ଇସ୍ରାଏଲ: ଅକ୍ଟୋବର ୨୦: ଇସ୍ରାଏଲର ସମୁଦ୍ର ଭିତରୁ ଏକ ୯୦୦ ବର୍ଷ ପୁରୁଣା ଖଣ୍ଡା ମିଳିଛି । ଏହି ଖଣ୍ଡାଟିକୁ ଇସ୍ରାଏଲର ଜଣେ ବୁଡ଼ାଳି ଆବିଷ୍କାର କରିଛନ୍ତି । ଏକ ରିପୋର୍ଟରେ କୁହାଯାଇଛି ଯେ, ଏହି ଐତିହାସିକ ଖଣ୍ଡା ଧର୍ମଯୁଦ୍ଧ ସମୟରେ ଯୁଦ୍ଧ କରିଥିବା ଜଣେ ସୈନିକଙ୍କର ହୋଇପାରେ ।
ସୂଚନା ଅନୁଯାୟୀ ଶ୍ଲୋମି କାଟଜିନ ନାମକ ଜଣେ ବ୍ୟକ୍ତି ଏହି ଖଣ୍ଡାକୁ ପାଇଛନ୍ତି । ସମୁଦ୍ରରେ ବୁଡ଼ା ମାରୁଥିବା ସମୟରେ ଯେତେବେଳେ ୨୦୦ ମିଟର ଗଭୀର ଜଳକୁ ଯାଇଥିଲେ, ସେତେବେଳେ ସେ ଏକ ଅଜବ ଖଣ୍ଡାକୁ ଦେଖିଥିଲେ । ଖଣ୍ଡାଟି ବହୁତ ପୁରୁଣା ଥିଲା । ଏହାପରେ କାଟଜିନ ସମୁଦ୍ରରୁ ଖଣ୍ଡାକୁ ବାହାର କରି ଇସ୍ରାଏଲ ପ୍ରାଚୀନ ପ୍ରାଧିକରଣ (ଆଇଏଏ)କୁ ନେଇଥିଲେ ।
ଏଥିରେ ଅନେକ ଜିନିଷର ଅବଶିଷ୍ଟାଂଶ ଲାଗି ରହିଥିଲା, ଯେଉଁଥିରୁ ସ୍ପଷ୍ଟ ହୋଇଥିଲା ଯେ ଏହା ଧର୍ମଯୁଦ୍ଧ ସମୟର ଖଣ୍ଡା । ଆଇଏଏର ଅଧିକାରୀଙ୍କ କହିବା ଅନୁଯାୟୀ ଏହା ଏକ ସୁନ୍ଦର ଏବଂ ବିରଳ ଖଣ୍ଡା । ଏଥିରେ ଏକ ମିଟର ଲମ୍ବା ବ୍ଲେଡ୍ ଏବଂ ୩୦ ସେମିର ହ୍ୟାଣ୍ଡେଲ ମଧ୍ୟ ରହିଛି ।
ପ୍ରତ୍ନତତ୍ତ୍ୱ ବିଭାଗ ସହ ଜଡ଼ିତ ଅଧିକାରୀମାନେ ଆହୁରି ମଧ୍ୟ କହିଛନ୍ତି ଯେ ଏହି ଖଣ୍ଡା ଧାର୍ମିକ ଯୁଦ୍ଧ ସମୟରେ ଜଣେ ଯୋଦ୍ଧାଙ୍କର ବୋଲି ଅନୁମାନ କରାଯାଉଛି । ଏବେ ସେହି ଖଣ୍ଡା ଉପରେ ଅଧିକ ଅଧ୍ୟୟନ କରାଯାଉଛି ।
