ସ୍ବାଦ ପସରା
ଓଡ଼ିଶାର ପାରମ୍ପରିକ ଖାଦ୍ୟ ଏହାର ସମୃଦ୍ଧ ସଂସ୍କୃତି ଏବଂ ଶ୍ରୀଜଗନ୍ନାଥଙ୍କ ସହିତ ଜଡ଼ିତ ଆଧ୍ୟାତ୍ମିକ ପରମ୍ପରାର ପ୍ରତିଫଳନ, ଯାହା ସ୍ୱଳ୍ପ ତେଲ ଓ ମସଲାର ବ୍ୟବହାର ଯୋଗୁଁ ଅତ୍ୟନ୍ତ ସ୍ୱାସ୍ଥ୍ୟପ୍ରଦ ଓ ସ୍ୱାଦିଷ୍ଟ । ଓଡ଼ିଆ ଭୋଜନରେ 'ପଖାଳ' ଏକ ମୁଖ୍ୟ ଆହାର, ଯାହା ଗ୍ରୀଷ୍ମ ଋତୁରେ ଶରୀରକୁ ଶୀତଳତା ପ୍ରଦାନ କରିବା ସହ ବଡ଼ି ଚୂରା, ଶାଗ ଭଜା ଏବଂ ମାଛ ଭଜା ଭଳି ଅନେକ ବ୍ୟଞ୍ଜନ ସହିତ ପରିବେଷଣ କରାଯାଏ । ଡାଲି ଏବଂ ବିଭିନ୍ନ ପନିପରିବାକୁ ନେଇ ପ୍ରସ୍ତୁତ 'ଡାଲମା' ହେଉଛି ଓଡ଼ିଶାର ଘରେ ଘରେ ପରିଚିତ ସବୁଠାରୁ ଲୋକପ୍ରିୟ ବ୍ୟଞ୍ଜନ, ଯାହା ଭାତ କିମ୍ବା ଚକୁଳି ପିଠା ସହିତ ଖୁବ୍ ଭଲ ଲାଗେ । ଓଡ଼ିଆ ମିଷ୍ଟାନ୍ନ ମଧ୍ୟରେ 'ଛେନାପୋଡ଼' ବିଶ୍ୱପ୍ରସିଦ୍ଧ । ସେହିଭଳି ଓଡ଼ିଶାର ଲୋକ ମିଠାପ୍ରିୟ ତେଣୁ ଏଠାରେ ମିଳୁଥିବା ରସଗୋଲା, ରସାବଳି ଓ ଖିରିର ଏକ ସ୍ୱତନ୍ତ୍ର ସ୍ଥାନ ରହିଛି । ପର୍ବପର୍ବାଣି ସମୟରେ ପ୍ରସ୍ତୁତ ହେଉଥିବା ବିଭିନ୍ନ ପ୍ରକାର ପିଠା ଯଥା- ପୋଡ଼ ପିଠା, ଏଣ୍ଡୁରି ପିଠା, କାକରା ଏବଂ ଆରିସା ପିଠା ଓଡ଼ିଶାର ରାନ୍ଧଣା ଶୈଳୀର ବିବିଧତାକୁ ଦର୍ଶାଏ । ପୁରୀ ଶ୍ରୀମନ୍ଦିରର 'ଅବଢ଼ା' ବା ମହାପ୍ରସାଦ ଓଡ଼ିଶାର ସର୍ବଶ୍ରେଷ୍ଠ ପାରମ୍ପରିକ ଭୋଜନ ଭାବେ ପରିଚିତ, ଯାହା ମାଟି ପାତ୍ରରେ ପ୍ରସ୍ତୁତ ହୋଇଥାଏ ଏବଂ ଏହାର ଅନନ୍ୟ ସ୍ୱାଦ ଓ ସୁଗନ୍ଧ ପ୍ରତିଟି ଓଡ଼ିଆକୁ ଗର୍ବିତ କରେ ।
