ପ୍ରଦୂଷଣ ପ୍ରଭାବ

ଦିଲ୍ଲୀ ପ୍ରଦୂଷଣର ସିଧାସଳଖ ନକରାତ୍ମକ ପ୍ରଭାବ ମଣିଷ ସମାଜ ଉପରେ ପଡିଥାଏ। ଏଥିରେ ବିଭିନ୍ନ ପ୍ରକାର ସମସ୍ୟା ସାମିଲ ରହିଛି, ଯେପରି ସ୍ବାସ୍ଥ୍ୟ, ସାମାଜିକ ଓ ଆର୍ଥିକ । ଯଦି ଆମେ ସ୍ବାସ୍ଥ୍ୟ ଉପରେ ପ୍ରଭାବ କଥା ଦେଖିବା ତେବେ ପ୍ରଦୂଷିତ ବାୟୁ କାରଣରୁ ଆମର ବିଭିନ୍ନ ପ୍ରକାରର ସ୍ବାସ୍ଥ୍ୟ ସମସ୍ୟା ଉପୁଜିଥାଏ । ପ୍ରଦୁଷିତ ବାୟୁରେ ଥିବା ପିଏମ୍୨.୫ ଓ ପିଏମ୍୧୦ ଆମର ଫୁସଫୁସରେ ପଶିବାଦ୍ବାରା ଆଜମା, ଶ୍ବାସ ସହିତ ବିଭିନ୍ନ ପ୍ରକାରର ଶ୍ବାସକ୍ରିୟା ଜନିତ ସମସ୍ୟା ସୃଷ୍ଟି ହୋଇଥାଏ । ଏହାସହ ହୃତପିଣ୍ଡ ସମସ୍ୟା ମଧ୍ୟ ଦେଖିବାକୁ ମିଳିଥାଏ । କେବଳ ଶ୍ବାସକ୍ରିୟା ଜନିତ ନୁହେଁ ଚର୍ମ ସମ୍ବନ୍ଧୀୟ ବିଭିନ୍ନ ସମସ୍ୟା ମଧ୍ୟ ଉପୁଜିଥାଏ । ବିଶେଷଭାବେ ଛୋଟ ପିଲା ଓ ବୟସ୍କ ଲୋକ ଏଥିରେ ପ୍ରଭାବିତ ହୋଇଥାଆନ୍ତି । ସ୍ବାସ୍ଥ୍ୟ ସମସ୍ୟା ବଢୁଥିବାର ଏହାର ପରୋକ୍ଷ ପ୍ରଭାବ ଦିଲ୍ଲୀବାସୀଙ୍କର ସମାଜ ଓ ଆର୍ଥିକ ସ୍ଥିତି ଉପରେ ପଡିଥାଏ ।

ପ୍ରଦୂଷଣ ହ୍ରାସପାଇଁ ପଦକ୍ଷେପ

ଦିଲ୍ଲୀର ପ୍ରଦୂଷଣକୁ କମାଇବାକୁ ଦିଲ୍ଲୀସରକାରଙ୍କ ପକ୍ଷରୁ ବିଭିନ୍ନ ପଦକ୍ଷେପ ନିଆଯାଇଥାଏ । କିଭଳିଭାବେ ପ୍ରଦୂଷଣକୁ ନିୟନ୍ତ୍ରଣ କରିହେବ ସେଥିପାଇଁ ବିଭିନ୍ନ ପ୍ରକାର ଯୋଜନା ଦିଲ୍ଲୀବାସୀଙ୍କ ପାଇଁ ଲାଗୁ କରାଯାଇଥାଏ । ଏଠାରେ ଯାନବାହାନରୁ ଉପୁଜୁଥିବା ପ୍ରଦୂଷଣକୁ କମାଇବାକୁ ଏଠାରେ ଅଡ ଇଭିନ୍ ବା ଯୁଗ୍ମ ଅଯୁଗ୍ମ ଫର୍ମୁଲା ଲାଗୁ କରାଯାଇଥିଲା । ଯେଉଁଥିରେ ଗୋଟିଏ ଦିନ ଯୁଗ୍ମ ନମ୍ବର ଥିବା ଗାଡି ଗଡୁଥିବାବେଳେ ଗୋଟିଏ ଦିନ ଅଯୁଗ୍ମ ନମ୍ବର ଥିବା ଗାଡି ଗଡିଥାଏ । ଯାହାଫଳରେ ସହରେ ଗାଡି ଗଡିବା କମିଥାଏ, ଯାହାଦ୍ବାରା ପ୍ରଦୂଷଣର ମାତ୍ରା ମଧ୍ୟ କମିଥାଏ । କେବଳ ନିୟମ ନୁହେଁ ଅନେକ ସମୟରେ ଦିଲ୍ଲୀବାସୀଙ୍କୁ ବିଭିନ୍ନ କାର୍ଯ୍ୟକ୍ରମ ଜରିଆରେ ସଚେତନ ମଧ୍ୟ କରାଯାଇଥାଏ । କିଭଳି ପେଟ୍ରୋଲ ବଦଳରେ ଇଭି ଏବଂ ସିଏନ୍ଜି ଫୁଏଲକୁ ବ୍ୟବହାର କରିବେ ସେନେଇ ଲୋକଙ୍କୁ ସଚେତନ କରାଯାଇଥାଏ । ସେହିଭଳି ସହରର ଆଖପାଖରେ ଗଛ ଲଗାଇବା ସହ ଜଙ୍ଗଲସୃଷ୍ଟି ପାଇଁ ମଧ୍ୟ ପଦକ୍ଷେପ ନିଆଯାଇଥାଏ । ଶିଳ୍ପ ସଂସ୍ଥାମାନଙ୍କ ପାଇଁ ମଧ୍ୟ ବିଭିନ୍ନ ନିୟମ ପ୍ରସ୍ତୁତ କରାଯାଇଥାଏ । ଯେଉଁସବୁକୁ ପ୍ରଦୂଷଣ କମାଇବା ପାଇଁ କରାଯାଇଥାଏ । ସେହିଭଳି ଶୀତଦିନ ଆସିବା ଆଗରୁ ବିଭିନ୍ନ ପଦକ୍ଷେପ ଯେପରି ଦୀପାବଳିରେ ବାଣ ଫୁଟାକୁ ବାରଣ, କୃଷକଙ୍କର କୃଷିବର୍ଜ୍ୟ ଦହନ ଉପରେ ରୋକ, ଲୋକଙ୍କୁ ସକାଳେ ଓ ସନ୍ଧ୍ୟାରେ ବିଶେଷ କାମ ନଥିଲେ ବାହାରିବାକୁ ମଧ୍ୟ ମନାକରାଯିବା ଭଳି ପଦକ୍ଷେପ ନିଆଯାଇଥାଏ । ସେହିଭଳି ବାହାରକୁ ବାହାରିବା ସମୟରେ ସମସ୍ତଙ୍କୁ ମାସ୍କ ପିନ୍ଧିବାକୁ ମଧ୍ୟ ସଚେତନ କରାଯାଇଥାଏ । ସେହିଭଳି ଏଠାରେ ରହୁଥିବା ଲୋକଙ୍କର ଘରେ ମଧ୍ୟ ଏୟାର ପ୍ୟୁରିଫାୟର ଲଗାଯିବାର ମଧ୍ୟ ଦେଖିବାକୁ ମିଳିଥାଏ ।