ଅଭିଭାକଙ୍କ ଝଗଡାର ନକାରାତ୍ମକ ପ୍ରଭାବ

ଅନେକ ସମୟରେ ପରିବାରରେ ଦେଖିବାକୁମିଳେ ବାପା ମାଆମାନେ ପିଲାଙ୍କ ଆଗରେ ଝଗଡା କରିଥାଆନ୍ତି, ହେଲେ ଏହାର ଖୁବ ଖରାପ ପ୍ରଭାବ ସେମାନଙ୍କ ଉପରେ ପଡିଥାଏ ବୋଲି ବିଭିନ୍ନ ଗବେଷଣାରୁ ଜଣା ପଡିଛି । ପିଲାମାନେ ସବୁବେଳେ ବାପା ମାଆଙ୍କ ପାଖରୁ ହିଁ ଦୁନିଆ ବିଷୟରେ ଜାଣନ୍ତି । ସେମାନେ ସମ୍ପର୍କର ମାନେ ସେମାନଙ୍କ ପାଖରୁ ହିଁ ବୁଝିଥାଆନ୍ତି ବୋଲି ଏହି ରିପୋର୍ଟ ସବୁରେ ଦର୍ଶାଯାଇଥାଏ । ତେଣୁ ବାପା ମାଆଙ୍କ ମଧ୍ୟରେ ବାରମ୍ବାର ଝଗଡା ହେବା ଫଳରେ ସେମାନଙ୍କର ମେଣ୍ଟାଲ ଓ ଇମୋସନାଲ ହେଲ୍‌ଥ ନଷ୍ଟ ହୋଇଥାଏ ବୋଲି ଦର୍ଶାଯାଇଛି । ଏଭଳି ମାହୋଲ ଘରେ ରହିବା ଫଳରେ ସେମାନେ ସବୁବେଳେ ନିଜକୁ ଅସୁରକ୍ଷିତ ଭାବିଥାଆନ୍ତି । ବାପା ମାଆଙ୍କ ଠାରୁ ସେମାନେ ଦୂରେଇ ଯାଇଥାଆନ୍ତି । ଭଲ ପାଇବା ଉପରେ ସେମାନଙ୍କର ବିଶ୍ୱାସ ରହି ନଥାଏ । ଧୀରେଧୀରେ ସେମାନେ ବି ଚିଡ୍‌ଚିଡା ଓ ରାଗ ସ୍ୱଭାବର ହୋଇ ଯାଆନ୍ତି । ସେହିଭଳି ଯଦି ଘରର ପରିସ୍ଥିତି ନ ବଦଳେ ତେବେ ସେମାନଙ୍କ ଭିତରେ ଆତ୍ମ ବିଶ୍ୱାସ ମଧ୍ୟ କମିବାରେ ଲାଗିଥାଏ । ସେମାନେ ଅନେକ କଥା ବାପା ମାଆଙ୍କ ସହିତ ସେୟାର କରି ପାରନ୍ତି ନାହିଁ, ଯାହା ସେମାନଙ୍କ ଜୀବନରେ ବିଭିନ୍ନ ସମସ୍ୟା ତିଆରି କରିଥାଏ । ବିଭିନ୍ନ ଗବେଷଣାରେ ମିଳିଥିବା ତଥ୍ୟ ଅନୁସାରେ ବାପା ମାଆଙ୍କର ନିଜ ନିଜ ଭିତର ଝଗଡା କାରଣରୁ ପିଲାଙ୍କ ନିକଟରେ ଆଙ୍ଗଜାଇଟି, ଡିପ୍ରେସନ ଭଳି ସମସ୍ୟା ଦେଖିବାକୁ ମିଳିଥାଏ । ତେଣୁ ସବୁବେଳେ ପିଲାଙ୍କ ଆଗରେ ବାପା ମାଆଙ୍କୁ ଭଲ ମନରେ ରହିବାର ଆବଶ୍ୟକତା ରହିଛି । ସେମାନଙ୍କ ଆଗରେ ଝଗଡା ନକରି ମିଳିମିଶି ରହିଲେ ସେମାନଙ୍କ ପାଇଁ ଏକ ଭଲ ଉଦାହରଣ ସୃଷ୍ଟି ହେବ ।