ପରିଶ୍ରମୀ ଶ୍ରଦ୍ଧା

ବଲିଉଡ ଅଭିନେତ୍ରୀ ଶ୍ରଦ୍ଧା କପୁର ସୋସିଆଲ ମିଡିଆରେ ଏକ ଭିଡିଓ ପୋଷ୍ଟ କରିଛନ୍ତି ଯେଉଁଥିରେ ସେ ରେଷ୍ଟ ନେବା କଥା ପ୍ରକାଶ କରିଛନ୍ତି । ସୂଚନା ଅନୁସାରେ ନିକଟରେ ଶ୍ରଦ୍ଧା ଫିଲ୍ମ ଇଥାର ସୁଟିଂ ସମୟରେ ଆହତ ହୋଇଛନ୍ତି । ତାଙ୍କ ଗୋଡରେ ଆଘାତ ଲାଗିଛି, ଯାହାପରେ ଡାକ୍ତର ତାଙ୍କୁ କାମରୁ ବ୍ରେକ ନେଇ ଆରାମ କରିବାକୁ ପରାମର୍ଶ ଦେଇଛନ୍ତି । ସେହିଭଳି ଏହି ଭିଡିଓରେ ମଧ୍ୟ ଦେଖିବାକୁ ମିଳୁଛି କି ଶ୍ରଦ୍ଧାଙ୍କ ଗୋଡରେ ପ୍ଲାଷ୍ଟର ପଡିଛି । ଶ୍ରଦ୍ଧାଙ୍କର ଏହି ଭିଡିଓରେ ତାଙ୍କ ଫ୍ୟାନମାନେ ଚିନ୍ତା ପ୍ରକଟ କରିବା ସହିତ ଶ୍ରଦ୍ଧାଙ୍କୁ ନିଜ ଯନି ନେବାକୁ ପରାମର୍ଶ ଦେଇଛନ୍ତି । ନିଜର ଧ୍ୟାନ ରଖି ସୁଟିଂ କରିବାକୁ ସମସ୍ତେ ତାଙ୍କୁ କମେଣ୍ଟ ମାଧ୍ୟମରେ କହୁଥିବା ଦେଖିବାକୁ ମିଳୁଛି । ସୂଚନା ଅନୁସାରେ ଫିଲ୍ମ ଇଥା ଲାବନୀ ନୃତ୍ୟଶିଳ୍ପୀ ବିଠାଭାଇ ଭାଉ ନାରାୟଣଗଂବାକରଙ୍କ ଜୀବନୀ ଉପରେ ନିର୍ମାଣ କରାଯାଇଛି । ଫିଲ୍ମରେ ଶ୍ରଦ୍ଧାଙ୍କୁ ଫିମେଲ ଲିଡ୍‌ରେ ଦେଖିବାକୁ ମିଳୁଛି । ସେପଟେ ଶ୍ରଦ୍ଧା କପୁର ଆହତ ହେବା ପରେ ଫିଲ୍ମର ସୁଟିଂ ମଧ୍ୟ କିଛିଦିନ ପାଇଁ ବନ୍ଦ କରାଯାଇଛି । ଏହି ସମୟରେ ସୁଟଂ ବନ୍ଦ ନକରି ନାଚ ବ୍ୟତିତ ଅନ୍ୟ ସୁଟିଂ କରିବାକୁ ଶ୍ରଦ୍ଧା କପୁର ଇଚ୍ଛା ପ୍ରକାଶ କରିଥିଲେ । ଯାହାପରେ ଏହି ସବୁ ସିନ୍‌ ସୁଟିଂ ପାଇଁ ପ୍ରସ୍ତୁତି ଆରମ୍ଭ ହୋଇଛି । ଫିଲ୍ମରେ ଶ୍ରଦ୍ଧାଙ୍କ ବ୍ୟତିତ ରଣଦୀପ ହୁzା ମଧ୍ୟ ନଜର ଆସିବେ ।