ପେନସନ ପାଇଁ ନେଲେ ମାଆଙ୍କ ରୂପ

By: Ipsita

ଇଟାଲୀର ଏକ ଘଟଣା ବର୍ତ୍ତମାନ ସୋସିଆଲ ମିଡିଆ ସହ ବିଭିନ୍ନ ଗଣମାଧ୍ୟମରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । ଇଟାଲୀର ମାଣ୍ଟୁଆ ସହରରେ ଥିବା ୫୬ ବର୍ଷୀୟ ଜଣେ ବ୍ୟକ୍ତି ନିଜ ମାଆଙ୍କ ପେନସନ ନେବା ପାଇଁ ତାଙ୍କ ଭଳି ରୂପ ନେଇଛନ୍ତି । ଏପରିକି ସେ ନିଜ ମାଆଙ୍କ ଶବକୁ ୩ ବର୍ଷ ପାଇଁ ଲୁଚାଇ ମଧ୍ୟ ଥିଲେ । ସୂଚନା ଅନୁସାରେ ବ୍ୟକ୍ତିଙ୍କର ମାଆଙ୍କୁ ପ୍ରତିବର୍ଷ ପାଖାପାଖି ୪୭ ଲକ୍ଷର ପେନସନ ମିଳିଥାଏ । ହେଲେ ୨୦୨୨ରେ ଅସୁସ୍ଥତା କାରଣରୁ ତାଙ୍କର ୮୨ ବର୍ଷରେ ମୃତ୍ୟୁ ହୋଇଥିଲା । ହେଲେ ବୃଦ୍ଧାଙ୍କର ପୁଅ ପେନସନ ଟଙ୍କା ଲୋଭରେ ମାଆଙ୍କର ଅନ୍ତିମ ସଂସ୍କାର ମଧ୍ୟ କରିନଥିଲେ । ନିଜ ମାଆର ମୃତ ଶରୀରକୁ ସ୍ଲିପିଂ ବ୍ୟାଗରେ ଭର୍ତ୍ତି କରି ଲୁଚାଇ ରଖିଥିବା ଜଣା ପଡିଛି । ସେହିଭଳି ପେନସନ ଆଣିବା ପାଇଁ ଡକ୍ୟୁମେଣ୍ଟ ରିନ୍ୟୁ କରାଇବା ପାଇଁ ସେ ନିଜ ମାଆଙ୍କ ପୋଷାକ ପିନ୍ଧିବା ସହିତ ମେକଅପ କରି ପେନ୍‌ସନ ଅଫିସରେ ପହଞ୍ଚୁଥିଲେ । ଏତେ ଚାଲାକରେ ସେ କାର୍ଯ୍ୟ କରୁଥିଲେ କି କେହି ଏହାକୁ ଜାଣି ପାରୁନଥିଲେ । ହେଲେ ଜଣେ କର୍ମଚାରୀ ଏହି ଫର୍ଜରୀ ଧରିବାରେ ସଫଳ ହୋଇପାରିଥିଲେ, ଯାହାପରେ ସମ୍ପୃକ୍ତ ବ୍ୟକ୍ତିଙ୍କୁ ଗିରଫ ମଧ୍ୟ କରାଯାଇଛି ।