ଭାବେ ପାଳିତ ହୁଏ । ପୌରାଣିକ ମାନ୍ୟତା ଅନୁସାରେ, ଏହି ଦିନ ପ୍ରଭୁ ବ୍ରହ୍ମା ସୃଷ୍ଟି ରଚନା କରିଥିଲେ ଏବଂ ଭଗବାନ ରାମଚନ୍ଦ୍ର ଚଉଦ ବର୍ଷର ବନବାସ ପରେ ଅଯୋଧ୍ୟା ପ୍ରତ୍ୟାବର୍ତ୍ତନ କରିଥିଲେ । ଏହି ଅବସରରେ ଲୋକମାନେ ନିଜ ଘର ଆଗରେ ଏକ ବାଉଁଶ ବାଡ଼ିରେ ରଙ୍ଗୀନ ପୋଷାକ, ନିମ ପତ୍ର, ଫୁଲ ମାଳ ଏବଂ ଏକ ଓଲଟା ତମ୍ବା ବା ରୂପା ପାତ୍ର ରଖି 'ଗୁଡ଼ି' ବା ବିଜୟର ପ୍ରତୀକ ଉଡ଼ାଇଥାନ୍ତି । ଶ୍ରଦ୍ଧାଳୁମାନେ ଘରକୁ ସଜାଇବା ସହ 'ପୁରନ ପୋଲି' ଓ 'ଶ୍ରୀଖଣ୍ଡ' ଭଳି ସୁଆଦିଆ ବ୍ୟଞ୍ଜନ ପ୍ରସ୍ତୁତ କରନ୍ତି ଏବଂ ଜୀବନର ସୁଖ-ଦୁଃଖକୁ ସମାନ ଭାବେ ଗ୍ରହଣ କରିବା ପାଇଁ ଗୁଡ଼ ଓ ନିମ ପତ୍ରର ମିଶ୍ରଣ ସେବନ କରିଥାନ୍ତି ।
Tags:
