କୁକୁରର ସାଦଖିଆ

By: Ipsita

ଅନେକ ପଶୁପ୍ରେମୀମାନେ ଅନେକ ସମୟରେ ନିଜ ପୋଷାଜୀବଙ୍କର ବିଭିନ୍ନ ଅବସରକୁ ପାଳନ କରିଥାଆନ୍ତି । ଏଥିରେ ଜନ୍ମଦିନ କି କୌଣସି ଆଚିଭମେଣ୍ଟ ସାମିଲ ଥାଏ । ତେବେ ନିକଟରେ ସେହିଭଳି ଏକ ଉତ୍ସବ ଖୁବ ଭାଇରାଲ ହୋଇଛି । ଜଣେ ମାଲିକ ନିଜ ପୋଷା ଗର୍ଭବତୀ କୁକୁରର ସାଦ ଖିଆ ପାଳନ କରିଛନ୍ତି । ଯାହାର ଫଟୋ ଓ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଭିଡିଓରେ ଉକ୍ତ ଦମ୍ପତି କୁକୁରର ମୁହଁରେ ପ୍ରଥମେ ହଳଦୀ ଲଗାଇଛନ୍ତି ଯାହାପରେ ତାକୁ ନୀଳ ଓ ଧଳା ରଙ୍ଗର ଡ୍ରେସ ପିନ୍ଧାଉଛନ୍ତି । ଏହାସହ ତାକୁ ପାରମ୍ପରିକ ହାର ସହିତ ଫୁଲର ମାଳ ମଧ୍ୟ ପିନ୍ଧାଉଛନ୍ତି । ପୂରା ଘରକୁ ହଳଦିଆ ରଙ୍ଗରେ ସଜା ହୋଇଥିବା ଦେଖିବାକୁ ମିଳୁଛି । ସୋସିଆଲ ମିଡିଆରେ ଲୋକମାନେ ଏହି ଭିଡିଓକୁ ଖୁବ ପସନ୍ଦ କରୁଥିବା ଦେଖିବାକୁ ମିଳୁଛି । ସମସ୍ତେ ଉଭୟ ଦମ୍ପତିଙ୍କର ଖୁବ ପ୍ରଶଂସା କରୁଥିବା ଦେଖିବାକୁ ମିଳୁଛି ।