ଫ୍ଲାଟ୍ ଚପଲ ମନା
ରେଡ୍ କାର୍ପେଟ୍ ନିୟମ ଅନୁଯାୟୀ, ସମାରୋହରେ ପହଞ୍ଚୁଥିବା ମହିଳା ସେଲିବ୍ରିଟିମାନଙ୍କ ପାଇଁ ହାଇ-ହିଲ୍ସ ପିନ୍ଧିବା ଅନିର୍ବାଯ୍ୟ । ଏହି ନିୟମ ୨୦୧୫ ମସିହାରେ ଲାଗୁ କରାଯାଇଥିଲା । ଯଦି କୌଣସି ସେଲିବ୍ରିଟି ହିଲ୍ସ ବିନା ସେଠାରେ ପହଞ୍ଚନ୍ତି, ତେବେ ତାଙ୍କୁ ସମାରୋହ ଭିତରକୁ ଯିବାକୁ ଅନୁମତି ଦିଆଯାଏ ନାହିଁ । ୨୦୧୫ରେ ଏଭଳି ଏକ ମାମଲା ବିବାଦକୁ ଆସିଥିଲା, ଯେଉଁଠାରେ କିଛି ମହିଳା ସେଲିବ୍ରିଟିଙ୍କୁ ହିଲ୍ସ ନପିନ୍ଧିବା କାରଣରୁ ଭିତରକୁ ଯିବାକୁ ଦିଆଯାଇନଥିଲା । ଅଭିନେତ୍ରୀ କ୍ରିଷ୍ଟେନ ଷ୍ଟିୱାର୍ଟ ଏବଂ ଜୁଲିଆ ରୋବର୍ଟସ ମଧ୍ୟ ଏହି ନିୟମର ବିରୋଧ କରି ରେଡ୍ କାର୍ପେଟ୍ରେ ନିଜ ହିଲ୍ସ ଓହ୍ଲାଇ ଦେଇଥିଲେ । ସେହିଭଳି ସୂଚନା ଅନୁସାରେ ୨୦୦୪ କାନ୍ସ ମହୋତ୍ସବରେ ଐଶ୍ୱର୍ଯ୍ୟା ରାୟ ରେଡ୍ କାର୍ପେଟ୍ରେ ଫ୍ଲାଟ୍ ଫୁଟୱେୟାର (ଚପଲ) ପିନ୍ଧିଥିବାର ନଜର ଆସିଥିଲେ ।
ଭଡ଼ାରୁ ରୋଜଗାର ୩ ହଜାର କୋଟି
କାନ୍ସ ସହର ଏହାର ‘ୟାଟ୍ ପାର୍ଟି’ ପାଇଁ ମଧ୍ୟ ବହୁତ ପ୍ରସିଦ୍ଧ। ଚଳଚ୍ଚିତ୍ର ମହୋତ୍ସବରେ ଯୋଗ ଦେବାକୁ ଆସୁଥିବା ବିଶ୍ୱର ଅନେକ ସେଲିବ୍ରିଟି ଏହି ସମୟରେ ୟାଟ୍ ପାର୍ଟିର ମଧ୍ୟ ଅଂଶ ହୁଅନ୍ତି । ‘ଟେଲିଗ୍ରାଫ୍’ର ଏକ ରିପୋର୍ଟ ଅନୁଯାୟୀ, କେବଳ ଏହି ୟାଟ୍ ପାର୍ଟିରୁ କାନ୍ସ ସହର ବାର୍ଷିକ ୩ ହଜାର କୋଟି ଟଙ୍କା ରୋଜଗାର କରେ, ଯାହା ସେଲିବ୍ରିଟିମାନେ ନିଜେ ଖର୍ଚ୍ଚ କରିଥାନ୍ତି ।
